Adinduen %30 edo %40 urtean behin gutxienez erortzen dira etxean. Erorketa horiek izaten dira 65 urtetik gorakoen ospitaleratzeen %50en zergatia.

Manchesterko Unibertsitateko (Erresuma Batua) ikerlari talde batek garatu duen teknologia alfonbretan txertatu daiteke, eta horren bidez adinekoen ibilerak aztertu. Alfonbraren azpian zuntz optiko plastikoak jartzen dira, eta inork alfonbra zapaltzen duenean zuntzak flexionatu eta pertsonen ibiltzeko era “kartografiatzen” dute. Alfonbraren ertzetan dauden sentsore elektronikoek kartografiatutakoa bidaltzen dute ordenagailura.

Ordenagailuan zapaltzean sortzen diren irudiak aztertu daitezke, eta aurreikuspen gisa era egokian ibiltzeko aholkuak eman. Pertsona bat erori bada eta erorketa aurretiko urratsak kartografiatu badira, erorketaren arrazoiak ere ondoriozta daitezke batzuetan, beti ere erorketa ibiltzeko eraren ondorio izan bada.