Ezohiko batzar nagusia egin zuen azaroaren 14an Hekimenek, Andoaingo Martin Ugalde kultur parkean. Eusko Jaurlaritzaren diru-laguntzetan bestelako politikak behar direla nabarmendu zuten sektoreko kideek. Hizkuntza Politikarako Sailburuordetzak hedabideentzako diru-laguntzak banatzeko irizpideak aldatu ditu aurten eta Hekimenen esanetan erabakia sektorearekin adostu gabe hartu du.
Irismena helburu, ez abiapuntu
Besteak beste, hedabideen irismenari garrantzi handiagoa eman dio Jaurlaritzak, baina Hekimenen ustez “helburua izan behar du” irismena neurtzea, “ez abiapuntu bakarra”.
Diru-laguntza politika eraginkorra izan dadin, sektoreko medioak ordezkatzen dituen erakundearen iritzitan, hedabideen sareak “gutxieneko” laguntza bat behar du: “Egun ez da bermatzen gutxieneko hori, eta handitu ezean irismena neurtzeko formula dena delakoa izanda ere, ez da nahikoa izango eta horrek sektorea ahuldu egiten du”.
Hausnarketa estrategikoa egiteko premia azpimarratu du Hekimenek. “Diru-laguntza politika aldatu behar da eta azken urteotan hedabideentzako aurrekontuek izan duten beherakadari buelta eman, enpresek produktua duintasunez kaleratzen jarrai dezaten”.
Irizpideen inguruan gogoeta egiteko prest dago sektorea eta Jaurlaritzak ere horretarako borondatea erakutsi duenez, elkarrekin lan egiteko gonbita luzatu du Hekimenek: “Orain, urratsak egiteko unea da”.
Elkarlanerako lau lan talde
Hekimenek lau lan talde jarriko ditu martxan batzar nagusiaren ondoren. Publizitatea, sinergiak, interneteko estrategia eta berrikuntza landuko dituzte, elkarlanean euskal hedabideek aurrean dituzten erronkak identifikatzeko asmoz.
Gainera, audientziak neurtzeko proposamena eztabaidatu eta onartu zuen batzar nagusiak: horrela, sektoreko euskal medioek sarean duten kontsumitzaile kopuruaren informazio eguneratua izango dute.
Mozioa EAEko Legebiltzarrean
EAJk, EH Bilduk eta PSE-EEk euskal hedabideei buruzko mozioa onartu zuten joan den astean Eusko Legebiltzarrean. Testuak Jaurlaritzari eskatzen dio azter ditzala euskal hedabideekin batera zein neurri hartu behar diren, “dotazio ekonomikoa barne”, hedabideen jarraipena bermatzeko.
Munduko gizon aberatsenetakoa den Elon Muskek bultzatzen du America Pac ekimen politikorako batzordea, The Guardian-ek jakinarazi duen arabera. Bere zeregina da AEBetako hainbat estatu giltzarritan Donald Trump-entzat botoak biltzea.
Israelek jarraitzen du Libanoko hegoaldeari eta Beiruteko hainbat auzori airez eraso egiten eta, nazioarteko eragileen deiak gero eta handiagoak badira ere, oraingoz ez da su-etenerako aukerarik ikusten.
Palestinako Agintaritzaren segurtasun-indarrek rol aktiboa dute erresistentziako kideen kontra: jazarpena, lapurretak, boikotak eta abar aipatu dituzte, beste behin ere.
Nottinghameko Unibertsitateak Anglosaxoiei eta Vikingoei buruzko Ikasketak masterrari izena aldatu dio: Ingalaterrako Goi Erdi Aroko Ikasketak. Cambridgeko Unibertsitateko Anglo-Saxon England Journal aldizkariari ere izen aldatu zioten lehenago: Early Medieval England Journal... [+]
New York, 1970eko apirilaren 2a. New York Herald egunkariak Victoria Woodhull (1838-1927) ekintzaile eta brokerraren eskutitz bat argitaratu zuen, 1872ko AEBetako presidente hauteskundeetarako hautagaitzaren berri emanez. Inoizko hautagai gazteena zen; 34 urte izango zituen... [+]
Datorren urtarrilaren 11n Bilbon Sare Herritarrak deitutako mobilizazioaren leloa “Behin betiko konponbidea” izanen da, eta urtero bezala milaka lagunen babesa espero du Sarek.
Euskalgintzaren Kontseiluak Zaintza eta euskara. Sareak eraikitzen jardunaldiak egin ditu irailaren 26an, Donostian. Idurre Eskisabelek, Kontseiluaren idazkari nagusiak, lehen hitzaldian adierazi du “urgentziazkoa” dela gaiari heltzea. Jardunaldien helburua ez da... [+]
Antena3 telebista kate espainiarreko Espejo Público saioak erreportaje sentsazionalista bat eman zuen asteazkenean, Donostiako ustezko segurtasun faltaren inguruan eta fokua gazte magrebtarretan jarriz. Erreportajea publikoki salatu du Kaleko Afari Solidarioak (KAS)... [+]
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]