Migrazioak eta garapena? Win-win eszenatokia posible ote?
Azken aste hauetan, berriz ere, migrazioei loturiko gaiek indarra hartu dute agenda politiko europarrean. Hartu behar diren neurrien artean migrazio guneak diren lurraldeen garapena bultzatu behar dela entzun da behin baino gehiagotan. Horrela, fluxuak baretzeko –baina ez hori bakarrik– migratzaileek beraiek garapen hori bultzatu dezaketela azpimarratzen da. Bitxia bada ere, diskurtso hori migrazioen inguruko eztabaidan kokatzen diren muturretan entzun dezakegu. Frantziako Fronte Nazionalak erabili du migrazio fluxuak eteteko argudioarekin, baina sarritan garapenerako elkarkidetzan lan egiten duten erakundeek ere erabiltzen dute. Pentsa daitekeen moduan oso interes eta helburu ezberdinekin.
Ideia horren atzean dagoen premisa honako hau da –gutxienez ikuspegi aurrerakoiaren baitan–: migrazioek garapena sortzen dute helmugako gizartean, baina jatorriko gizartean ere sortu dezake, bi guneen arteko elkarkidetza sustatuz. Nolabait ere, jatorriko zein helmugako gizarteak biak garaile –win win eszenatokia– agertuko litzateke.
Benetan posible al da ekuazio bertutetsu hori lortzea? Nik arazo handiak ikusten ditut. Aurreko ikuspegiaren aldekoek planteatzen duten argudioetako bat da migrazioen ekarpen ezberdinek, “erremes”-ek nagusiki, jatorriko lurraldearen garapena bultza dezaketela. Hau eman badaiteke ere, ez da automatikoa eta testuinguruak erabat baldintzatzen du “erremes”-en erabilera zein arrakasta. Lurralde batean benetako barne garapena eman ahal izateko, benetako garapenerako politikak aurrera eraman behar dira. Garapenaren erronka migratzaileengan jartzea gehiegizkoa da eta porrotera eramango gaitu ezinbestean.
Era berean, ezin dugu ahaztu jatorriko eta helmugako gizartearen artean sortzen diren harremanak erabat asimetrikoak direla, migrazioen bidez askotan jatorriko lurraldearen populazio aktiboaren gehiegizko murrizketa ematen da eta honek ondorio kaltegarriak ditu garapenerako. Baina ez hori bakarrik, nahiz eta migratzaileen ekarpena jatorrian positiboa izan, askoz ere onuragarriagoa da helmugako gizartean, beraz asimetria da nagusi eta izenburuaren jokoarekin jarraituz, harreman bertutetsua ematekotan, win win harremanaren araberakoa izango litzateke, non batzuk irabazle ateratzen diren, baina besteak askoz ere “irabazleagoak”…
Laburbilduz, desirak eta borondate ona ezin dira errealitatearekin nahastu. Migrazio fluxuek nazioarte mailako sistema ekonomiko globalizatuaren parte ere badira, eta ezin dugu ahaztu bertan desberdintasunak eta desorekak nagusi direla. Hori kontuan hartzen ez badugu zaila izango da migrazio eta garapenaren inguruko eztabaidaren baitan probetxuzko emaitzarik lortzea.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
EHBaik Autonomia estatutu baterako proposamena prestatu du, gure nazioaren burujabetza osorako bidean etapa gisa.
Uharteko artzain egunean azaldu zuten Euskal Herriak nazioarteko ardi mozketa txapelketatan aritzeko onarpena lortu duela. Ofizialtasuna Eskoziako 2023ko munduko txapelketan etorri zen, euskal moztaileek aurkeztutako dosierra eta bertan egindako defentsa bikainaren ondorioz... [+]
Segur aski, gutariko gehienek jada erosiak dituzte, han eta hemen, Eguberrikari banatzeko opariak. Olentzeroren bisita gautar hori hitzordu handia baita, bereziki haurrentzat. Denak prestatzen dira urteko garai emankor horretarako: Bilbo sutan agertzen da, Gasteiz, Iruña... [+]
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Benetan nahasia da euskara ikasteko dirulaguntzen kontu hori. Euskara ikasi nahi duen herritarrak leihatila bat baino gehiagotara jo beharko du egin nahi duen ikastaroa zenbat kostatuko zaion eta dirulaguntzak nondik, nola eta noiz lortuko dituen jakiteko. Oraindik ere dirua... [+]
Hizkuntza matematikoa ondo ulertu eta interpretatzeak badu garrantzia ikasketa prozesuan; horixe esan ohi diegu guk geure ikasleei, bederen. Matematiken lengoaia unibertsala da, eta oro har, interpretaziorako errore marjina txikia izan ohi da. Nekez marraztuko genuke hiruki bat... [+]
Beharbada gizakion ahultasunetariko bat gehiengoari entzuteko eta kasu egiteko dugun joera da. Ziur gure espeziearen garapenaren ezaugarri garrantzitsua izan dela, eta beharrezkoa biziraupenerako. Baina digitalizazioarekin, dugun ezaugarri horrek zaurgarriagoak bilakatu... [+]
Bileretan denetarik elkartzen gara, eta bilerek berek nolakotzen gaituzte unean, bakoitzak bere rola izaten baitu, bere boteretxoa (edo haren falta), adina, bizitzako momentua. Baina beti-beti daude isiltzen direnak. Letek kantatzen zigun handitzean ikasiko genuela isilik... [+]
Gure eskubideak, gure etorkizuna, orain! lelopean, Giza Eskubideen Nazioarteko Egunak 76 urteetako ondarea ospatzen du. Egunak mundu baketsuagoa, berdinzaleagoa eta jasangarriagoa eraikitzearen alde egitea du xede. Hala ere, aurrerapenak ospatzen diren bitartean, babesturik... [+]
Tabernan zaude, barran, eskatu nahian. Mostradorean beste pertsona batzuk ere berdin. Laster izango da zure txanda, baina zuri tokatu arren, zerbitzariak ez dizu galdetu ea zer nahi duzun, salto egin dizu eta zure atzean etorri den gizona atenditu du. Ergel aurpegia geratu... [+]
Barruan dudan zera honi idatzi nahiko nioke. Pandemiatik ia bost urte beteko dira, eta garai hartan gazteak ginenak hasi gara, gazte izaten jarraitzen badugu ere, bestelako espazio batzuetan orbitatzen. Etxebizitza, bizi proiektua, amatasuna, lana, osasuna... elkarrizketetako... [+]
Gogoratzen al duzue? Legebiltzarreko %90ak onartu zuen Hezkuntza Akordioa duela bi mende –barkatu, bi urte–. Ezkerraren biltzarkideen erreakzioa euforiaren eta neurriko gogobetetasunaren artean mugitu zen. Onarturiko dokumentuaren arabera, zentro pribatuek diru... [+]
Egotea egitea da. Hala dio aurten Durangoko Azokak, eta egia da, azokaren beraren kasuan behintzat eta Euskal Herria aintzat hartuta. Dagoeneko 59. azoka da aurtengoa, eta urtero egote hutsak frogatzen du euskara, euskal kultura, euskal nazioa egiteko modua dela Durangoko... [+]