ARGIA ikusten dut bazter guztietan
Ez naiz hain positiboa, irakurle. Bazter guztietan ARGIA ikusten dudala diodanean ez naiz ari dena koloretsu ikusten dudala esaten; ziur harrapatu duzula txistea, horren argia bazara.
Denoi pasa zaigula esango nuke: orain arte sekula ikusi ez duzun (edo zure buruak aurpegi hori ez du inoiz gogoratzeko betarik hartu) pertsona bat ezagutu eta bat-batean leku guztietan ikusten hasten zara. Horixe gertatzen ari zait niri azken denboran ARGIArekin. Ez dut ezagutu berria, egia da, baina azken aste hauetan txoko oso desberdinetan topatzea tokatu zait, eta hortik abiatuta ingurukoei ere hasi naiz galdezka beraiek non ikusten ote duten. Erantzunak denetakoak izan dira. Non irakurtzen du ote jendeak ARGIA?
Kasurik klasikoenetik hasteko, gutxietsi gabe nonbaitetik ekin behar baitzaio, paperekoa sofan irakurtzen dutenak daude, denbora librea goxatze aldera. Ezagutzen ditut lotarakoan ohean leitzen dutenak, argudiatuz irakurriz ederki hartzen dutela lo. Eta espezie honekin beti izan dut zalantza bera: zein atal irakurtzen ote dute ametsetan murgiltzeko? Alegia, zerk aspertzen ote ditu gehien?
Orain gutxi esan dit lagun batek (eta badakit zerbait kontatzerakoan errazena “lagun batek esan dit” aitzakia jartzea dela, baina hau hala da) ARGIAren azken alea beti gordetzen duela komunean. Irriño batekin dio: “Nik nire santutegian irakurtzen dut astekaria gustuen, patxada ederrean”. Tira, bakoitzak du bere txoko maitatua! Gaztetxean irri-algaraka Beranduegi irakurtzen ari zela topatu nuen kideak ere huraxe izango du leku gogokoa.
Beste lagun bat orain urtebete egin zen ARGIAko kidea, eta bere fisioterapiako kontsultaren itxarongelan jartzen du aldizkaria bezeroek irakur dezaten.
Baina dena ez da hain polita. Inoiz maldiziorik ere aditu dut. Ezagutzen al duzu EGAko edo laugarren profileko azterketan irakurgai bezala ARGIAko artikuluren bat jarri eta suspenditu duenik? Bada niri tokatu zait baten bat.
Eta zerrendarekin luze jarraitzeko aukera izango nuke, baina zuri, irakurle, utziko dizut zure inguruan begiratzen hasi eta galdetzeko aukera. Ea non topatzen gaituzun!
Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta... [+]
Garbiñe Larrearen Sendabelarrek dakitena liburuak iaz izandako arrakastaren ondoren, proposamen berri batekin datorkigu aurtengoan: Sendabelar baratzea. Aurreko lanean sakonean landutako 12 sendabelar aukeratu eta horiekin baratzea sortzea proposatu digu, horretarako... [+]
Garbiñe Larreak Sendabelar baratzea argitalpena aurkeztuko du Hernanin, azaroaren 26 goizean. Egileari galdetu diogu bai loreontzietan eta bai baratzean norberak lantzeko moduko hamabi sendabelar proposatzen dituen liburuxka biribil honetaz. Maitane Gartziandiaren... [+]
Ilargia eta Landareak agendan Jakoba Errekondoren aspaldiko konplizea da Antton Olariaga marrazkilaria. 2023ko aleari ere berak jarri dizkio irudiak, eta sortze prozesuaren inguruan gehiago jakiteko, elkarrizketa egin diogu komikigile usurbildarrari. Baratzerik ez omen du, baina... [+]
Honezkero 2023. urtera begira jartzea gehitxo irudituko zaio norbaiti akaso, baina errealitatea da bi hilabete eskas falta direla urte zaharrari agur esateko. Baratzea, landareak, lorategia nahiz fruta-arbolak dituztenentzat ia ezinbesteko tresna bihurtu den Ilargia eta... [+]
Lurra herriari deika kanpainaren bigarren kolpea iritsi da. Pandemia garaian jarri zuten martxan proiektua ARGIAk eta Euskal Herriko agroekologia mugimenduak elkarlanean. Kutsatze arriskua zela-eta azokak debekatu zirenean, saltoki handiak irekita mantentzen ziren bitartean.
Urriaren 13an Alegian aurkeztuko du ARGIAren Bizi Baratzea proiektuak Ilargia eta Landareak 2023ko agenda. Ilargiaren arabera datorren urtean garai bakoitzean zer lan egin azaltzen du, bai baratzean, basoan, lorategian eta fruitu-arboletan. Aurtengo agendaren gaia animaliak da,... [+]
Santi Cobosen ahozko testigantzan oinarrituta, espetxearen erretratu bat da Zigor Olabarriaren Txori Urdinak liburua. Santi Cobosek (Leon, Gaztela, 1968) bizitzaren erdia eman du preso. Pairatu ditu torturak, jipoiak, muturreko isolamendua, FIES sailkapena; burutu ditu ihes... [+]
