Hitz egin dezagun musikaz
Prousten madalena bezala: Kafe Aleak liburuz betetako poltsa hartzera joan –nire herriko taberna bateraino garraiatu ditu Ibon Rodriguezek– eta institututik atera berri diren nerabeekin gurutzatu nintzen udazkeneko arratsalde hotz hartan. Ez naiz horrelako xehetasunak artikuluetan kontatzekoa eta oraingoan ere ez nuen egingo, eszenak, giroak, liburuko edukiak nerabezarora braust itzuli ez banindute, Entzun! aldizkari zaharren garaira; diskoak deskargatzen zituzten inguruko geekak esku bakarrarekin konta zenitzakeen denboretara; prentsa, irratia, telebista eta tabernak musika deskubritzeko kanal bakarrak ziren ke arteko egunetara. Entzun behar zen zerbait aurkituz gero, lagunei kontatzera korri egiten zenuen. Dena delako kanta ez zegoenez klik batean eskura, hitzak –teknologia zaharkitu hau– erabili behar zenituen esplikatzeko zergatik flipatzen ari zinen halako talderekin.
Barka txapa horrengatik –malenkoniatsu jarri naiz, snif–, baina liburuan 121 lagunek 121 diskori buruz idatzi dituzten artikuluak leitzen hasi, eta duela urte batzuk koadrilan musikaz zenbat hitz egiten genuen etorri zait gogora. Bestela esanda, zein gutxi hitz egiten dugun orain. Jon Eskisabelekin bat nator: Kafe Aleak aurkeztu zenean Berrian idatzi zuen, kontzertuetatik at geroz eta gehiago eremu indibidualera mugatzen ari dela musika zaletasuna; horregatik direla garrantzitsuak mota honetako ekimenak.
Apaindura gutxiko azala, maketazio txukun eta sinplea, zuri-beltzeko argazkiak eta disko bakoitzaren portada eskuz marraztuta –copyright arazoak saihesteko antza; Jon Martin, Alots Arregi eta Joseba Agirrezabalagaren irudiek liburuari estetika berezia ematea lortu dute gainera–. 1990eko hamarkadatik salbatua dirudien lan honek XXI. mendeko bigarren hamarkadan sortu izana du abantaila, musikari buruzko informazio bila hastean Interneteko naufrago bihurtzeko arriskua daukazun garaian. Gomendio egokiak inoiz baino beharrezkoagoak direnean.
1958koa da liburuko diskorik zaharrena eta 2010ekoa berriena. Tarte horretan argitaratu diren Euskal Herriko eta nazioarteko lan esanguratsu ugari aurkituko dituzu –esaten den bezala, ez daude denak baina dauden denak dira; edo ia–. Liburuaren aldeko puntuetako bat: ez ditut gomendatutako disko eta musikarietako asko eta asko ezagutzen; hitzaurreok dira bilatzen hasteko akuilua.
Irakurri ditudan artikuluek ez dute arau-emaile izateko intentziorik; esango nuke ofizioz edo bokazioz kritikari direnek ere plano pertsonaletik heldu diotela liburu honetara ekarri duten testuari eta beraz zorroztasunean gal dezaketena, hurbiltasunean eta patsadan irabazi dutela. Eta egia esan, egileen zerrenda ikusita, Leire Lopezek eta Ibon Rodriguezek egin duten koordinazio lana txalotzea beste erremediorik ez dago, konglomeratua ez baita nolanahikoa –nire filosofo esloveniar gogokoenarekin ere kontaktatu dute!–.
Zer gehiago esango dizuet ba: liburua eskuratu nahi baldin baduzue Kafea eta Galletak ekimenaren webgunean ikus dezakezuela non erosi (www.kafeaetagalletak.net). Edo tabernan jaso nuen poltsatik aleren bat sobratu zaidala baliatuz, prezio hobeagoa lortzen saia zaitezkete, gbereziartua@argia.eus helbidera idatziz.
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Elgarrekin izena du Duplak egin duen aurtengo abestiak eta Senpereko lakuan grabatu zuten bideoklipa. Dantzari, guraso zein umeen artean azaldu ziren Pantxoa eta Peio ere. Bideoklipa laugarrengo saiakeran egin zen.
Duela 150 urte, 1875eko martxoaren 7an jaio zen Maurice Ravel musikagile eta konpositorea, Ziburun. Mundu mailan ospetsu dira haren lanak, bereziki Boleroa. Sarri aipatzen da Parisen bizi izan zela, kontserbatorioan ikasi zuela aro berri bateko irakasleekin, munduko txoko... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Gazteagotan baino lotsa handiagoa dauka, baina horrek ez dio saltsa askotan ibiltzeko gogoa kentzen Leire Zabalza Santestebani (Iruñea, 1990). Beste gauza askoren artean, Motxila 21 musika taldeko kidea da. Nabarmendu du musika gauza asko aldarrikatzeko bide izan... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).
--------------------------------------------
Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk... [+]
Ostegunean prentsaurrekoa egin dute antolatzaileek Maiatzaren 3an Bizkaia Arena-BEC!en egingo den ekitaldiaren xehetasun gehiago aurkezteko. Ikuskizuna euskal herrian ezagunak diren hogei pertsona baino gehiagok parte hartuko dute eta 14.000 ikuslerentzat izango da.
Ilezko prakak, gerritik oinetaraino, latexa besoetan eta soinean, eta adatsa laranja gori. Horrela aurkeztu du La Furiak bere bosgarren lan luzea: Ultra. Horrek guztiak ederki islatzen du rap abeslariaren apustua: dena eman, bere irizpideen arabera.
Gauzak ez dira izatez errazak, eta, izango da batagatik edo besteagatik, baina, azken boladan, mingainari behar baino gehiagotan egin diot kosk bi kontu hauengatik: sold out-aren kultura eta FOMOa –azken hori agian azaldu behar da, ez baita hainbestetan esana: esperientzia... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.
----------------------------------------------------
Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]
Asteazkenean izan behar zuen epaiketa dataz aldatu dute Lizarrako alkateak azken momentuan jarritako helegite baten ondorioz. Orain taldeari "gorrotoa sustatzea" ere egozten zaio eta lau urterainoko kartzela-zigor arriskua dute kideek.