Ahoberokeriak
Badakit abortuaren gaia korapilatsua dela, baina “holokausto isila”, “errugabeen sarraskia”, “emakumeen suizidio espirituala” eta antzekoak gehiegikeria onartezinak iruditzen zaizkit, bidegabeak eta ankerrak milioika emakumerentzat.
Nola liteke urtero munduan 40 milioi emakumek, Herodesen jarraitzaile finak balira bezala, beren seme-alabak akabatzea? Zentzugabea da hori! Noski, zuk uste baduzu espermatozoidea obuluarekin elkartzen den une beretik horri garapena eragoztea eta sehaskan dagoen haurrari lepoa moztea gauza bera direla, ba, ulergarria da abortuaren aurka egotea. Baina itsutasun handia behar da identifikazio horretan tematzeko. Ez da zentzuzkoa pentsatzea horrenbeste emakumek galbide espirituala hautatzen duela; abortua nola edo hala legeztatzen duten politikariak eta gobernuak krimenari bide ematen ari direla; horretan nahasturiko senitarteko, sendagile, erizain eta abar gaizkile hutsak direla.
Gauza bat daukat garbi: emakume gutxik izango duela abortua atsegin, eta kasu gehienetan arazo latzak eta errealitate gordinak daudela atzean, batez ere, emakumeen bizimoduari dagokionez. Abortu-tasa garapen sozio-ekonomikoari eta pobreziari oso lotua dago. Hori erakusten dute munduko datuek (abortu-tasa apalenak Europa mendebaldean eta Ipar Amerikan daude) eta hori erakusten dute EAEko datuek ere (2011n abortu guztien %44 atzerriko emakumeenak izan omen ziren). Pobreak aberatsok baino “hiltzaile” handiagoak ote dira, bada?
Abortuak gutxitzera jo behar dela? Ados! Horretarako onena jendearen egoera sozio-ekonomikoa hobetzea, emakumea duintzea eta ahalduntzea, heziketa eta baliabideak (aurreiritzirik gabeko sexu-heziketa, familia-plangintza, antisorgailu merkeak eta eraginkorrak...) zabaltzea, eta abar. Baina ez abortua legez kanpo uztea!
Hainbat arrazoi medio haurdunaldia eten nahi duenak laguntza behar du, eta lehenik abortu hori osasun-baldintza on eta seguruetan egiteko aukera; eta abegi on eta ulerkuntza behar ditu, eta paternalismorik gabeko erruki sanoa, baina ez gizon beltzen gaitzespen gozakaitzak!
Espainiako Eliza Katolikoaren hierarkiak eta gizartearen zati handi batek badugu elkarren artean konpondu gabeko arazo larri samar bat, hots, hierarkia horrek gobernuari presio egin eta bere iritziak beste guztioi legez ezarri nahi izatea. Gotzain jaunok, inork ez ditu zuen eliztarrak abortatzera behartzen, ezta ere zuen gay eta lesbianak ezkontzera derrigortzen. Zergatik obligatu nahi duzue gizarte osoa? Hain zaila ote da ulertzea ez dela hori erlijioen zeregina?
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
2011. urtean M-15eko mugimendu indartsua lehertu zen, Kataluniako Gobernua ataka estuan jarri zuena. Besteak beste, orduko hartan Polizia Bartzelonako Katalunia plazako kanpaldi suminduari oldartu zitzaion, eta parlamentua setiatu zuten ekintzaileek, Artur Mas presidentearen... [+]
Interneten Willow hitza bilatzerakoan oraindik txikitan ikusi nuen pelikula baten izenburua agertzen da. Fantasiaz beteriko pelikula hartan, Willow izeneko gizon txiki batek, protagonistak, mundua eraldatu zuen, erresuma zapaltzaile batetik herritarrak askatuta. Google-k Willow... [+]
Loti ederra eta errauskinaren irudia izan du hizpide aurtengo Feministaldian Irene Coulon-en hitzaldiak. Loaren ideia kulturalak zartatu ditu, loaldia ere maskulinizatua dugula argituta. Loaren irakaspen (kultural) asko barneratuak ditugu, eta gorputz feminizatuan edertasunaren... [+]
Araiak esan dit zuei idazteko. Esan dit, utzi baino lehen (aurten egingo dut), nire testu bat eraman nahi dizuela, nik ez dizuedala inoiz eraman, eta merezi duzuela, harro sentituko zaretela nitaz. Ezin da horrelako aukera bat galtzen utzi. Ez dakit jada esan ez dizuedan zer... [+]
Berriki Pierre Carles dokumental egile engaiatuaren azken lana ikusteko aukera izan dut. Guérilla des FARC, l'avenir a une histoire (FARC gerrilla, etorkizunak historia du) du izena eta Kolonbian mende erdi baino gehiago iraun duen gatazka armatuaren kontakizun... [+]
Valentziako tanta hotzaren kudeaketa txarrak aldaketa ekarri du muturreko eguraldiagatik izan daitezkeen alerten inguruan, “neguko” lehenengo denboraldian agerian geratu den bezala. Hego Euskal Herrian ibaiek gainezka egingo zutelako mehatxuaren aurrean, hainbat... [+]
Ekintzailetza modan dago. Kontzeptuak indarra hartu du eta hiztegi ekonomikotik askoz harago zabaldu da. Just do it: egizu, besterik gabe. Baina ez dezagun ahaztu: propagandaren mundutik dator leloa. Erosle-ekintzaile aktiboak izatea ote da hitzaren mozorroa? Egungo enpresariek... [+]
Kaosean sartuak gara. Hori erran digute hedabide frantsesek, legebiltzarrak gobernua erorarazi duelarik abenduaren 4an. Kaos politiko, instituzional, sozial, ekonomikoaren zirimolak infernuko sarabandan bahituko gaituelako izua zainetara isurtzen hasia zaigu denoi. Zer komedian... [+]
EHBaik Autonomia estatutu baterako proposamena prestatu du, gure nazioaren burujabetza osorako bidean etapa gisa.
Segur aski, gutariko gehienek jada erosiak dituzte, han eta hemen, Eguberrikari banatzeko opariak. Olentzeroren bisita gautar hori hitzordu handia baita, bereziki haurrentzat. Denak prestatzen dira urteko garai emankor horretarako: Bilbo sutan agertzen da, Gasteiz, Iruña... [+]
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Benetan nahasia da euskara ikasteko dirulaguntzen kontu hori. Euskara ikasi nahi duen herritarrak leihatila bat baino gehiagotara jo beharko du egin nahi duen ikastaroa zenbat kostatuko zaion eta dirulaguntzak nondik, nola eta noiz lortuko dituen jakiteko. Oraindik ere dirua... [+]
Hizkuntza matematikoa ondo ulertu eta interpretatzeak badu garrantzia ikasketa prozesuan; horixe esan ohi diegu guk geure ikasleei, bederen. Matematiken lengoaia unibertsala da, eta oro har, interpretaziorako errore marjina txikia izan ohi da. Nekez marraztuko genuke hiruki bat... [+]