Wexler enpresak lehen irakurgailu malgua komertzializatu du, oraingoz Errusian. Egia da ezin dela egunkarien antzera lauzpabost tolesturatan bildu, baina ildo horretan lehen urratsa izan da. Flex One izeneko irakurgailuaren pantaila LG enpresa korearrak ekoiztu du.

Irakurgailuaren bereizmena 1024 x 768 pixelekoa da eta 15,1 zentimetroko altuera, 13,4 zentimetroko luzera eta lau milimetroko zabalera ditu. Bateriak bi asteko autonomia du eta, iPad motako tabletetan ez bezala, tinta elektronikoaz baliatzen da hizkiak erakusteko; beste hitz batzuetan esanda, tinta karga elektrikoek sortzen dute. Karga horiek erakartzen direnean pantailaren lehen mailara ekarri eta ikusgai gertatzen dira, eta beste batzuetan kargak urrutiratu, pantailaren azken ilarara bidali eta ikusezin bilakatzen bidaltzen dira.

Flex One-n tolestura gaitasuna ez dela handia aipatu dugu arestian, baina nahikoa da kolpeei beste edozein irakurgailu baino erresistentzia hobea izateko.