Pertsona haien DNAk erakusten du emakumezkoen aniztasun genetikoa askoz nabarmenagoa zela gizonezkoena baino. Beste modu batera esanda, gizonezkoak nagusiki bertakoak ziren, eta emakumezkoak, aldiz, ez. Horrek esan nahi du emakumeek migratu egiten zutela familiak osatzeko, eta, hala, endogamiaren kalteak saihesteaz gain, giza taldeen ohiturak eta ezagutzak zabaldu zituztela. Truke hori funtsezkoa izan zen Neolitoa amaitu eta Brontze Aroa abiatzeko.