Osasun sistema publikoa desegingo du Greziako Gobernuak
Osasun sistema publikoa deuseztatzea erabaki du Greziako Gobernuak: sistema berri bat onartu du, funtzionario ugari kaleratzea eta lehen mailako arreta pribatizatzea ahalbidetuko duena.
Osasun Sistema Nazionala izango da ezarriko duten eredu berria. Ondorioz, 8.500 langile ingururen kontratuak eten egingo dira, eta langile horietatik batzuk berriz kontratatuko dituzte eta beste ugari kaleratu. Sistema berriak osasun aseguru-etxe baten moduan funtzionatuko du eta zerbitzuak erosiko dizkie hornitzaile autonomoei (anbulantzia zerbitzua, medikuak, diagnostikorako zentroak, klinikak…). Hots, pribatizazioaren ateak irekita utziko ditu ezarriko duten ereduak.
Nazioarteko Moneta Funtsak, Europako Banku Zentralak eta Europar Batasunak osatzen duten Troikak agindutako 11.000 funtzionarioak kaleratu ahal izateko, Greziako Gobernua erakundeak desegiten ari da: Irrati telebista publikoa itxi zuten –eta 2.500 langile kaleratu–, baita udaltzaingoa, Lanbide Heziketako 50 espezialitate, ospitaleak eta ikastetxeak ere, legalki funtzionarioak bota ahal izateko. Estrategia horren barruan kokatu behar dugu osasun sistema publikoa desegin eta eredu berria ezartzeko hartutako erabakia.
Gainera, Greziako Gobernuaren 2014ko aurrekontuak beste 700 milioi eurotan gutxituko du Osasunera zuzendutako diru kopurua eta ez du euro bakar bat bideratuko osasun asegururik gabe daudenak artatuak izan daitezen. Gaur egun, urtebete baino gehiago langabezian daramatelako, greziarren %30ek ez dute osasun aseguru hori.
Krisi ekonomikoa abiatu zenetik, murrizketa politika bortitza jarraituz baliabide materialak, botikak eta langileak gutxitzen joan dira Greziako osasun publikoan –hala nola, %40 gutxitu dute ospitaleetara bideratutako inbertsioa– eta ikerketek azaleratu dute ondorioak larriak izaten ari direla herritarren artean. Besteak beste, gaixo eta kutsatu kopurua hazi egin da azken urteotan eta buruko gaitzek ere nabarmen egin dute gora greziarren artean.
Gutxienez 10.000 hektarea kiskali dira Atenasetik gertu, eta dozenaka etxe eta enpresa kiskali dira, EFEk jaso duenez. Greziako Gobernuak suteei aurre egiteko laguntza eskatu dio Europar Batasunari.
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]
Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]
Berdinen arteko ezkontza legeztatzen duen lehenengo herrialde kristau ortodoxoa da.
Ez naiz Greziako Lesbosetik itzuli zaharra. Bertan, Mitilene-n, Zaporeak Elkarte euskaldunak 2.700 asilo eskatzaile ingururi egunean otordu bat eskaintzen die: arroza eta potajea, pita ogia eta fruta ale bana. Duintasunaren muga, 150 gramo errazioko. Arazoa da Kara-Tepeko... [+]
Egunean hamahiru ordurainoko lanaldiak eta sei eguneko lan asteak; alegia, 78 ordurainoko lan asteak. Horiexek dira Greziako Gobernuak, azken lan erreformaren barruan, legeztatu dituen gehienezko lan orduak. Aurreko ostiralean onartu zuten Kyriakos Mitsotakis lehen ministroak... [+]
Greziako Gobernuak ostegunean egingo du lege-proposamena Legebiltzarrean. Hamahiru orduko lanaldia legeztatzeaz gain, greba eskubidea ere urratu nahi du.
Tenperatura altuek eta lur eremu lehorrek eragin dituzte suteak asteartean. Ondorengo herrialdeak izan dira kaltetuenak: Kroazia, Aljeria, Tunisia, Siria, Italia, Grezia eta Frantzia. Azken orduetan, Portugalen eta Kanariar Uhartean ere zabaldu dira suteak.
Inoiz erregistratu diren tenperatura altuenak ekarri ditu bero-boladak, eta horrekin batera baso suteen arriskua areagotu da.
Gehiengo osoa lortu du Demokrazia Berria alderdi kontserbadoreak. Eskuin muturrak gora egin du, Espartarrak buru dituela eta Syrizaren "begi bistako porrota" aitortu du Alexis Tsiprasek. Abstentzioa %47,18koa izan da.