Urdinetik beltzerat
Miarritzeko Atabal aretoak 10 urteak ospatzen dituela, urri-azaro honetan kontzertu parrasta bat ikusteko aukera badugu. Pasa den urriaren 23an, Joseba B. Lenoir Gang Atabaleko oholtza gainean izan zen. Bere bakarlari bidean, Lenoir formula ezberdinekin ezagutu dugu, eta Gangarekin itzultzen da azken denbora hauetan. Gangaren barne, Willis Drummondeko bateria eta baxua, eszenaren gibelaldean, haien aitzinean Napoka Iriako kideak gitarra elektriko, akustiko, ahotsak. Napokakoen erdian kokatzen da Joseba B. Lenoir. Atabal bezalako aretoek, kontzertuei kalitatea gehitzen diete (soinu-argi). Baina publikoarekiko hurbiltasuna galtzen da. Kontzertua ikusgarri bilakatzen da, publikoa ikusle. Gelarat sartzean, publikoko jendeak han hemen gela okupatzen, erosoki instalatuak. Eszena aitzina nahiko huts. Argazkilariak bakarrik. Baina Gangekoentzat berdin. Haiek kontzertua emaiterat etorri dira, eta gu gozatzerat.
Gang pollita bildu du Lenoirrek. Bakoitzak bere rola biziki ontsa betetzen du; bateria zuzen eta libre bat gibelean, kantuen hutsuneak apaintzen. Bonboaren kolpe azkarretan, baxua ere presente: “BUM!” inpaktua bular artean sartzen da, eta bururaino igaiten, betiko balantza horren sortzeko, aitzin-gibel.
Ez zaitut behar kantuan, bateriak sortutako erritmo erregular batek “frenesia” sortzen du. Zonbi batzuk bezala, publikoa kontzertuan sartua da, burua gora-behera.
Eszena gain aitzinean orain; gitarra ezberdinak, afinazio ezberdinak. Nahiz eta Josebak Lead rola bete, beste gitarrak hor dira ere, noiztenka laguntzaile sinple, noiztenka askatasun gehiagorekin gaineko noten ferekatzen. Josebaren solo batzuetan, beste gitarra bat etortzen da harekin jostatzerat.
Aitzineko hiru ahotsak sentitzen dira Erraietatik erran kantuan. Xuxentasun ikaragarria…
Eta gure protagonista? Dena jeanez beztitua, eszena zentroan balantzaka ari da, uhainek mugiarazten dituzten itsas landareen gisa. Ahotsa xuxen, presentzia ederra zinemarik gabe, gitarra gorputzarekin bat, riff onak eta solo direktuak botatzen dauzkigu.
Itoizen bertsio bat, Mirenek (biziki ontsa) kantatzen duena. Afinazio arazoak aldiz Josebaren gitarrarekin… Alabaina! Atsegin du soken tiratzea eta bere gitarra sufriaraztea!
Bukaerarat heltzen ari gira, eta gitarra berezi bat ateratzen dauku; xuri xuria eta forma bitxi batekin. Afinazio berezia baita ere (D,A,D,G,A,D uste dut). Kantu instrumental bat emaiten dauku Gangak, intentsitatean igaiten diren horietarik. Enetako kontzertuko momenturik hoberena. Azpimarratzekoa bateriaren lan harrigarria kantu horretan. Bukatzen da; ohartu gabe bizpahiru metroz aitzinatu niz.
Itsu eta biluzik emaiten daukute eta uste dut horretan bukatu dela kontzertua. Ene sentsazioa, beti bezala… horrelako aretoetan, kontzertuan sartu ordukotz, bukatu da…
Maitatu dudan kontzertu bat. Orain ikusi nahi nituzke taberna batean, eszenarik gabe, botatzen daukuten energiaren inpaktua zuzenki biltzeko.
Miarritzeko Atabal aretoa
Urriaren 23a
Taldearen webgunea: www.josebalenoir.com
Urtarrilaren 25ean ospatuko dute bertsozaleek urteroko hitzordua. Honakoa Bortzirietako Bertso Eskolak eta Bertsozale Elkarteak antolatuko dute elkarlanean. Goizeko 10:00etan ibilbide bat eginez hasiko da, arratsaldean XXI mende 25 (H)ilbeltz izenburua jarri dioten bertso... [+]
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Editore Kurduen Elkarteak abenduaren 22an egin zuen salaketa: azken hiru asteetan Turkiako agintariek kurduei buruzko 120 liburu, aldizkari, egunkari edo bestelako argitalpen debekatu dituzte, Duvar hedabide kurduak jakinarazi duenez.
Garraio publikoak erdi prezioan jarraituko du datorren urtean ere, Espainiako Gobernuak bere hobarien parteari eutsiko diola iragarri ostean.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Kopenhage, 1974ko abenduaren 18a. Eguerdiko hamabietan ferry bat iritsi zen portura eta bertatik 100 Santa Klaus inguruz osatutako taldea lehorreratu zen. Antzara erraldoi bat zeramaten haiekin. Asmoa “Troiako antzara” moduko bat egitea zen, eta, hirira iristean,... [+]
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
Gizartean gatazka sortzen duten proiektuak jai bezperetan onartzeko ohiturari jarraituz, abenduaren 20an onartu du Eusko Jaurlaritzak Energia Berriztagarrien Lurralde Plan Sektorialaren "behin behineko bertsioa". EH Bizirik-ek elkarretaratzea egin du Jaurlaritzaren... [+]
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Santa Marta komunitateko (El Salvador) ADES Garapen Ekonomiko eta Sozialerako Elkarteko presidentea da Vidalina Morales. “Rol horretatik harago, ingurumen ekintzailea ere banaiz, giza eskubideen defendatzailea eta emakume baserritarra; hainbat urtez borrokan egon diren... [+]
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.