Garesko liburutegia ARGIA zalea egin da
Lana erraztuta ematen didate niri. Biderik zailena eginda. Zein erosoa den ondokoak egindako esfortzu guztiari azken ukitu goxoa ematea, bidea leundua denean. “Milesker” hitzarekin elkarrizketa hastea zein samurra den. Tonu horretan hitz egin dut Garesko liburutegi publikoko Eva arduradunarekin. ARGIAko harpidedun egin berri dira.
Harpidedun berri guztiei egiten diedan galdera da, baina, zergatik ARGIA? Bakoitzak ematen ditu oso argudio pertsonalak, pertsonak adina argudio. Liburutegi publiko bat izanik, kasu honetan ez da hautu pertsonal bat, gehiago da herriari zerbitzurik ahalik eta osatuena emateko intentzioa. Honela erantzun du Evak: “Liburutegi publikoak hizkuntza-eskubideak bermatu behar ditu eta euskaraz dauden liburuak, aldizkariak eta materialak erosita egin dezakegu pixkanaka normalizazio honetara bidea”. Garesko herriari gaurkotasunaren informazioa eskaini nahi dio, euskaraz, liburutegiak; “euskaldun petoak ase, eta euskaldun berriei hizkuntza ikasi eta gozatzeko beste aukera batzuk eman”.
Lanketa berezia egiten ari da ARGIA Hego Euskal Herriko liburutegi publikoetan, helburu garbi batekin: euskal hedabideok ahalik eta gune publiko gehienetan gure presentzia bermatzea. Horren fruitu da harpidetza berri hau, eta bide horretan jarraitzeko asmoa dugu.
Euskarazko beste egunkari edo aldizkariren bat eskaintzen ote duten galdetuta, istorio polita kontatzeko aprobetxatu du Evak. Berria egunkaria izaten dute egunero apalean (“eta Aizu! aldizkaria ere bai”, azpimarratu dit). Iruñeko lagun baten telefono deiaren emaitza da: Berriako harpidedun dela, baina astean zehar ezin izaten duela jaso eta irakurri, eta oparia egin nahi ziola esan ez zion bada? Orain gutxi irakurri dut hor zehar militantzia bukatzen ari dela, geroz eta geurekoiagoak garela, elkartasuna pikutara doala... Lagun honek Garesko herriari egindako keinu hau militantzia, elkartasuna eta zaintza ez bada esango didazue zer den.
Plazer bat da horrelako altxor berriak ARGIAra batzea.
Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta... [+]
Garbiñe Larrearen Sendabelarrek dakitena liburuak iaz izandako arrakastaren ondoren, proposamen berri batekin datorkigu aurtengoan: Sendabelar baratzea. Aurreko lanean sakonean landutako 12 sendabelar aukeratu eta horiekin baratzea sortzea proposatu digu, horretarako... [+]
Garbiñe Larreak Sendabelar baratzea argitalpena aurkeztuko du Hernanin, azaroaren 26 goizean. Egileari galdetu diogu bai loreontzietan eta bai baratzean norberak lantzeko moduko hamabi sendabelar proposatzen dituen liburuxka biribil honetaz. Maitane Gartziandiaren... [+]
Ilargia eta Landareak agendan Jakoba Errekondoren aspaldiko konplizea da Antton Olariaga marrazkilaria. 2023ko aleari ere berak jarri dizkio irudiak, eta sortze prozesuaren inguruan gehiago jakiteko, elkarrizketa egin diogu komikigile usurbildarrari. Baratzerik ez omen du, baina... [+]
Honezkero 2023. urtera begira jartzea gehitxo irudituko zaio norbaiti akaso, baina errealitatea da bi hilabete eskas falta direla urte zaharrari agur esateko. Baratzea, landareak, lorategia nahiz fruta-arbolak dituztenentzat ia ezinbesteko tresna bihurtu den Ilargia eta... [+]
Lurra herriari deika kanpainaren bigarren kolpea iritsi da. Pandemia garaian jarri zuten martxan proiektua ARGIAk eta Euskal Herriko agroekologia mugimenduak elkarlanean. Kutsatze arriskua zela-eta azokak debekatu zirenean, saltoki handiak irekita mantentzen ziren bitartean.
Urriaren 13an Alegian aurkeztuko du ARGIAren Bizi Baratzea proiektuak Ilargia eta Landareak 2023ko agenda. Ilargiaren arabera datorren urtean garai bakoitzean zer lan egin azaltzen du, bai baratzean, basoan, lorategian eta fruitu-arboletan. Aurtengo agendaren gaia animaliak da,... [+]
Santi Cobosen ahozko testigantzan oinarrituta, espetxearen erretratu bat da Zigor Olabarriaren Txori Urdinak liburua. Santi Cobosek (Leon, Gaztela, 1968) bizitzaren erdia eman du preso. Pairatu ditu torturak, jipoiak, muturreko isolamendua, FIES sailkapena; burutu ditu ihes... [+]
