Txango hunkigarriak

  • LIBE :: Ihesaldi handia

    Bonberenea Ekintzak, 2014

Aire malenkoniatsuak eta ilunak entzun daitezke Liberen lehen diskoan. Taldeak rock doinuak jotzen ditu, gogor samarrak kantu batzuetan, eta oinarri erritmiko sendo baten gainean Libe Garcia de Kortazarren kantatzeko eta teklatuak jotzeko modu berezia azpimarragarriak dira. Bere ahotsak indar eta nortasun handia dauka, eta teklatuen bidez kantuak ederki janzten ditu giro bereziak sortuz. Talde berri baten lehen diskoa da, baina ongi landua eta osatua dago. Taldekideak eskarmentu handiko musikariak dira, eta denen artean lan polita egin dute.

Libe Garcia de Kortazar gasteiztarrak beste urrats bat egin du bere musika ibilbidean, jauzi handi bat, bere kantuak argitaratuz. Zenbait taldetan teklatuak jotzen aritu da azken urteetan. Neubat taldearekin jotzen hasi zen, eta Sorkun, Ekon eta Izaki Gardenak taldeekin ere aritu da, besteak beste. Talde horiekin jotzen aritu denean bere kantuak konposatzeko astia ere izan du. Kantu horietako batzuetan Joseba Ponceren (Dut, Kuraia, Lisabö) laguntza izan du, bere ideiak gauzatzeko eta konposizioak biribiltzeko.

Kantu horiek eskarmentu handiko hainbat musikari gasteiztarren laguntzaz landu eta moldatu ditu. Atxus baxu jotzailearekin (Neubat, Sorkun, Vicepresidentes), Txus Villalabeitia gitarra jotzailearekin (Same Old, Eh!) eta Eneko De Arza bateria jotzailearekin (Naüt, Trumbo), hain zuzen. Kantuak entsegu lokalean prestatu ondoren Karlos Osinagaren gidaritzapean grabatu dituzte Bonbereneako estudioan. Disko borobila osatu dute, mardula. Kantuek barrenak astintzen dizkigute, eta haien bidez erraz bidaiatu dezakegu urrunera, beste lurralde batzuetara.

Barne-barnetik ateratako doinuak eta sentipenak dira abestietan bildu direnak: “Ereindako haziak euri azidoez bustita, erreta, antzutu nituen. Eta udaberriek ez naute biguntzen, kimuak, erroak, erauzi ditut” (Lilitegi antzua); “Burua lurpean, urrunera zoaz, atzera behin ere so egin gabe. Koldarkeriaren hegoak zabaltzen ihesean urrun heldu daiteke” (Ihesaldi handia); “Airea mugitzen bada, taupadak gelditzen dira. Ekia iluntzen bada, gorputzak harritzen dira” (Haizea); “Itzal lauso bihurtu nuen neure burua inork ez ikusteko” (Jaio naiz); “Urratsak, ostoez estalita. Usaina, uretan deseginda. Ahotsa, haizeak eramanda. Gogoak, giltzapean gordeta” (Urratsak); “Berde zena gorritu, izan zena suntsitu. Pauso ororen ertza, Hemen da negu beltza” (Negu beltza); “Gurinezko bihotza, berotzean biguna; hotza ari duenean gogorra. Lokatzezko bihotza, zorabiatzen dena; Kolpe idor batekin hauskorra” (Gurinezko bihotza); “Gauero ilunpean mamua agertzen da eta nire ametsetan zure bila doa” (Mamuak); “Haurtzaroaren beroa beharko nuke. Laztanak, muxuak, matte-matte” (Hustua); “Herdoildutako egunetan ez da nahiko asmo onaz, pauso bat aurrera eta bi pauso atzera goaz” (Nahigabe).  

Liberen lanak hunkitu egin gaitu, eta arretaz erreparatuko diegu bere hurrengo urratsei, bere grabazioei eta jendaurreko emanaldiei.

 


Azkenak
2024-12-21 | Iñaki Lasa Nuin
Pagadiak

Barkatu hariztiak, artadiak, zumardiak, lertxundiak, lizardiak, haltzadiak, gaztainadiak, urkidiak, gorostidiak, sagastiak, pinudiak eta zuhaitzen elkarte guztiak, baina, gaur, pagadiak du hitzordua negu-mugako ospakizunak direla eta.

Errazagoa egiten zait negu-mugako... [+]


Elkar mugituz?

Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.

Irakurri edo entzun dudan lehenengoan, burura etorri zait... [+]


Gobernu berriaren aurrekontu neoliberal zaharrak

 Ildo beretik dator Eusko Jaurlaritza berriaren politika. Hitzak bai, baina ekintzak ez dira argi ikusten Pradalesen gobernuak aurkeztutako aurrekontuan.


Israelek hildako 17.000 haur palestinarren izenak irakurriko dituzte Iruñean 30 orduz jarraian

Ekimena abenduaren 28an egingo da Iruñeko Baluarte plazan. Goizeko 11:00etan ipuin irakurketa antolatu du Yalak La diverxa Cris ipuin kontalariarekin eta, ondoren, 12:00etatik aurrera, BDZ (Boikota, Desinbertsioa eta Zigorra) ekimenak antolatuta egingo da irakurketa.


2024-12-20 | Nekane Txapartegi
Izartxoak *, arriskutsuak patriarkatuarentzat

Sistema kolonial kapitalista heteropatriarkala auzitan jartzen eta borrokatzen denean, gupidarik gabe erasotzen du bueltan. Eskura dituen tresna guztiak erabiliz, instituzioak, medioak, justizia, hizkuntza, kultura, indarkeria... boterea berrindartzeko, sendotzeko eta... [+]


Siriako Arabiar Errepublikaren amaiera

Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]


2024-12-20 | Sonia González
DSBEren ‘humilladeroa’

Betidanik begitandu zait esanguratsuagoa han-hemenka topa daitezkeen guruztokiei gazteleraz esaten zaien modua: humilladero. Ez al da guruztoki edo santutxo izen nahiko light, zuri edo haragoko konnotaziorik gabekoa? Azken batez, bertatik pasatzen zen oro umiliatu behar zen... [+]


2024-12-20 | Hiruki Larroxa
Irribarre egin, murtxikatu eta isildu

Askok, Gabonetan, ilusioa baino alferkeria handiagoa sentitzen dugu familia-otordu eta -topaketetan pentsatzean. Baina aurreratzen dizuegu ez dela otordua bera kolektiboki deseroso sentiarazten gaituena, familia tradizionala definitzen duen normatibitatea baizik. Are gehiago,... [+]


Globo morean

Ztandap
Nork: Mirari Martiarenak eta Idoia Torrealdaik.
Noiz: abenduaren 6an.
Non: Durangoko San Agustin kultur gunean.

------------------------------------------------------

Laugarren pareta hautsi eta zuzenean, zutik eta beldurrik gabe interpelatzen du publikoa stand... [+]


Kongo eta kobaltoa
Zertarako gaude prest konektatuta jarraitzeko?

Balio digu ilunabarrarekin azken erretratu hori ateratzeko. Edo istant batean ordaintzeko barrako zerbitzariari eskatu berri diogun marianitoa. Eta ze arraio, Levi’sak imitatu nahi dituzten praken atzealdeko poltsikoan ezin hobeto datoz. Horretarako ere balio du... [+]


2024-12-20 | Xalba Ramirez
Xabier Badiolaren gitarra: zaharra zena, berri

Xabier Badiola
Xabier Badiola
Gaztelupeko Hotsak, 2023

-------------------------------------------------

Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]


Eguneraketa berriak daude