Enpresen itxiera eta odolustea
Euskal Herrian inoiz ikusi den enpresa itxiera handienaren aurrean gaude, odolustea. Gure herrian izandako birmoldaketa industrialek enpresa publiko handiei eragin zien eta milaka lanpostu deuseztatu zituzten. Baina langileen gehiengoa euren etorkizunaz lasai zegoen, aurre-jubilazioa bermatu zietelako (Babcock & Wilcox-en 45 urtekoak ere bai) edo inolako zailtasunik gabe gaixotasun profesionalak edo ezintasunak onartu zitzaizkielako baja hartzeko. Gaur, aldiz, egoera erabat ezberdina da. Enpresen itxiera eta odolustea sektore guztiei ari da eragiten, baina batez ere enpresa txiki eta ertainei. Milaka dira galdutako enpleguak.
Hedabideek hizpide dituzte eguneroko mobilizazioak: grebak, itxialdiak, manifestazioak, ibilaldiak… Enpresa handi eta ertainetako langileak dira horien protagonista, mobilizatzeko eta antolatzeko gaitasuna dutelako, sindikatuak eta enpresa batzordeak dituztelako. Badago beste errealitate bat, enpresa txikiena, pertsona bakarrak, bostek edo hogeik lan egiten dutenena, sindikatu eta batzorde gabe isolatuta daudenena. Enpresa horiek tantaka ixten ari dira, baina bertako langileak eta euren familiak baino ez dira horretaz jabetzen. Tokiko merkataritzan zabaldu den alerta gorria da egoera horren erakusgarri.
Odoluste horren atzean kudeaketa eskasa eta kontsumorik eza egon daitezke. Baina arrazoi nagusiena bankuekin eta finantza entitateekin loturik dago, kredituaren iturria itxita baitaukate eta negozio horiek itotzen dituzte. Administrazio publikoek industria eta denda txikien desegitea eragozteko plan bat jarri beharko lukete martxan berehala, biztanleria txirotzen ari baita. Plan horrek aurreikusi beharko lituzke, alde batetik onura fiskalak izateko neurriak, eta bestetik Kutxabank, Laboral-Kutxa, CAN, BBVA eta beste bankuen konpromisoa kreditua errazteko. Krisiaren aurretik enpresa horien kontura “loditu” ziren. Orain kredituaren ordua da.
Iberdrolak 5.472 milioi euroko etekinak izan ditu aurten irailera arte, eta bere aurreikuspenen arabera 2024an errekor berria jarriko du irabazietan: iaz baino %14 gehiago. Repsolek uztailerako 1.626 milioi euro zeuzkan poltsikoan, eta 2023an irabazitako 3.168 milioiak aurten... [+]
Gazteei PFEZa murriztea edota zenbait kasutan deuseztatzea proposatu du Portugalgo Gobernuak, baina momentuz hizpidea baino ez du ipini, ez baitago argi aurrekontuak onartu ahalko dituen, gobernua osatzen duten alderdiek ez baitute-eta gehiengo parlamentariorik. Espainiako... [+]
2023ko urtarriletik indarrean da oinarrizko elikagaiei –duela hiru hilabetetik, oliba olioa talde horretan dago– BEZik ez aplikatzeko neurria.
Europar Batasuneko Justizia Auzitegiak Apple eta Irlanda kasua ebatzi, eta Googleren aurkako zigorra berretsi du, nagusitasunezko posizioaz abusatzeagatik.
Aparteko ordu boluntarioekin betetzen ari dira medikurik gabeko zerbitzuak Elizondon. Xabi Zarandona medikuak salatu du ezinezkoa dela gaixoen jarraikortasuna bermatzea.
Kalera atera dira salatzeko Bortziri eta Baztanen mediku eta pediatren falta, itxaron zerrenda amaigabeak eta hitzorduen atzeratzea jasaten ari direla, besteak beste. “Landa eremuan bizi garenok ere merezi dugu behar dugun bezala artatuak izatea”.
Etxebizitzen eta alokairuen prezioek mugarik gabe jarraitzen dute gorantz eta milioika lagun egoera oso prekarioan utzi ditu horrek: gazteek ezin dute emantzipatu, herritar asko euren auzotik ostikoka bota dituzte, eta beste askorentzat infraetxeak partekatzea da irtenbide... [+]
Europako Banku Zentralak interes tasak jaitsiko ditu ostegun honetan, bi urtetako etengabeko gorakadaren ondoren. Diruaren garestitze edo merkatzeak zuzeneko eragina du Euriborrean eta herritarrek ordaindu behar duten hipoteketan. Baina nola nabarituko da aldaketa hori?
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Hego Euskal Herrian, egun indarrean dagoen neurri mesedegarri batek soilik jarraituko du aplikatzen, gutxienez ekainera arte: oinarrizko elikagaiei BEZik ez ordaintzea.
Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta... [+]