Beste ikuspegi bat
|
Kaiolatik ihes Eraso! Bonberenea ekintzak, 2016 |
Zarauzko Eraso! taldearen ibilbidea aldakorra izan da, taldeak hainbat gorabehera izan ditu. Kaiolatik ihes haien seigarren disko luzea da, eta mugarria izango da taldea izaten ari den bilakaeran. Ibilbide baten amaiera baino gehiago, hasiera.
Aurretik rock gogorra jo izan dute, eta disko berriak erakusten duenez haien doinuak jadanik ez dira hain bortitzak, apur bat finagoak dira, baina kemen eta grina handiz jotzen dute, beti bezala. Azken batean, eta nahiz eta zenbait kantuk rock gogor ukitua izan, beren rock gogorraren kaiolatik atera dira, beste ikuspegi bati erreparatzeko, beste aire bat arnasteko.
Aurrera begiratu behar dela aldarrikatzen dute, eta horretarako lan egin behar dela eta borrokatu: “Aurkitu ditut bizitzako eremuak ukaldi sendoak jaso ostean” (Ezinak ekinez eginak), “zerbait egin genezake beste aldera begiratu ordez” (Ez da ezer gertatzen), “atzera begiratzen baduzu eta gauean negar egiten baduzu ez dituzu izarrak ikusiko” (Gazte izan nintzen), “bizirik irauteko programaturik gaude eta gidoi gabeko film baten protagonista izan nahi dut” (Kaiolatik ihes).
Eraso! taldeko kideak –Sergio Ruiz Gonzalez-Txabarri, Iñigo Beitia Manterola, Ibai Castro Azpiri eta eta Nestor Urdanpilleta Egaña– eta Karlos Osinaga arduratu dira ekoizpenaz; Osinagak berak egin ditu grabazioa eta nahasketak Tolosako Bonberenea estudioan, eta Jonan Ordorikak masterizazioa Azkarateko Mamia estudioan. Denen artean doinu trinkoa gauzatu dute, potoloa, ozen entzuteko modukoa.
Taldeak 20 urte bete ditu eta denbora honetan hainbat grabazio kaleratu ditu. Guztiaren arabera (1996) eta Gaua (1997) maketak, eta disko hauek: Erantzunik gabe (1999), Oraina eta geroa (2001), Grisez bustitako egunak (2003), Kontra (2005), Ez gara inoiz hilko (2012) eta Kaiolatik ihes (2016).
Lan berria aurkezteko egingo dituzten jendaurreko emanaldiak ikusgarriak izango dira. Martxoaren 19an Tolosako Bonberenean joko dute, martxoaren 23an Donostiako Gasteszenan, apirilaren 7an Bilboko Kafe Antzokian, apirilaren 23an Iruñean, apirilaren 30ean Zarauzko Putzuzulon, ekainaren 3an Oñatiko Gaztelekuan eta ekainaren 11n Hondarribiko Psilocybenean.
Mastodon, gizarte sarea eta mikroblogintza zerbitzua da. Eugen Rochko alemaniarrak sortu zuen 2016. urtean. Software librean oinarritzen da. Azkenaldian, norbanako eta erakunde frankok bertan saretzea erabaki dute. Elkarren artean komunikatzen diren egitura independeteez... [+]
Kirol klub batean aritu nahi duen haurrak ez duela zertan Eskola Kirola egin dioen epaiari helegitea jarriko dio orain Gipuzkoako Diputazioak. Umeak nahi duen kirola aukeratzeko askatasuna batetik, helburu hezitzaile eta integratzaileak bultzatzen dituen eredua bestetik,... [+]
"Ekologismo berria indartzen jarraitzeko eta aldaketa posible egiteko" helburuarekin antolatu dituzte. Arrasaten burutuko dira, martxoaren 28an eta 29an.
Sexu-erasotzaile gehienak biktimaren inguru sozialekoak direla eta “kaleko bortxatzaile mamuaren ideiatik” aldendu beharra dagoela nabarmendu du Nafarroako Emakume Gazteen kontrako Sexu Indarkeriari buruzko I. Azterketak. Ikerketak gazteengan jarri du arreta,... [+]
Memoria Demokratikoaren Legea bete eta Lasa eta Zabala bahitu eta torturatu zituzten Donostiako La Cumbre eraikina memoria historikorako gune bihur dezaten exijitu dute Gipuzkoako Batzar Nagusietan. Jauregia 2023an Donostiako Udalari utzi behar zion estatuak, baina prozedura... [+]
ChatGPT ez da dagoeneko "hainbesterako". Lehiakide biziago, eskuragarriago eta merkeago bat jarri zaio parean AEBetako eta mundu mailako liderrari: enpresa txinatar baten eskutik ikusi du argia DeepSeekek. Dantzan jarri da mundua, eta ez espresuki onerako. Mikrotxipen... [+]
.jpg)
Laudioko lantegiko zuzendaritzak astelehen honetan jakinarazi dio enpresa batzordeari behin betiko itxiko duela enpresa. Urtarrilaren 29an abiatuko dute ixteko prozesua. Egun berean egingo dute elkarretaratzea langileek eta ostegunean hasiko dute greba.
Plan berriak Baztango bailara lau zonalde historikoetan bereiztea proposatzen du. Ostatu turistiko berriak irekitzeko araudia ere hartuko du bere gain, definitutako hiri iraunkortasun adierazleen araberakoa izango dena.
Eredu berriak ikasleek milaka euro aurreztea ekar lezake. Autoeskoletako irakasleek plana kritikatu eta errepideetan sor daitekeen arriskua mahaigaineratu dute. Neurri berriak “milaka irakasleren enplegua arriskuan jartzen duela” ohartarazi dute.
Sistema duala abian da ikasturte honetan Hego Euskal Herriko Lanbide Heziketan, eta eredugarri saldu duten arren, arazotsua izaten ari da hainbat zentrotan: ikasle guztiek derrigorrezko praktikak egin ditzaten enpresak bilatzen “gorriak pasatzen ari dira” irakasleak,... [+]
EHGAMek Axel hotelaren irregulartasunei jarritako helegitearen inguruko isiltasun administratiboaren ondoren, hotelaren itxiera eskatzen du eta hainbat eragileekin batera prentsaurrekoa eman dute.