Hekimen elkartea sortu dute euskara hutsean lan egiten duten herri ekimeneko hedabideek, gizartearen eta instituzioen aurrean “bakarka baino, elkarrekin” agertzeko helburuz.
50 euskal Hedabide baino gehiagok Hekimen elkartea sortu dute. Hedabide ez publiko horiek orotara 600 langile inguru dituzte eta ehunka mila herritarrengana iristen dira. Horregatik, “ahots bateratua izatea” garrantzitsua dela azpimarratu dute.
“Euskal Herri euskalduna nahi badugu komunikabide esparru indartsua izatea ezinbestekoa da”, adierazi zuten joan den astean Donostiako Koldo Mitxelena Kulturunean egindako aurkezpenean. “Euskararen komunikazio esparrua txikia, ahula eta hauskorra dela badakigu. Hala ere, asko gara eta jende askorengana heltzen gara”.
Hekimeneko zuzendaritzak zortzi kide ditu eta honakoak dira: Argia, Berria, Euskal Irratiak, Gaur8, Gazteberri, Hamaika Telebista, Tokikom eta Xaloa Telebista. Iban Arantzabal Tokikom-eko zuzendaria izango da Hekimeneko presidentea.
Duela bi urte hasi ziren euskal hedabideak harremanak lantzen, bizi zuten “egoera gaitzak” bultzatuta. Denbora horretan, Gipuzkoa Berritzen egitasmoaren laguntzarekin, lanean aritu dira eta Hekimen elkartea da horren fruitua “euskararen hiztun komunitateak behar duen eremu komunikatibo sendoa garatzera” datorrena.
“Desafioak ez dira makalak –dio Hekimenek zabaldutako oharrak–. Esate baterako, egunotan ari da eratzen Eusko Jaurlaritza eta haren ordezkariekin harreman finkoa bideratzeko asmoa dugu. Serio berba egin beharko dugu dirulaguntzez, publizitate instituzionalaz, mintzakidetza iraunkorraz, eta abar. Uda aurretik, Jarduneko Jaurlaritzarekin eta EAEko hiru diputazioekin osatuta utzi genuen elkarrizketa mahaia, eta lan eremu hori emankorra izan dadin egingo dugu lan. (...) Administrazioa, hezkuntza eta hedabideak zutabe funtsezkoak dira hizkuntza garapenean. Baliabideei dagokionez, administrazioan eta hezkuntzan indar handia jarri da azken hamarkadatan, euskarazko hedabide publikoetan ere bai. Baina askoz gutxiago hedabide ez publikoetan. Euskal gizarte moderno eta kohesionatua eratzeko, garaia da azken hamarkadetan sortutako gizarte hedabide sare zabala behar bezala babesteko”.
Hekimenek azaldu du bera osatzen duten hedabideak gogor ari direla lanean “XXI. mendeko Euskal Herri euskaldun eta modernoa” izateko. Aurrera begira erronka ugari aurreikusten dituzte eta horiei erantzuteko, besteak beste, Euskal Hedabideen Behatokia sortu nahi dute; bertan bilduko lirateke Hekimen bera, unibertsitateak, erakundeak eta hedabide publikoak.
“Ilusioz dator Hekimen, garai berriak bizi ditu euskal gizarteak eta gure ekarpena egitera gatoz, bizi dugun egoera gaitzari bakarrik baino elkarrekin hobeto erantzungo diogulako”.
Iruñeko Arrosadia auzotik pasatzen naizen aldiro sartzen dut burua Santa Marta kaleko tailerrean. Hor da Montse normalean: potetxoan pintzela sartu, trapu batean ia pintura dena kendu eta pintzela mihisean igurzten, begiztan. Bere espazio-denboran sartu naiz gaur eta... [+]
Iruñerriko Laneko Autodefentsa Sareak The Champions Burger jardunaldian langileek pairatzen dituzten lan-baldintza kaxkarrak salatu zituen aurreko astean The Champions Bugerrek langileak esplotatzen ditu lelopean.
Aldarri eta kanpaina, lege, arau, plan eta aurrekontu, babes-mekanismo eta zigor-makinaria oro gorabehera, etenik gabe jarraitzen dute kasu gogorrek eta jokabide zitalek betetzen albistegiak, tantaka zein zaparradan, eta gizon-desmasiak salatzeko protesta-ekintzek,... [+]
Ikasi berri dugu Earl Tupper jaunak Floridako Orlandon, 1947an, sortu zuen mila koloretako ontzi enpresa peko errekara doala, desagertzeko zorian dela, preseski. Badirudi plastikoak konkurrente larriak dituela, adibidez, linean egiten diren salerosketena edo erabilpen bakarreko... [+]
Gisèle Pélicot-en kasuak bortxaketetatik haratago dagoen arazo bat erakusten du: gizonezkoon konplizitatea indarkeria matxistaren aurrean. Kezkagarria ez da soilik erasoa, baizik eta, gertatutakoa jakinda, egoera ez salatzea erabaki zuten gizonen isiltasuna... [+]
Gaur egun, gure munduan eraiki diren hierarkia guztiak mundu mailako kolonizazio prozesu baten emaitza dira. Menderatze-hierarkia global horiek elkarren artean txirikordaturiko beste hierarkia zehatzagoek osatzen dituzte, hau da, klasekoek, etnikoek, estetikoek, eta baita... [+]
Directa-ren ikerketa batetik abiatuta ezagutu dugu iruzurra. Bartzelonan egiten ari den belako Amerika Koparen antolatzaileek argitaratutako audientzia eta bisitari kopuruak faltsuak dira. Gaia garrantzi sozial eta politiko nabarmena izaten ari da, faltsututako datu horiek izan... [+]
Maule, 1892. Zaraitzu ibarreko zortzi emakume espartingile Zuberoako hiriburutik etxera abiatu ziren, baina bidean, Larrainen, elurteak harrapatuta, hotzak hil omen zituen denak. Zortzietatik zazpiren izenak iritsi zaizkigu: Felicia Juanko, Felipce Landa, Dolores Arbe, Justa... [+]
Sortzez Hazparnekoak (Lapurdi) ez badira ere, berrogei urte baino gehiago daramatzate Étienne Arburua haltsuarrak eta Cathy Arrotcarena hoztarrak Hazparnen bizitzen, eta urteak dira elkar ezagutzen dutela. Itsuak dira biak, eta larunbatero Angelura (Lapurdi) joaten dira... [+]
Urriaren amaieran Calin (Kolonbia) egingo den Biodibertsitateari buruzko COP16 biltzarra mugarri izan daiteke, lehen aldiz ekosistemen galera jarri nahi delako CO2 isurien eta berotze globalaren arazoen mailan. Baina noiz utzi zion horrela izateari?
Irailaren 17ko astean, Israelgo lehen ministro Benjamin Netanyahuk erabaki zuen Hezbollah-rekin Libanon zuen misil trukea beste maila batera eskalatzea, eta erabateko gerra hastea.
Ez bazara gai ikusteko palestinarren belaunaldi ugariri Israelek egindako gehiegikerien eta Hamasen krimenen arteko lotura kausala, ez duzu arrastorik ere giza izaerari buruz.