Idazle oparoa izateaz gain, Benito Perez Galdos (1843-1920) politikaria ere izan zen. 1886an Puerto Ricoko ordezkari izan zen Espainiako diputatuen kongresuan, eta XX. mendearen hasieran errepublikarrek eta sozialistek gobernua osatu zutenean ere diputatua izan zen.
Dirudienez, Galdosek eztabaida politikoaren maila jaso nahi zuen, baina haren ahaleginek ez zuten helburua lortu. “Etxe honetan ezin da ezertxo ere egin; herriari benetan komeni zaionari gibela ematen zaio. Nire ahaleginak alferrikakoak izan dira”, esan zuen idazle kanariarrak.
Haren arabera, norberekeriak, alderdikoikeriak eta segiziozaletasun politikoak lehentasuna zuten, herritarren interesak baztertuta. Hasieran zenbait kontu hobetzeko gai izango zela uste zuen, baina berehala konturatu omen zen neurri eraginkorrak bultzatzea ezinezkoa zela, eta diskurtsoa sakontzeko saiakerak ere alferrikakoak zirela. Ehun urtetik gora joanda ere, zenbait gauza ez dira aldatzen.