Dantza egizu neretzat
Arriaga antzokiko eszenatokian hartu naute Damian Muñozek eta Virginia Garciak, Best of you azken lanaren entseguetan ari direla. Clara Peya musikari gaztea, konpainiak fitxatu berria, Steinway koladun piano beltzean jarrita dago. Musikari kataluniarrak konposatu du lan berrirako musika, eta pianoz zuzenean laguntzen ditu Garcia eta Muñozen mugimenduak. Eszenatokitik begiratuta, antzokiko butaka patioak jatetxe txinatarra dirudi, argitxo gorriz josita.
Dantzari gasteiztarrok 1996an sortu zuten La Intrusa dantza garaikide konpainia, eta ordutik hainbat antzezlan taularatu dituzte, artean Ataraxia, Tres tristes Streaptess, Delta Victor eta Manso Rojo. Katalunian eta Italian bizi dira halere, euren lana Euskal Herrian garatzeko ezintasunagatik. Dena den, lan berri bat sortzen duten bakoitzean itzuli egiten dira, “Euskal Herrian gutxitan programatzen gaituzten arren”, Garciak dioenez. Mexikon eta AEBetan barrena bira egin dute oraintsu, eta hurrengo urterako ez zaie hitzordurik falta, Katalunian eta Mexikoko hainbat jaialditan erakutsiko baitute azken obra.
Azaro bukaeran aurkeztu zuten Best of You, Bilbon, Arriaga antzokiaren ekimenez antolatzen den Gelatxoa programan. Abenduaren 28an izango da antzezlana ikusteko hurrengo parada, Gasteizen, Baratza aretoan.Gelatxoa programak badu berezitasunik: formatu txikiko ikuskizunak izaten direnez, antzokiko eszenatokia publikoarekin partekatzen da. Kasu honetan, eserlekutik metro eskasetara gozatu genuen dantzarien mugimenduez eta zuzeneko musikaz. Banaka, binaka eta hirunaka aritu ziren dantzan, Clara Peya musikari gazteak, pianoan duen abilezia erakusteaz gain, dantza pauso batzuk ere eskaini zituen, eta Damian Muñoz dantzariak ere jo zuen une batez pianoa –Peyak emandako eskolak hartuko zituen seguruen–.
Virginia Garcia gogotsu murgildu zen, kemena eta hauskortasuna hein berean erakutsiz. Indar handiko dantzaria bada ere, oin puntetan ibiltzen da, etereoa du dantzatzeko modua.
Tentsioaren eta barealdiaren inguruko pieza da Best of You. Hitzak ere, badu tartea obra honetan. Hona hemen Peya eta Garciaren arteko elkarrizketa: “Hori al zen onena zugandik?/ Bai./ Hori da? Besterik ez?/ Besterik ez./ Neuk zerbait biziagoa espero nuen./ Definitu zer den bizitasuna./ ...(dantzan egiten du bortizki)/ Hobeto sentitzen zara?/ Bai./ Lasaituta?/ Ez./ Zer behar duzu?/ Tentsioa./ Zertarako?/ Ez jausteko”.
Diziplina: Dantza garaikidea.
Konpainia: La Intrusa.
Sorkuntza eta zuzendaritza: Damian Muñoz eta Virginia Garcia.
Dramaturgia: Virginia Garcia.
Interpreteak: Damian Muñoz, Virginia Garcia, Clara Peya.
Musika: Clara Peya.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
.jpg)
Espainiako Federazioak salatu du ez zaiola parte hartzen utzi iragan asteburuko Nazioarteko Pilota Federazioaren biltzar nagusian, eta hori “bidegabekeria” dela. Biltzar hartan Nazioarteko Federazioak, ordea, akusazio hori “erabat faltsua” dela azaldu du,... [+]
"Sedizioa bultzatzen duelako" hartu du Al-Jazeeraren zabalpena eta lana "aldi baterako" debekatzeko erabakia Palestinako Aginte Nazionalak. PAN "Israelekin lerrokatu izana" deitoratu du komunikabideak, argi utzirik "mehatxuen eta intimidazioen... [+]
Gazpromekin zuen kontratua ez du berritu Volodymyr Zelenskyren gobernuak eta, asteazken goizean, Europa ekialdea hornitzeko gasaren fluxua eten du errusiar konpainiak.
Ander Magallon, Mikel Irure eta Xabier Jauregi Metropoli Forala saioan egon dira maskulinitate berrien inguruan mintzatzen.
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Urte berriaren hasierarekin, hainbat zerbitzu eta produkturen prezioetan igoerak izango dira. Elikagaietan, energia fakturetan, udal-zergetan eta etxebizitza gastuetan garestitze nabariak atzemango dira.
Euskal Herria nazio dela aldarrikatzeko ekitaldia egingo dute Donostiako Kursaalean. Astebeteko ekitaldi sorta izango da.
Euskaltzale eta militante gasteiztarra abenduaren 30ean hil da. Gontzal Fontaneda Orille (1943-2024) 1960ko hamarkadan euskarak Gasteizen egin zuen bidearen lekuko eta bidelagun izan zen. 15 urterekin hasi zen euskara ikasten. Euskara ikasteko metodo bat asmatu zuen eta euskara... [+]
Ander Magallon, Mikel Irure eta Xabier Jauregi Metropoli Forala saioan egon dira maskulinitate berrien inguruan mintzatzen.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Media.cat-ek egindako azken ikerketak agerian utzi du emakume kazetariek Katalunian jasaten duten sexu-diskriminazioa. Inkestatutako emakumeen %54,4k sexu-jazarpena jasan dutela eta %55,1ek sexu-generoaren araberako jazarpena izan dutela adierazi dute.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Hussam Abu Safiya medikua askatzeko eskatu du Osasunaren Mundu Erakundeak, eta bere aldeko kanpaina ere abiatu dute sareetan. Abu Safiya medikua ez da edonor; nazioartean erreferente bihurtu da, berak zuzentzen zuen ospitalearen aurka egindako erasoak kontatzen zituelako.