Plaza irabazteko jarrera
Izaten da, tartean-tartean, kontzerturen bat entzuleari euforia puntu bat uzten diona amaitutakoan; gustura egon dela adierazi behar larri bat. Halakoxea izan zen abenduaren 22an Parral tabernan Amorantek eman zuena.
Tronpeta esku batean, zintzarria bestean sartu zen tabernara, entzuleria geunden lekua gurutzatu eta eskaileretan gora, taula gainera igotzeko. Hasieratik harritu nahi gintuen entzuleok, hasieratik erakarri, bildu. Segidan, Amoranteren kontzertuetan ohikoa den moduan, bertsolari batek (Manex Agirrek, Gasteizerako) propio idatzitako bertso bat kantatu zuen, doinu berriz. Hasteko; zetorrenaren aperitif modura.
Bakarka, soinu tresna mordoxka eta efektu pedalak lagun, kantu sorta ederra plazaratu zuen, Amorante izenpean, Iban Urizarrek. Proiektu berria aurkeztu zigun, aurrekoak baino pertsonalagoa, besteak beste, Cafe Teatro, Andrakan, Joseba Irazoki eta Lagunak taldeetan aritua denak. Herri musika egiten duela dio, eta herri musikak dituela oinarri. Eta nork ez du herri musika egiten? Punka edo Hip Hopa egiten duenak ere hala egiten du, ezta? Amoranteren proposamena ez ohiko egiten duena, ordea, herri musika anglosaxoiari baino, beste jatorri batzuetakoei heltzea da. Modu melismatikoan kantatzen du asko, silaba bat nota bakar batez baino gehiagoz luzatuta, flamenko cantaoreek, besteak beste, egiten duten moduan. Berak argi uzten du, ordea, ez duela flamenkorik egiten, beste hainbat iturritatik ere edaten duela: dantza giroan jarri gintuen Iparragirreren Zugana Manuela Raï kutsuko kantu bihurri bihurtuta, esaterako.
Ez da gauza bera liburu-denda batean kantatzea, areto txiki batean, edo taberna batean; ez da gauza bera astearte batez edo ostiral batez aritzea. Eta ondo daki hori Ibanek, horren jakitun, Parralera, astearte buruzuri batera egokitu baitzituen kantuok, izan, aipatu bezala, emanaldirako propio enkargatutako hitzekin, izan kantuak momentuan moldatuta, izan kantu arteko azalpenen bitartez. Nola esan: herri musikarien estiloan, plaza askotan aritu denaren patxadaz, plaza irabazi egin behar denaren konbentzimenduarekin; kontserbatorioetako jarreretatik urrun.
Aitortuko dizuet, ez naizela akordatzen kontzertuak zenbat iraun zuen: ordubete? Ordu erdi? Amaitzeko ordua iritsi aurretik, jendeak ozen eskatuta, pare bat bis jo behar izan zituela akordatzen naiz. Seinale ona.
Belauniko, Indiako Harmoniuma lagun, Otoi kantuarekin agurtu gintuen Parraleko eskailera goialdetik, entzuleon gozamenerako. Zutitu eta saltzeko diskorik ez zuela esan zuenean, kexu zen jendea! Datozen hilabeteotan kaleratuko duen lanaren promesarekin leundu gintuen. Bitartean, Garoa liburu-dendan grabatutako paperezko kontzertuarekin konformatu behar; edota beste emanaldi batean Amorantek zer dakarren ikustera joanda.
Gasteizko Parral taberna, abenduak22.
Disko aurkezpena: otsailaren 19an, 19:30ean, Donostiako Garoa liburu-dendan.
Denda horretan bertan eskaini zuen emanaldia ikusgai duzu hemen:
1965ean sortu zen Larrabetzuko Hori Bai gaztetxea, frankismo garai betean. Ordutik ez ditu ateak itxi, eta 2025ean 60 urte bete ditu. “60 urte lotu barik” lelopean eman diote hasiera urteurrenari gaztetxeko kideek.
Irakasle hau egokitzen zaielarik, 6-9 urteko haurrengan beldurra, amesgaiztoak, antsietatea, negarra… orokortzen direla salatu dute Atarrabiako Atargi ikastetxeko gurasoek. Urtetako arazoa konpontzen ez dela-eta, haren klaseei planto egitea erabaki dute. Guraso elkarteko... [+]
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Abenduaren 16an iragarri zuen multinazionalak Nafarroako lantegiaren itxiera. Ekoizpenari “normaltasunez” ekitea eskatu die langileei Ezkirotzeko zuzendaritzak, baina sindikatuek “ezinezkotzat” jo dute. Lan Ministerioak bilera deitu du ostiralerako... [+]
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
Urtarrilaren 4an hil zen Robert Hirigoien euskaltzalea (Larresoro, Lapurdi, 1944). Ostegunean eskainiko diote azken agurra, jaioterrian (10:00etan). Herri Urrats festaren sortzaileetako bat izan zen, baita Lapurtarren Biltzarrarena, Kanboko ikastolarena eta euskara eta euskal... [+]
.jpg)
Aroztegiko auzipetuei elkartasuna adierazi eta absoluzioa eskatzeko mozio bat onartu du Baztango Batzar Nagusiak. Urtarrilaren 2an egindako bileran, mozioaren aldeko bozketan aldeko 25 bozka, kontrako bi eta hiru abstentzio izan dira.
Irailean egin ziren hauteskundeak eta aise nagusitu zen FPÖ alderdia, botoen ia %30 eskuratuta. Bazen aukera ultraeskuinari hesia ipintzeko, baina ez dira ados ipini demokristauak eta sozialdemokratak.
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Urtarrilaren 6az geroztik autobus linea berriak daude Zuberoan, Nafarroa Beherean eta Lapurdin. Halaber, zerbitzuen maiztasuna ere hobetu da, Euskal Hirigune Elkargoko Mugikortasun Sindikatuak eta RATP konpainiak elkarlanean bultzatutako egitasmoari esker. Bestetik, 12 urtez... [+]
.jpg)
84 urteko andrea erail zuen bere semeak urtarrilaren 3an euren etxebizitzan. Kolpeka hil zuela azaldu dute zenbait iturrik. Astearte arratsaldean egingo dira elkarretaratzeak Barakaldon eta Euskal Herriko lau hiriburutan.
Uber gidari batek jasan zuen erasoa: bortizki jo eta irain arrazistak egin zizkion bezero gazte batek. Baionan eta Arrigorriagan ere izan dira eraso arrazistak berriki.
Hego Koreako krisia autoktonoa ala inportatua ote zen galdetzen nion neure buruari duela hilabete hura sutu zenean. Baretu ez baizik mindu egin denez auzia, batere argi ez dudan erantzunaren bila jarraitu beharko dugu. Geografikoki urrutiko kontua bada ere, oso gertuko ondorioak... [+]