Egipto Iparraldean, el-Gerzeh herrixka inguruko bi hilobitan, 1911n topatutako burdinazko bederatzi lepoko ale  aztertu berri dituzte Londresko Petrie Museoko ikerlariek, eta 5.000 urte baino gehiago dituztela ondorioztatu dute. Beraz, inoiz aurkitutako burdinazko objektu landu zaharrenak dira, Burdin Aroa hasi baino 2.000 urte inguru lehenago manufakturatutakoak. Eta nondik lortzen zuten lehengaia, gizakia burdina galdatzen ehunka urte geroago hasi bazen? Espaziotik, nagusiki burdinaz eta nikelaz osatutako meteorito zatietatik.