Oi gu hemen, eten puntutan…
Etxe honetarako itzuleran, urratsa neurtu artean, dorpea zait lehena, gehiago baizik ez azken asteak alferki emanik gogoetarik idatzi gabe. Gaitegia libre eta zabala izateko, bitxiki zait neketsu. Horra gogotsu diodala, erranaldiak hasi arau eten puntuz bukatu gabe lerrokatzen doazkit. Banengoen bazetorkidala heziketa katolikotik, ez hastapenetik hasteko gaiztakeriatan. Banengoen agian gai gehiegi banukeela jorratzeko, ezin jakin nondik has. Zeren, zer debru, baita zer lerroka: gerla egoera, kultur emanaldiak trumilka, Maiatz aldizkarian Lekore taldean bezalatsu gazte andana poesiari lotua, AHTak atzera, Herrikoa-ren kanpaina, FN haizatua baina ezkerrera egiteko bezperan, HELEP...
Suspensiboak bezain deserosorik ez da. Gaztetan irakasle batek debekatu zidan hauen erabiltzea. Zioenez ez zioten batere graziarik, jakin minik eragiten, frustrazioa baizik: “Hiru punttu eta ez dakigu! Hiru punttu: asma ezazu segida? Hiru punttu: ez dakit eta jarri nahi duzuna? Hiru punttu eta zer? Ez naiz ausartzen? Ez dakit zer pentsa? A suivre? Ideia argi ez duenak jartzen ditu horiek: garbi daukanarena berez etzatera dator paperera”.
Baiki. Baina horra. Iparraldetarrok ba al dakigu xuxen zertan garen? Ondoko asteetan hasiko dira Herri Elkargoaren aldeko bozak, herriz herri, martxoa bitartean eta honen haritik gure errealitatearen egokitzea. Gaurkoz iritziak eta sustut kafetegietako mahai izkinetan paper puska purtzupilkatutan egin kalkulu pragmatikoek aldekoa ematen badute, suspenseak hor dirau eta gu zintzilik, gure jardunean, solasetan, gogoetetan. Orain arte mintzatuak dira aldekoak eta itxaropentsuak; kontrakoen uholdea noiz altxatuko zain. Berriki arte burutu dira gogoetak, trantsizioa nola egin, epeak, konpetentziak, zerbitzu eta langile. Gauzapen eta antolaketa fase horretatik hara badira kezka potoloak, politikoak hots, ekonomia, arlo soziala, fiskalitatea noski, lehentasunez tratatuko dituzketenak hots. Eta horien aldean, euskaldunoi berezkoak zaizkigun gai kuttunak, hala nola mugaz gaindiko harremanak, euskararena eta kulturarena, zein, merezi izan badituzte lan talde bereziak eta gogoetaldi gauak, segur aski kronologikoki beste guzien ondotik tratatuko baitira. Denbora gehiago geroaren bideratzeko erranen didazue? Baliteke. Eta badira argi ez direnak: noraino egonen gara aitzinatuagoak?
Bizkitartean, bozen emaitza definitiboa ikusi artean, epilogoa puntu suspentsiboz idazten da. Hiru punttu. Nehork ez baitaki zer gertatuko den ez eta zer jar daitekeen kapitulu horretan. Ezin baita jakin kargudunek nolako iparra emanen lioketen. Nehork ez baitaki epilogorik zinez, azken finean, bi menderen buruan, zinez egonen denez bat. Hiru punttu nehork ez baitu imajinatu nahi segida dramatikorik. Erreserba egokia baitaiteke, dudak plazaratzeko goizegi.
Iparraldea horrela baita nik uste momentu honetan, hatsa bahiturik bezala, baldintza hipotetikoz blai, perpaus kontzesiboz betea. Horrela ikusten dut behintzat nire burua, laino artean baino, goaitan. Eta berdintsu ingurukoak, ondoko aulkian jarria denari oldartu gabe, ukendurik pasa gabe, galdera frankorekin baina kontsentsuan. Bon, badaitezke ere zenbait, andana, futitzen direnak edo galduak, noski.
Dezepzioak ohiturak aitzinetik mentalizatzen irakasten du eta zuhur jokatzen gogoetez eta xuhur hitzez…
Jarraituko du...
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Iruñeko Zaldiko Maldiko Elkartean eta Baigorriko Bixentainean aurkeztu da aurtengo Nafarroaren Eguna, egun berean. Ohi bezala, apirileko azken igandearekin bat egingo da festa Baigorrin, eta horrez gain, apirilean hainbat ekitaldi egingo dira eskualdean.
Antropozentrismoaren aldaera traketsena eurozentrismoa izan zen. Europako mendebaldea, geografikoki, Kontinente Euroasiarraren penintsula txiki bat besterik ez da, baina lau mende luzez gertaera demografiko, teknologiko eta ideologiko batzuk zirela medio, bazter horretako... [+]
Hezkuntza eredu propioa "ezinbestean" independentziatik etorri behar dela adierazi dute, eta sistema propio hori "publikoa eta komunitarioa" izatea nahi dutela. Ikamak deituta, goizean zehar piketeak egin dituzte Euskal Herriko hainbat hezkuntza zentroetan.
Euskal Pilotako Nazioarteko Federazioaren eta Espainiako Federazioaren arteko gatazkak bere horretan jarraitzen duen bitartean, Jose Manuel Rodriguez Uribesek euskal selekzioaren aldeko adierazpenak egin ditu. Desadostasunak direla eta, Nazioarteko Pilota Federazioaren eta... [+]
Badakizuenok badakizue, beste gauza asko bezala, euskararen aldeko borrokan ere politikoek, eragile batzuek eta hedabideek beraien antzezlana saldu nahi digutela, benetakoa balitz bezala.
Lehen urtean pozik jaso nuen, "Euskaraldi" hau. Zer edo zer zen, ezer ez zegoela... [+]
Euskarak, mendez mende, zapalkuntza sistematikoa jasan du, eta oraindik ere borrokan dabil egunerokoan bere leku duina aldarrikatzeko. Hizkuntza baten desagerpena ez da inoiz berez gertatzen; planifikazio politiko eta sozialak eragiten du zuzenean. Euskaldunoi ukatu egin izan... [+]
Puntueusek eta Cyberzaintzak elkarlanean ikusentzunezko baliabide pedagogiko bat sortu dute gazteentzat eta haiekin lan egiten duten profesionalentzat: irakasle, guraso eta hezitzaileentzat. Ikusentzunezko honen bidez, ziberjazarpena ezohiko ikuspegi batetik... [+]
Kamioiak ez sartu ez atera. Horrela eman dute goiza BSHko Eskirozko lantokian. Parez-pare langileak aurkitu dituzte protestan. Hilkutxa batekin, elkarretaratze formatuan lehenbizi eta Foruzaingoak esku hartu behar zuela jakin dutenean eserialdia egin dute erresistentzia pasiboa... [+]
Dakota Access oliobidearen kontrako protestengatik zigortu du Ipar Dakotako epaimahai batek erakunde ekologista, Energy Transfer Partners enpresak salaketa jarri ostean. Standing Rockeko sioux tribuak protesten erantzukizuna bere gain hartu du.
Sareak nabarmendu du Euskal Herri osoko eragileak daudela bertan eta deialdiak 140tik gora atxikimendu jaso dituela: "Horrek islatzen du zein den gaur egungo errealitatearen urgentzia, lurraren defentsaren beharra eta auziarekiko dagoen konpromezua".
Koalizio abertzaleko hiru ordezkariek ohar baten bidez euren "frustrazioa" adierazi dute proiektu fotovoltaikoa ezin gelditzeagatik: "Egoera horren aurrean, ez gara legegintzaldia amaitzeko indarrez sentitzen". Proiektu honi ez! plataformak salatu du EH Bilduren... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Arrazismoaren aurkako nazioarteko eguna kari, larunbat honetan 16 alderdi, kolektibo eta elkartek deia luzatu dute, Baionako Marengo eta Pannecau zubien artean giza kate bat osatzeko. Aniztasuna, elkartasuna eta giza eskubideen errespetua aldarrikatzera deitu dute,... [+]