Newtonen lehen hitzak parlamentuan
1689an Isaac Newton Erresuma Batuko Lorden Ganberako kide izendatu zuten, Jakue II.a erregea tronutik kendu eta berehala. Newtonen lorpen zientifikoek zerikusia izan zuten horretan, baina errege ohiaren aurka Cambridgeko unibertsitatea defendatzen egindako ahalegina erabakigarria izan zen izendapenean.
(Arg: Godfrey Kneller)
Luzaroan, ordea, zientzialaria eserlekuan isilik egon zen, egun batez altxa eta hitza eskatu zuen arte. Eta denek jenioaren hitzaldi gogoangarria espero zutenean, zera bota zuen: “Eskuineko leiho hori ixteko erregutzen dizuet, haize-laster izugarria sartzen baita”. Handik aurrera ere ekarpen gutxi egingo zuen goi ganberan –eta asko laborategian–.