Turistez betetako itsasontzi erraldoien porturatzea blokeatu dute Venezian
Egunero milaka turista eramaten dituzten itsasontziak ingurumenean eta hirian eragiten ari diren kalteez kezkatuta, #NoGrandiNavi lelopean festa eta aldarrikapena uztartu dituzte Venezian, gurutzaontzien porturatzea debekatzeko eskatuz. Itsasoz, 30.000 turista iristen dira egunero goi-denboraldian Veneziara.
“Ez dugu gauez hutsik egongo den turisten hiririk nahi; arnasa hartzea posible den hiria nahi dugu”, azaldu du ekintza antolatu duen Generation 90 mugimenduak. “Hiri errealean biziko garen azken belaunaldia izango gara agian, etxebizitza eta lana bilatzeak edo eguneroko bizitza kalean egiteak normala izateari utziko baitio”, gaineratu dute. Mugimenduko kideen esanetan, San Marko plazara joan, selfie bat atera eta barkura bueltatzea da turistek egiten dutena. “Disneylandiara baletoz bezala jokatzen dute, baina batzuontzat bizitokia da Venezia”.
Abuztuan Turistak kanpora! Hiria suntsitzen ari zarete lelodun kartelak zintzilikatu zituzten Venezian. Nazio Batuen Erakundeak urte hasieran ohartarazi zuen 2017rako Veneziak gurutzaontzien porturatzea debekatzen ez bazuen, desagertzeko bidean dauden hirien zerrendan izango dela, masifikazioa, kutsadura edota paduren higatzea tarteko.
Xuban Zubiriak ARGIAn idatzitako Turismoak itoko du Venezia erreportajean (2517. zenbakian) emandako datuen arabera, azken urteetan 100.000 biztanle galdu ditu hiriak, turismo ereduak hirian aukerak gutxitu eta bizimodua izugarri garestitu baitu. Egungo 2.400 hotel egituretatik epe ertainean 50.000ra igarotzea aurreikusten da eta veneziarrak kexu dira, erdigunea hotelek eta turistei begirako jardunek jan dutelako, eta periferiara bizitzera joan behar izan dutelako bertako herritarrek.
Donostian ere, gaia aztergai
Euskal Herriko zenbait tokitan dugun turismo eredua ere auzitan jarri du hainbatek. Donostiako Alde Zaharreko bizilagunak, adibidez, azken boladako turista saldoarekin kezkatuta daude, bertako bizimoduan, zaratan, salneurrietan... eragin duelako eta auzoko nortasunari kalte egin diolako (denda eta saltokietan, batez ere). Eneko Goia Donostiako alkateak berak esana da: “Iritsi da momentua turismo eredua benetan aztertzeko, gogoeta bat egiteko eta mugak ere ezartzeko”.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Editore Kurduen Elkarteak abenduaren 22an egin zuen salaketa: azken hiru asteetan Turkiako agintariek kurduei buruzko 120 liburu, aldizkari, egunkari edo bestelako argitalpen debekatu dituzte, Duvar hedabide kurduak jakinarazi duenez.
Garraio publikoak erdi prezioan jarraituko du datorren urtean ere, Espainiako Gobernuak bere hobarien parteari eutsiko diola iragarri ostean.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Kopenhage, 1974ko abenduaren 18a. Eguerdiko hamabietan ferry bat iritsi zen portura eta bertatik 100 Santa Klaus inguruz osatutako taldea lehorreratu zen. Antzara erraldoi bat zeramaten haiekin. Asmoa “Troiako antzara” moduko bat egitea zen, eta, hirira iristean,... [+]
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
Gizartean gatazka sortzen duten proiektuak jai bezperetan onartzeko ohiturari jarraituz, abenduaren 20an onartu du Eusko Jaurlaritzak Energia Berriztagarrien Lurralde Plan Sektorialaren "behin behineko bertsioa". EH Bizirik-ek elkarretaratzea egin du Jaurlaritzaren... [+]
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Santa Marta komunitateko (El Salvador) ADES Garapen Ekonomiko eta Sozialerako Elkarteko presidentea da Vidalina Morales. “Rol horretatik harago, ingurumen ekintzailea ere banaiz, giza eskubideen defendatzailea eta emakume baserritarra; hainbat urtez borrokan egon diren... [+]
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
Gabonetako Loteriaren datuak eman berri ditu Espainiako Gobernuaren menpeko Estatuko Loteriak eta Apustuak elkarteak. Horien arabera, Araba, Bizkaia eta Gipuzkoan batez beste 84,33 euro gastatu ditu herritar bakoitzak, eta nafarrek, berriz, 53,38 euro, EiTBn irakur daitekeenez... [+]