Migrainak zerk sortzen dituen jakitea ezinbestekoa da ezgaitzailea den buruko min berezi hori saihesteko. Migrainak izaten dituztenek ondotxo dakite ez dela buruko min sinplea. Badira gorakoekin hasi eta zorabiatzera iristen direnak; beste batzuek inurridura-sentsazioa izaten dute gorputz-adarretan eta mihian, hitz egiteko zailtasunekin; beste batzuei ikusmena lausotu egiten zaie, eta begia argi distiratsu txiki eta arraroz betetzen zaie. Eta badira sintoma horiek guztiak batera jasaten dituzten pertsonak ere, buruko edozein mugimendurekin, edo argiaren aurrean besterik gabe, mina areagotzen zaiena. Horregatik, gela ilun batean ohean etzatea izaten da gaixoarentzat “atakea” pasatu arte irtenbiderik egokiena, eta ia bakarra.
Adituek diotenez, trastorno horrek oinarri genetikoa du: badira migraina jasateko aurrejoerarekin jaiotzen diren pertsonak, eta ez dago horren kontrako antidotorik. Baina posible da migraina atakeak denboran zehar bakandu eta berandutzea, esperientziak egiaztatutako faktore abiarazleak baztertuz.
Horixe gertatzen omen zaie beren atakeak goizean, ohetik jaiki bezain laster izaten dituzten gaixo askori. Neurology aldizkarian argitaratutako ikerketa batek dioenez, apneak eragindako oxigenazio eskasak –gaixoa lo dagoen bitartean arnasketa geratu egiten da, edo oso azalekoa izaten da segundo edo minutu batzuetan, hainbat aldiz orduro– buruko mina ekarriko luke. Kasu horietan, apnea tratatzen ez bada, migraina atakeak behin eta berriz errepikatuko dira.
Arrazoi hori susmatu behar da migraina bazkal edo afalostean agertzen bada. Horrela gertatuz gero, apunta ezazu zer jan eta edan duzun horietako kasu bakoitzean. Histaminak, adibidez –ardo beltzean, gazta eta platanoetan dagoena, besteak beste– edo kafeinak berak ere erreakzio mingarri hori eragin dezakete.
Agian estresaren ondorioa besterik ez da. Migraina gertakariak batez ere gauez agertzen badira, buruko min tentsionaltzat hartu beharko lirateke horiek agian, migraina baino gehiago zentzu hertsian. Kasu horietan, antsietatearen eta estresaren ondorioz, lepoko, matrailezurreko edo baita buruko ile-larruko muskuluen zurruntasunak eragingo lukete migraina. Begi-bistakoa den bezala, erlaxatzeko teknika eta prozedurek arazoa konpontzen lagunduko dute.
Hiru emakumetik bati gertatzen zaio. Obulazioaren aurretik estrogenoen maila jaisten bada, odol-hodiak inflamatzen dituzten proteina batzuk aktibatzen dira; nerbioen sentiberatasuna areagotu egiten da eta mina agertzen da. Horrelakorik gertatzen bazaizu, esaiozu medikuari, diagnostikoa egiterakoan eta tratamendua agintzerakoan kontuan har dezan.
Pertsona askorentzat oso lagungarriak izaten diren hainbat teknika daude, mina arintzen dutenak. Horietako bat masajeak dira. Erpuruarekin eta hatz erakuslearekin sakatu sudur gaina; ondoren eman masajea bekainetan, horien berezko formari jarraituz, eta amaitzeko egin lokietan zirkulu modukoak, hatzekin presionatuz.
Tentsioa gutxitzea da beste bide bat. Itxi eta ireki begiak, sakatu eta bultza mihia aho-sabaiaren kontra, egizu irribarre aurpegiko muskuluak ahalik eta gehien behartuz. Era horretan aurpegia destentsatu egingo da, migraina bera ere arinduz.
Eta hori, larunbata zela atzo, eta ez igandea. Kosta zitzaion egunari argitzea, aurreko egunetan baino dezente jende gutxiago zebilen kalean, eta presa gutxi nabari zen. Batzuk laster batean bai, Kursaalera eta Victoria Eugeniara gerturatu zirela, lehen areto horretan ematen... [+]
Patricia López de Arnaiz gasteiztarrak aktore onenaren sari nagusia irabazi du Donostiako 72. Zinemaldian, Pilar Palomerok zuzendu duen 'Los destellos' filmean egindako lanagatik.
Eider Rodriguezen 'Bihotz handiegia' liburuko lehen narrazioan... [+]
Andrés Roca Rey toreroaren egunerokoaren hainbat pintzelkada ematen ditu Tardes de soledad zintak, besteak beste, hotelean eta hoteletik zezen-plazarako bidean eginiko elkarrizketak edo janzte aldiko uneak, eta plazan zezena nola sufriarazten eta hiltzen duen erakusten... [+]
Munduko gizon aberatsenetakoa den Elon Muskek bultzatzen du America Pac ekimen politikorako batzordea, The Guardian-ek jakinarazi duen arabera. Bere zeregina da AEBetako hainbat estatu giltzarritan Donald Trump-entzat botoak biltzea.
Israelek jarraitzen du Libanoko hegoaldeari eta Beiruteko hainbat auzori airez eraso egiten eta, nazioarteko eragileen deiak gero eta handiagoak badira ere, oraingoz ez da su-etenerako aukerarik ikusten.
Palestinako Agintaritzaren segurtasun-indarrek rol aktiboa dute erresistentziako kideen kontra: jazarpena, lapurretak, boikotak eta abar aipatu dituzte, beste behin ere.
Nottinghameko Unibertsitateak Anglosaxoiei eta Vikingoei buruzko Ikasketak masterrari izena aldatu dio: Ingalaterrako Goi Erdi Aroko Ikasketak. Cambridgeko Unibertsitateko Anglo-Saxon England Journal aldizkariari ere izen aldatu zioten lehenago: Early Medieval England Journal... [+]
New York, 1970eko apirilaren 2a. New York Herald egunkariak Victoria Woodhull (1838-1927) ekintzaile eta brokerraren eskutitz bat argitaratu zuen, 1872ko AEBetako presidente hauteskundeetarako hautagaitzaren berri emanez. Inoizko hautagai gazteena zen; 34 urte izango zituen... [+]
Datorren urtarrilaren 11n Bilbon Sare Herritarrak deitutako mobilizazioaren leloa “Behin betiko konponbidea” izanen da, eta urtero bezala milaka lagunen babesa espero du Sarek.