Oporretara joaten garenean oso ohikoa izaten da han eta hemen eta horri edo hari argazkiak ateratzea. Berriki, Londresko Imperial College-ko Tim Davis ikerlariak marrazo-baleari (Rhincodon typus) turistek egindako argazkien interes zientifikoa aztertu du.

Animalia hori topatzea ez da erraza, eta argazkiak egitea are gutxiago. Zientzialariek espedizio garestiak antolatu beharko lituzkete haren irudiak lortzeko; turistek utzitako materiala aztertu ondoren, Tim Davisek ondorioztatu du zientziarako oso informazio baliagarria atera daitekeela haietatik.

Gogoan izan, irakurle: zure hurrengo oporraldian zientziaren laguntzaile bilaka zaitezke.