Ezin ederragoa
Agian Errusiako betiko mito kulturalak gainbeheran daude, baina nahiz eta horrela izan, hain goian izan eta gero, gaur egungo egoera ez da makala. Oraindik nabaritzen da touch of class berezi hori. Ballet errusiar klasikoen kalitateak jarraitzen du deigarria izaten. Oraindik bizirik daude urrezko garaiko dantzari batzuk, eta horiei esker ekialdeko tradizioa transmititzen ari da.
Honen froga izan da Russian National Balletaren emanaldia Bilbon. Eszenografia ez zen oso aberatsa izan; jantziak, hortxe. Baina dantzarien doitasuna, musikaltasuna, gustua… apartekoak. Sergei Radchenko, 25 urtez Bolshoi Antzokiaren dantzari bakarlariak, eta 1976. urtean, SESBeko Herriaren Ohorezko Artista izendatuak talde hau sortu zuen 1989. urtean. Berak, Errusiako dantza konpainia handien (Kirov eta Bolshoi gehienbat) kalitate klasikoak batu nahi izan zituen konpainia berri eta independente batean. Titulu eta koreografia klasikoak lantzen dituzte arrakasta askorekin. Hau da beren signature ezaugarria. Beharbada aurrerapausoren bat eman beharko lukete erreferentzia bat izateko dantza munduan. Hau da, ondo dago publikoak hainbeste maite dituen obra klasiko hauek lantzea, baina nire inpresioa da, kalitate ona eskaintzen dutela aitortuz, nostalgia puntu batean gelditu direla eta handik atera beharko luketela berrikuntzak eskaintzeko eta talde gisa hazteko.
Aldi honetan, Loti ederra eman zuten, Txaikovskiren musika eder eta melodiatsuarekin. Radtxenko zuzendariak orain dela gutxi hildako Maia Plisetskaia dantzariari dedikatu zion, 20 urtez bere dantza-bikotea izan zen eta. Esan bezala, medio eskasekin dantza adierazkor eta ongi kontatua egin zuten. Marius Petiparen koreografia hiperklasiko eta espresionista ondo menderatzen zuten dantzariek. Taldeko numeroak doi-doiak atera ziren. Baina momentu nabarmenenak pas à deux gehienak izan ziren. Batez ere bi protagonistek egindakoak. Alexandra Kriukova, Lotiaren pertsonaian, eta Azamar Askarov, printzearen rolean, magiaz eta erromantizismoz aritu ziren. Oso saio ona egin zuen baita ere Maria Klyuleva dantzariak, maitagarriaren paperean. Orokorrean, taula-gainean aritu ziren 40 dantzariek ikuskizun erakargarri eta teknikaren aldetik perfektua egin zuten. Xarmagarria.
Musika: Txaikovski.
Russian National Ballet.
Zuzendaria: Sergei Radtxenko
Lekua: Euskalduna Jauregia.
Data: azaroaren 22a.
Ia 24 milioi euroko ordainsaria jaso zuen Jesús María Herrerak, CIE Automotiveko zuzendari exekutiboak, 2023an. 2022an 20 milioi euroko aparteko prima jaso, eta sei bider handitu zuen urteko soldata. Iberdrolak ere lekua hartu du podiumean, eta 2023an, energia... [+]
“Ikertzaileen esperientziak komunikabideekin eta sare sozialekin duten harremanean” izeneko txostena argitaratu du FECYTeko Science Media Centre Españak (SMC), EHUko Gureiker ikerketa-taldearekin lankidetzan egindako inkesta batean oinarrituta. Emaitzen... [+]
EHBaik Autonomia estatutu baterako proposamena prestatu du, gure nazioaren burujabetza osorako bidean etapa gisa.
ELB sindikatuak ardien mihi urdinaren eritasuna pairatu dutenendako elkartasunera deitzen du. Abendu hastapenean,departamenduko 650 ardi etxalde hunkiak izan dira. Kasu zenbaitetan, hamarka ardi galdu dituzte hazleek, bereziki marroak. Etxalde batzuek erraterako marroen %80... [+]
Oso gertu daude, praktikan, “gaur egun ezin da ezer esan” dioen koinatua eta “aske naiz nahi dudana egiteko” esaten duen ustezko progrea. Ustezko askatasuna. Ustezko ustezkoa. Demokraziak parekatu behar zituen gizakiak, eta sare sozialek, komunikazioak... [+]
Osoko bilkura egiten ari zelarik ganbera barrura indarrez sartzen saiatu ziren nekazariak. Akordioa lortu dute fiskaltzarekin instituzioen kontrako eraso delitua saihesteko.
Plastiko kutsadurari konponbide bat adosteko goi-bilera zikloa bukatu berri dute, Hego Koreako Busan hirian iragandako bosgarren gailurrean ere porrot eginda: hitzarmenik adostea ez dute lortu, nagusiki plastiko esportatzaile handiek negoziaketak oztopatu dituztelako. Bitartean,... [+]
.jpg)
Blanca Ester Díaz Pulido epaileak Osakidetzako 2018ko oposizioen filtrazioen inguruko ikerketari amaiera eman dio, sei urte eta erdi igaro ondoren. Akusatu guztiak absolbitu dituzte, 22 guztira, nahiz eta bi kasu behin-behingoz artxibatu dituzten.
Arratsaldeko lehen orduetan, 14:30ak aldera, Nafarroako ikastetxe publikoetako 30en bat langile sartu dira Iruñeko Nafarroako Hezkuntza Departamentuaren egoitzan eta sarreran eserialdia egin dute. Lehen ekintza gisa planteatu dute eta, adierazi dutenez, honen bidez... [+]
Ikusle euskaldun gehien biltzen dituen katea da ETB2, datuen arabera. Aldatu Gidoia mugimenduak agerraldia egin du Bizkarsororen kontraprogramatzearen harira. Salatu dute askotan ETB1 lehian sartzen dela ETB2rekin, eta "herritar guztiak eta publiko bakarra helburu izango... [+]
New York, 1960. Nazio Batuen Erakundeko bilkura batean Nigeriako kanpo ministro eta NBEko enbaxadore Jaja Wachukuk lo hartu zuen. Nigeriak independentzia lortu berri zuen urriaren lehenean. Beraz, Wachuku NBEko Nigeriako lehen ordezkaria zen eta kargua hartu berri... [+]
Ribabellosan 300 megawatioko gaitasuna duen eskala handiko datu zentroa eraikitzen ari da Merlin Propertiers enpresa madrildarra. Milaka milioi euro ari da gastatzen Iberiar Penintsula osoan, ustez puntako teknologia “jasangarria” duten baina elektro-intentsiboak... [+]
Hamabi haur eskola publiko daude Iruñean, eta horretatik bakarrean dago euskarazko eredua. Protesta egin dute dozena bat eragilek, eta euskal hiztunen “egoera berezia” aintzat har dezan galdegin diote udalari.
Bilboko Zirika! herri gunean eginen dute banaketa, ostiralean 19:00etan. Fanzine bidez eta sare sozialetan zabalduko dituzte partehartzaileen testuak, eta irabazlearena argitaratuko du ARGIAk.