Harribitxia
Usandizagaren ‘La Llama’ operaren berrestreinaldia. Euskadiko Orkestra Sinfonikoa. Zuzendaria: Juan Jose Ocón. Andra Mari Abesbatza. Zuzendaria: Jose Manuel Tife. Bakarlariak: Sabina Puértolas, Mikeldi Atxalandabaso, Damián del Castillo, Elena Barbé, Maite Maruri. Lekua: Gasteizko Principal Antzokia. Data: martxoaren 16a.
Jose Maria Usandizagaren heriotzaren mendeurrena ospatzen da aurten, eta Euskadiko Orkestra Sinfonikoak omenaldi polita egin dio bere azkeneko obra, La Llama izeneko opera berrikusi, berrestreinatu eta grabatzearekin. Askorentzako sorpresa izan da konpositore donostiarraren lan zoragarri hau, benetan oso gutxitan antzeztu baitzen: Donostian eta Madrilen 1918an eta Bartzelonan 1932an. Handik aurrera, auskalo zergatik, kasurik ez.
Horrexegatik, ideia ezin hobea izan da obra hau berreskuratzea eta publikoari eskaintzea, zinez lan distiratsua delako eta, beraz, beste ospe bat merezi duelako. Juan Jose Oconek egin du berrikuspen kritikoaren lana, eta, emaitza ikusita, lan txalogarria egin du, dudarik gabe. Horrez gain, berrestreinaldi honen zuzendaria izan zen, eta nabaritu zen lanaren ezagupen sakona, talde osoaren onena ateratzen jakin baitzuen.
Oso gaztea zen Usandizaga opera hau burutu zuenean, 27 urte besterik ez zuen –28 urterekin hil zen–, baina aparteko heldutasun musikala erakusten du partiturak. Orkestrazio koloretsua, harmonia klasikoa baina modernitate puntu bat duena, inpresionismoaren ukituarekin, folklorea eta klasizismoa uztartzen dituena dotoreziaz… hori guztia aurki dezakegu Usandizagaren musikan, eta bereziki opera honetan.
Berrestreinaldian interprete eraginkorrak aurkitu genituen. Sabina Puértolas soprano nafarrak Tamar pertsonaia elegantea egin zuen. Oso ahots malgua du, fina. Garrantzi handia ematen die ñabardurei eta horrek interesa ematen dio bere interpretatzeko erari. Bikain. Mikeldi Atxalandabasok, Adrianen rolean, intentsitatea adierazi zuen uneoro, pertsonaiaren alde dramatikoa nabarmenduz. Elena Barbé donostiarraren kantu delikatua oso ondo egokitzen zitzaion uraren izpirituaren pertsonaiari. Agian taxu pittin bat gehiago ondo etorriko litzaioke eta jestualitatea gehiago lantzea. Miren Urbieta Vegak paper txiki bat egin zuen, narratzailearena hain zuzen ere, baina denbora gutxian garbi utzi zuen bere kantu distiratsua. Eta gainontzeko bakarlariek, Damián del Castillo, Fernando Latorre, Maite Maruri eta Xabier Anduaga gazteak, kalitate bokala eskaini zuten. Andra Mari Abesbatzak, ohi bezala, biribiltasuna eman zion osotasunari. Ea hemendik aurrera gehiago entzuten dugun obra xarmangarri hau.
Duela 150 urte, 1875eko martxoaren 7an jaio zen Maurice Ravel musikagile eta konpositorea, Ziburun. Mundu mailan ospetsu dira haren lanak, bereziki Boleroa. Sarri aipatzen da Parisen bizi izan zela, kontserbatorioan ikasi zuela aro berri bateko irakasleekin, munduko txoko... [+]
'Tristan und Isolde' opera
Bilbao Orkestra Sinfonikoa. Zuzendaria: Erik Nielsen.
Bilboko Operaren Abesbatza. Zuzendaria: Boris Dujin.
Eszena zuzendaria: Allex Aguilera.
Bakarlariak: R. Nicholls, G. Hughes Jones, M. Mimika, E. Silins, C. Daza, D. Barcellona, J... [+]
Euskal Herriko Gazte Orkestra. Neguko topaketa
Zuzendaria: Iker Sánchez.
Narratzailea: Kepa Errasti.
Egitaraua: Britten eta Beethovenen lanak.
Lekua: Donostiako Victoria Eugenia antzokia.
Eguna: urtarrilaren 2a.
Pucciniren Il Trittico
Nork: Nafarroako Orkestra Sinfonikoak eta Bilboko Opera Abesbatzak.
Eszena zuzendaria: Paco Azorín.
Bakarlariak: C. Álvarez, A. Blancas, M. Berti, C. Isotton, K. Mattila, A. Ibarra, S. Esparza eta I. Hotea.
Non: Bilboko Euskalduna... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Frantziako musikagileei buruz hitz egitean, Claude Debussy eta Ravel etortzen zaizkigu burura. Bada dibertitzen denik ere, bata edo bestea defendatuz garai guztietako musikagile frantziar onena bezala. Egia esan, bi jeinu absolutu dira, beren garaiko zirkunstantzien ondorio. Oso... [+]
Donizettiren Don Pasquale opera
Taldeak: EOS eta Bilboko Operako Abesbatza.
Bakarlariak: S. Orfila, M.J. Moreno, F. Demuro, D. Del Castillo, P.M. Sánchez.
Eszena-zuzendaria: Emiliano Suárez.
Eszenografia: Alfons Flores.
Lekua: Euskalduna Jauregia.
Data:... [+]
Columbus Fundazioak antolatutako kontzertua, ‘RenHacer’ Musikaldiaren barruan.
Bilboko Orkestra Sinfonikoa.
Zuzendaria: Ramón Tebar.
Bakarlaria: Joaquín Achúcarro.
Egitaraua: Guridi, Grieg eta Brahmsen lanak.
Lekua: Bilboko Euskalduna... [+]
Edizio asko dira orain arte; Espainiako Estatuko musika klasikoko jaialdirik zaharrena da. Behin amaituta, une egokia izan daiteke aurtengo edizioaren balantzea egiteko, baina baita jaialdiaren bizitza luzearen balantzea egiteko ere. Jaialdi bikaina da, oso. Baina hausnartu egin... [+]
Donostiako Musika Hamabostaldia
Euskadiko Orkestra: Zuzendaria: J. Rohrer.
Donostiako Orfeoia: Zuzendaria: J.A. Sáinz Alfaro.
Bakarlariak: C. Reiss, V. Karkacheva, M. Schmitt, H. Müller-Brachmann.
Egitaraua: Beethovenen Missa Solemnis re maiorrean, op. 123.
