ELA eta LABen arteko konponezina gainditu beharra
LAB sindikatuak 45.000 afiliatu ditu, Euskal Herriko lurralde guztietakoak. Duela lau urte baino ordezkaritza zabalagoa du orain. Joan den astean zortzigarren biltzarra egin du Eraiki dezagun. Orain da garaia. Langileon Euskal Herria leloarekin. Biltzarra egin da gizartean eta politikan testuinguru garrantzitsua dagoenean. Finantza eta ekonomia krisia larriagotzen ari da langabezia, pobrezia, bazterketa soziala eta marjinazioa handitzen ari diren heinean. Era berean, gobernuek eta euren medioek sindikalgintza abertzalearen kontrako mezuak jaurtitzen dituzte. Eszenatoki politikoa aldatuz doa, ezker abertzalea sartzen ari baita Gipuzkoako Aldundia eta Donostiako Udala gisako erakunde garrantzitsuen gobernuan, eta Sortu ere legalizatu egin dute.
Testuinguru horretan, jadanik hainbat greba sustatu dituen sindikalgintza abertzaleak, zeregin asko dauka oraindik eredu ekonomiko, politiko eta sozial berriaren alde egiteko, beste fronte batzuek arbuiatzen duten Euskal Herriaren subiranotasunaren errespetutik, gainera. Norabide horretan, LABen biltzarrak aliantza tekniko-estrategikoa proposatu du sindikalgintza abertzalean, beharrezkoak diren aldaketa politiko eta sozialek funtsezko zutoinak izan ditzaten. ELA eta LABen arteko ekintza bateratua hautsi egin da azken hilabeteetan. Biltzar honen ondoren, konponezin hori gainditu behar da. Bi sindikatu abertzaleen artean 150.000 afiliatu baino gehiago dituzte, aktibo garrantzitsua da. Sindikatuek eszenatoki honetan izan behar duten paperaz eta estrategiaz adostasunera iristea, Euskal Herriko etorkizunari egin dakiekeen ekarpen politiko onena litzateke. Horretarako, protagonismo oro albo batean utzi eta kapitalismoaren kontra zuzenean borrokatu behar dute.
B&B Trends lantegiaren jabeak iragarri du hartzekodunen konkurtsoan jarri duela lantegia, "ondare desegonkortasuna" argudiatuta.
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
Armagintzari loturiko Hego Euskal Herriko “enpresa, zentro edo erakundeak” hirukoiztu egin dira azken hamabost urteetan, Gasteizkoak talde antimilitaristak hurrenez hurren 2008an eta 2024an egindako ikerketen datuek azaleratu dutenez. Aurkeztu berri duten... [+]
ELB sindikatuak ardien mihi urdinaren eritasuna pairatu dutenendako elkartasunera deitzen du. Abendu hastapenean,departamenduko 650 ardi etxalde hunkiak izan dira. Kasu zenbaitetan, hamarka ardi galdu dituzte hazleek, bereziki marroak. Etxalde batzuek erraterako marroen %80... [+]
Grebak 27 egun iraungo ditu, urtarrilaren 6 arte. Gutxieneko soldata kobratzeko “365 egunez eta 24 orduz” lan-baldintza “jasanezinetan” lan egiten dutela salatu dute, eta lanaldiaren benetako zenbaketa egin dezan exijitu.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
Gaurko egunez, duela 50 urte, Euskal Herriko langile mugimenduak bere historiako kapitulu garrantzitsua idatzi zuen. Hegoaldean 200.000 langilek greba orokorra egin zuten erregimen frankistaren aurka. Mobilizazio hark argi utzi zuen Euskal Herriko mugimendu antifrankista... [+]
Bezperako zentsura mozioa dela medio, Frantziako Gobernua erori izanak ez ditu herritarrak etxean geldiarazi eta jarraitua izan da CGT, CFDT, Unsa, FSU, Solidaires, CFE-CGC eta FA-FP sindikatuek, baita LABek ere deituriko greba eguna.
Frantziako Gobernuaren aurrekontu proiektuan Gizarte Segurantzan egitekoak dituzten murrizketak salatzeko mobilizazio eguna dute ostegunean. Manifestazioa abiatuko dute 10:00etan Baionako geltoki aitzinetik. Bezperan, zentsura mozioaren alde eman dute botoa Frantziako... [+]
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]