Lan prekarietateak ere hiltzen du
Bai, laneko prekarietateak, gainean dugun kapitalismo basatiaren bultzadaz, hil egiten du. Euskal errealitateak beste behin erakutsi digu hori. Abuztuko azkeneko eta iraileko aurreneko lehen egunetan bost langilek galdu dute bizia, hiruk eraikuntzan. Urtean zehar 30 dira hildako langileak. Hori da sinetsarazi nahi diguten berreskuratze ekonomikoa, langileen eta beren familien sufrimenduan eta heriotzan oinarritua. Administrazioak dio hildakoak asko murriztu direla. Baina ezkutatzen dutena hauxe da: egiatan murriztu dena aktibitate ekonomikoa dela eta ondorioz lan istripu gutxiago dagoela. Hildakoak tarteko adineko pertsonak izan ohi dira, immigranteak eta beste enpresa batek azpikontratatuak.
Joan den astean Euskal Herriko sindikatu eta eragileen protestak egin dituzte. Lan prekarietatea salatu dute, azpikontratatzeak, hildakoak eragiten dituzten murrizketa sozialak, segurtasunean nahikoa inbertitzen ez duen Patronalaren jarrera, administrazioen pasibotasun konplizea, eta abar. Hori guztia ondo dago. Baina bi gai nabarmendu behar dira: Sindikatuek eta enpresa batzordeek ez lukete mugatu behar lan istripua gertatzen den bakoitzean hura salatu eta mobilizatzera. Adi egon behar lukete azpikontratatzeak, lan esplotazioa, ordu estrak eta segurtasun falta daudela susmatzen duten enpresetan. Batzordeak dauden tokietan, hori zaintzea erraza da. Baina zaintza hori batzorderik eta sindikaturik ez duten enpresetara zabaldu beharko litzateke, hor baitute lan istripuak izateko arrisku gehien. Eta badaude baliabideak egiteko. Azkenik, fiskaltzak bere kabuz ekin beharko lioke istripuak ikertzeari, salaketa egon ala ez. Ez al da ba nahikoa lanean hildako bat egotea?
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Langilea eskualdekoa zen eta Zamalloa enpresa azpi-kontratatuarentzat egiten zuen lan.
Ezbeharretatik egun gutxitara zendu dira langile biak. LAB, ESK, STEILAS, EHNE-etxalde eta HIRU sindikatuek osatutako intersindikalak kontzentrazioa egingo du urriaren 31an Bilbon Confebask patronalaren egoitzaren aurrean heriotza biak salatzearren. Aurten 50 dira jada... [+]
56 urteko langile bat hil da Lizarran, Agralco (Agrupacion Alcoholera de Bodegas Cooperativas) biltegian lanean ari zela. 10:00ak aldera gertatu da ezbeharra, Lizarran la alcoholera moduan ezagutzen den nekazaritza hondakinen biltegian.
LAB, CGT, Steilas, ESK, EHNE eta Hiru sindikatuek salatu dituzte Nafarroan altueratik erorita hil diren hamar langileen kasuak.
Loiun (Bizkaia) eta Olletan (Nafarroa) hil dira langileak, astearte goizean, biak erorikoen ondorioz. Aurten Euskal Herrian 47 behargin hil dira laneko istripuetan. Nafarroan hamabi lan istripu izan dira aurtengo lehen seihilekoan, eta lan istripuen intzidentzia tasan datu... [+]