Gobernatzeko manera
Independentziak konponduko omen ditu Euskal Herriko arazoak, eta baliteke halaxe izatea. Aberri Egunaren karira, ez dira gutxi izan gero, ez independentziaren aldeko mezuak, ez zorioneko indar metaketaren aldekoak ere, herri honetan gehienok independentzia dugulakoan amets. Gehienok, gehiengoa, gehiengo abertzalea, euskal gehiengo sindikala... Zalantzarik gabe, bai, gehienak baikara. Non, ordea? EAEn. Bejondeiela! Ados. Kontua da Nafarroa Garaian beste batzuk izan direla beti gehiengo, eta gu, berriz, beti gutxiengo, gutxiengo abertzalea, euskal gutxiengo sindikala, eta halaxe izan da joan den 35 urte honetan. Ez dakit EAEn sekulan ohartu ote diren ñabardura ttipi eta hutsal horretaz. Eta kontuak badu bere mamia, zeren, salbuespenak salbuespen, EAEn diseinatu baitira hein handian Hego Euskal Herri osorako proposamen abertzaleak azken mende herenean. Gaur egun, ordea, espero dezagun gauzek bere horretan ez irautea; hau da, nahi baduzue, antola ezazue alimaleko kanpaina independentzia aldarrikatzeko, baina gutxienez egizue hein bereko ahalegina beste aldarri baterako, zertarako eta Nafarroa bestelakotzeko. “Abertzaleak ez direnak erakarri behar ditugu independentziaren aldarrira” erran zuen lehengo batean independentzia zale batek. Ados. Baina 2015eko hauteskundeetarako urtebetea falta den honetan, nik hitz bat aldatuko nuke gogoeta horretan: “Abertzaleak ez direnak erakarri behar ditugu aldaketaren aldarrira”. Gakoa horretan baitatza. Bestela, alferrik. Hau da, azken inkesten arabera, orain hauteskundeak egitera, UPNko boto-emaileen laurdena etxean geldituko litzateke. Baina hori berez ez litzateke aski izanen bestelako Nafarroa antolatzen hasteko. Zerbait gehiago behar da, ezinbestekoa baita milaka boto batzuk gure aldera erakartzea. Duela gutxi arte, independentzia bera lortzea baino lan gaitzagoa izanen zen hori. Gaur egun, ordea, eta besteak beste, UPNko Polo zinegotzi dimititu berriaren aferak eraginda, ez omen da egin ezina. Baina horretarako, independentzia hitza baino zerbait gehiago proposatu beharko zaio nafar jendeari eguneroko arazoak konpontzen saiatzeko, eta ahalegin berezia eta zentzuduna egin beharko dute Nafarroako euskal abertzale, euskaltzale eta aurrerazaleek, benazko eskaintza bat arloz arlo plazaratzeko, dela ekonomian, zergetan eta osasungintzan, dela hezkuntzan, herrilanetan eta azpiegituretan, eta bereziki, nafar gehien-gehienok bat egiten dugun kontu batean: Nafarroa bestela gobernatzeko maneran.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
Asteburu honetan 'estetikoa' hitzaren inguruan pentsatzen aritu naiz, lagun batek esandako esaldi baten harira: “Lan hau estetikoa da”. Estetikoa hitzaren etimologia aztertu dut, badirudi jatorrian zentzumenen bidez hautematea zela bere esanahia, eta gerora... [+]
Azken urteotan, industria politikaren kontzeptua hainbat mailatan indarrez berragertu da. Neoliberalismoaren mailua izandako erakundeak, Nazioarteko Diru Funtsak, gaur egun zera azpimarratzen du: merkatuek baliabideak modu eraginkorrean esleitzeko eta arazo horiek konpontzeko... [+]
Aurreko egunean, Bilbon, lagun batekin elkartu nintzen Bira tabernan. Tar-tarrean ari ginen oso gustura eta esan nion: “Noski, Giputxia zarenez, kar-kar-kar”. Eta berak nabarmendu zuen ez zela gipuzkoarra. Nik ongi ulertu gabe, jarraitu nuen esaten, “A! ez?... [+]
Zalantza asko izan ditut, meloia ireki ala ez. Ausartuko naiz, zer demontre! Aspaldian buruan dudan gogoeta jarri nahi dut mahai gainean: ez da justua erditu den emakumearen eta beste gurasoaren baimen-iraupena bera izatea. Hobeto esanda, baimen-denbora bera izanda ere, ez... [+]
Mundu mailako erasoaldi inperialista betean gaude, mendebaldeko burgesiak gidatuta. Ofentsiba inperialistak hartu duen forma gerrarena da, aldaera guztiekin: gerra ekonomikoa, gerra kognitibo eta kulturala, lawfarea; eta, noski, gerra militarra. Mendebaldeko inperialismoak... [+]
Beste detektibe triste baten telesail bat ikusi berri dut. Eskoziako irla urrun batean gertatzen dira trama guztiak. Badakizue nola funtzionatzen duten fikzio horiek: hildako asko, jende arrunta baina ez hainbeste, eta paisaia berde iluna. Oraingo honetan duela urte pila bat... [+]
Egiari zor, ez dakit zergatik ari naizen hau idazten. Gaur egungo giro liskartsuan ez dira modu honetako iritziak ondo hartzen. Beharbada, ARGIAk ez du hau argitaratuko, ez baitator bat orain arte argitaratu dituzten iritziekin (baina, azkenean argitaratzea erabaki badute,... [+]
Urtarrilaren 15ean Zedarriak izeneko lobby tekno-enpresarialak bere 6. txostena aurkeztu zuen, Euskadi eta Europar Batasuna, oparotasunaren eta lehiakortasunaren patu partekatua izenekoa. Finantzen mundutik ateratako aditu gorbatadunez osatutako Think Tank neoliberal horrek... [+]
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Bizitzak dena inguratzen du, mugatua eta hauskorra da. Bizitza onak bizitzeko, gorputzak zer egin badakiela iruditzen zait, buruak ordea, nahiz eta jakin (ondo informatuta dagoenean), askotan gorputza nahita isiltzen duela ikusten dut. Isiltze horretan burua beste buru... [+]
Eroso gaude ingurunea gure egoera fisiko/emozionalera egokitzen denean. Besteak ni kontuan hartu nauenean, izan gizaki bat, objektu bat, espazio bat. Erosotasunaren klabea produktu eta espazio diseinuan beharrizan handi gisa sartu da, erosotzat jotzen dena erosgarria delako... [+]