Terminator 2 filmean agertzen zen robot baten ezaugarri harrigarrienetakoa zen milaka zatitan puskatu arren zatiek berriro elkartu eta robota osatzen zutela.

Pittsburgheko Unibertsitateko (AEB) ikerlariak material auto-osagarrien bila ari dira aspalditik. Material horren konposizio kimiko zehatza ez baino arrasto batzuk eman dizkigute; tratamendu kimiko zehatza jasan duen gelatina berezi batekin probak egin dituzte eta, antza, gelatinazko atal bat zatitu ondoren, argiaren eraginez atalen arteko komunikazio kimikoa sortzen da. Behar bezain hurbil baldin badaude, zatiek hasierako egoerara itzultzeko joera erakusten dute. Komunikazio kimikoa naturako gertakaria da, eta batez ere ameben eta termiten artekoa da ikerlariei gehien interesatzen zaiena.

Orain arteko saioak ordenagailuan egin dituzte, baina laster benetako proba fisikoa egingo dute.