Israelgo Gobernuak, nazioarteko legediari muzin eginez, palestinarren aurkako zigor kolektiboari ekin dio azken hilabetean. Hildakoak dozenaka eta zaurituak ehunka zenbatzen dira Gaza eta Zisjordanian, su etenerako deien artean.
Ekainaren 12an Belen eta Hebron artean bahitu zituzten Eyal Yifrah (19 urte), Gilad Shaar (16) eta Naftali Fraenkel (16), NBEk legez kanpoko jotzen dituen kolonietako batean erlijioari buruzko mintegi batetik bueltan zirela. 14 egun beranduago, ekainaren 30ean topatu zituzten hiru gazteen gorpuak Hebron inguruko lurretan. Lehendabiziko momentutik Israelgo Gobernuak Hamas mugimendu islamiarrari egotzi zion bahiketa, gaur egunera arte probarik aurkeztu ez badu ere. Hamasek adierazpen publiko guztietan ekintza horrekin inolako loturarik ez duela adierazi du.
Hala jarri zion izena Israelgo Gobernuak hiru gazteak aurkitzeko eta Hamas zigortzeko abiatu zuen operazio militarrari. Gazteen gorpuak aurkitu bitarteko bi asteetan Israelgo armadak 600 palestinar baino gehiago atxilotu zituen, Hebron (Palestinako hiririk handiena) militarrez okupatu zuten, hamabi pertsona hil zituen, tartean 10, 13, 16 eta 17 urteko adingabeak, 2.200 etxe baino gehiago miatu zituen Zisjordanian eta beste dozena batzuk suntsitu zituen, zaurituak ehundik gora izan ziren (Belen inguruan kolono batzuek kotxez harrapatu zuten 9 urteko umea). Honi gehitu behar zaio, askoren begietara, munduko kartzelarik handiena den Gazan 35 bonba eraso egin zituztela; biktimarik sortu ez zuten erresistentzia palestinarrak jaurtikitako koheteei erantzunez.
Palestinako herritarren aurkako zigorraren tamaina ikusita, nazioartean ugariak izan dira erasoen aurkako deiak. Ez dira gutxi izan, halaber, ekintza militarrak helburu politikoekin lotu dituztenak ere. Izan ere, bahiketak izan baino bi aste lehenago Al Fatah-k eta Hamasek batasun nazionalerako gobernua berrezartzeko akordioa sinatu zuten. Bahiketak Hamasi leporatuta , indarkeria giroa politikari gailendu zaio eta akordio horretan jasotako pausuak ez dira gauzatu, Israelgo Gobernuaren interesen mesederako.
Gorpuen aurkikuntzak Israelgo gizartea aztoratu zuen. “Mina arerio krudelari pasa behar zaio. Ramadan bilaka dezagun haien hilabeterik ilunena!”, eskatu zuen Michael Ben-Ari politikari israeldarrak. Etxebizitza Ministro Uri Arielek Hamaseko buruzagien heriotza eskatu zuen eta Gobernuak “kolonia berrien eraikuntza masiboari ekin” beharko litzaiokeela adierazi zuen. Nazioartean ekintza militarrak bertan behera uzteko deiak ugaldu ziren, tartean Amnesty International erakundearena ere. Israelgo Gobernuak mendeku giroari “babes instituzionala” eman zion bonbardaketa selektibo baten bitartez. Netanyahuk hilketaren errudun nagusitzat jo dituen Hamaseko bi kideren familien etxebizitzak bonbaz eraitsi zituen, nazioarteko legedia errespetatu gabe.
Hurrengo egunean, uztailaren 1ean, hiru gazteen hileta ofiziala ospatu zen Jerusalemen. Ekitaldia amaitzean, 200 israeldar inguruk “arabiarrak akabatu” oihu artean hiriko kaleak hartu zituzten. 16 urteko palestinar baten gorpu kiskaliaren irudiekin argitu zuen hurrengo egunak.
Jerusalemgo Shufat auzoko bere etxe aurrean bahitu zuen gaztea. Ondorengo egunetan egindako autopsiak erakutsi duenez, Abu Khdeir bizirik erre zuten Jerusalem inguruko baso batean. Israelgo poliziak hilketa honekin lotuta sei kolono atxilotu ditu. Horietako batek haren parte-hartzea onartu du eta gainerako atxilotuak inplikatu ditu. Maan News agentziak zabaldu duenez, gizonezko gazteak dira, horietako batzuk adin gutxikoak. Bei Shemesh eta Adam kolonietako bizilagunak dira.
Mendeku giroaren baitan gertatutako kolonoen oldarraldiek, eta bereziki Jerusalemgo gaztearen hilketak, palestinarren sumina piztu dute. Egunetik egunera protestak areagotu egin dira eta Israelgo poliziaren aurkako oldarraldiak ugaritu. Bereziki gogorrak izan dira istiluak biktimaren auzoan, Jerusalemgo Shuafaten. Istiluen aurreneko gauean 170 manifestari artatu behar izan zituzten zerbitzu medikuek, Israelgo poliziak eragindako zauriengatik.
Uztailaren 4an, BBC kate ingelesak zabaldu zuen Hamas erakundeak eta Israelgo Gobernuak elkarri ez erasotzeko akordioa lortu zutela. Egiptoko Gobernuaren bitartekaritzari esker, Hamas kohete bidezko erasoak eteteko prest legoke Israelgo armadak Gazan bonbardaketak bertan behera utziz gero. BBCko iturrien arabera, bi aldeek onartu zuten hau baina errealitatea bake-akordioaren aurkako iritziekin lerratu zen. “Gure eskuak jarri behar ditugu beldurra sustatzen dutenen gainean, Hamasekoek jakin behar dute haiek jomuga direla”, esan zuen Israelgo Gobernuko Atzerriko Aferetako ministro Avigdor Liebermanek su-etenaren zurrumurruen egunean. Artikulu hau idazten ari garen egunean, lerro-buruek diote Gazan hamar palestinar gehiago hil dituztela Israelgo bonbek, eta Netanyahuk arduraz jokatu behar duela.
Aginte Palestinarraren Informazio Ministerioak argitaratu dituen azken datuen arabera, 2000 eta 2013 urte artean Israelgo armadak adin txikiko palestinar bat hil du hiru egunetik behin. Bigarren Intifada hasi zenetik 18 urte azpiko 6.000 zauritu eta 9.000 atxilotu dituzte, Ministerioko datuen arabera. Datu hauek ulertzeko, Palestinako populazioaren erdia 18 urtez azpikoa dela kontutan hartu behar da.
Gorroto mezu eta elkar aurpegiratzeen artean bada hitzari ateak ireki dizkionik. Min gehien jaso dutenen aldetik etorri da, gainera. “Bahiketa eta hilketen aurka nago. Izan judua ala arabiarra. Zeinek onartuko luke haren seme-alaba bahituta ikustea? Bi aldeek odol-huste hau gelditu behar dute”, esan zuen bahitu eta hil zuten gazte palestinarraren aitak. “Hilketa bat hilketa da beti. Edadeak edo nazionalitateak ez dute axola. Ez dago horretako justifikaziorik”, adierazi zuen prentsan hildako hiru kolono gazteetako baten osabak.
Sionista hitza daukaten argitalpenak ezabatuko ditu, juduei edo israeldarrei erreferentzia egiten dieten kasuetan. Orain arte baino modu zabalagoan hartuko dute erreferentziak aztertzeko irizpidea, eta sionisten aurkako mugimenduei eragin diezaieke.
Gazatik itzulitako soldaduek aitortu dute bertan ez dagoela tiro egiteko irizpiderik. Armada sionistak nahieran egiten du tiro, etxeak erre eta gorpuak lurrean botata utzi, guztia komandanteen onespenarekin.
"Zaila da, baina beharrezkoa". Hala azaldu du The Lancet zientzia aldizkariak Gazako hildakoak kontatzeko hartu duen lanaren berri. Hildakoen kopurua, gaixotasunak eta bestelako zeharkako faktoreak kontuan hartuta, gutxienez 186.000 pertsona hil dituztela kalkulatu... [+]
Netanyahuk baldintza bezala jarri du Israelek ofentsiba berrabiarazi ahal izatea “gerraren helburuak bete arte”. Iturri batzuen arabera, Hamasek onartu du su-eten iraunkorra negoziaketen lehen fasean adostea, aurrebaldintza izan beharrean.
Hezbollahren goi mailako bi agintari militar hil ditu Israelek hilabete batean. Tentsioak gora jarraitzen du, erabateko gerra pizteko kezka artean.
Hamarnaka mila pertsonak ihes egin behar izan dute Khan Younis eta Gaza hirietatik azken egunetan, nora joan izan gabe. Israelgo armadaren eta Netanyahuren arteko talkak azaleratuz doaz, eta Hezbollahren aurkako gerra geroz eta gertuago dago. Su-eten proposamena mahai gainean... [+]
Kartzela sionistetako pilaketaz ohartarazi du Shin Bet segurtasun- eta inteligentzia-zerbitzuak berak. Hainbat iturrik sarri eman dute palestinarrek espetxe horietan jasaten dituzten tratu txarren berri, eta espetxeak handitzen jarraitzen dute sionistek.
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nazioartean Palestinako Estatua aitortu izanari erantzunez hartu dute neurria, Israeleko Finantza ministroaren esanetan. Zeukan botere administratibo urria kendu diote Palestinako Aginte Nazionalari Zisjordaniako lurren laurdenean.
Azpeitian Palestinari elkartasuna adierazteko mural batean mezu islamofoboak margotu dituzte. "Palestina Akatu" eta Islama minbiziarekin parekatzen duten pintaketak dira. Elkar-ekin mugimenduak salatu du ekintza.
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.
Bost errefuxiatu kanpalekuri egin diete eraso sionistek 48 orduan, eta dozenaka lagun hil. NBEk ohartarazi du Israel nahita ari dela muturreko gosea sortzen Gazan, eta gerra krimena dela adierazi du.
Marka gabeko hilobietan lurperatuta, hondakinen artean harrapatuta edo Israelek atxilotuta daude milaka ume. 17.000 haur umezurtz gelditu dira sionisten erasoen ondorioz.