Desio naiz, desio haiz, desio du, desio dugu...
Ase ezina izaki desioak abentura eskatzen du, eta abenturak jakinmina. Jakinminak bereizten ditu zonbiak eta gizaki bizidunak, ez oroz gainetik lehenesten den ziurtasunak.
Bai, esadazu ziurtasun ezak dakarrela askatasuna.
Gure muga handienak ez daude ez poliziarengan, ez estatuan, ez Nazioarteko Diru Funtsean: gugan daude. Amildegiaren aurrean beldurtuta gaude, baina ez gaitu amildegiak ikaratzen, leku ezezagunetara iristeko hegan egiten ikasteak baizik.
Horixe bakarrik behar genuen: hegan egiteko ikastaroetan izena ematea!
Gizarte eta erlijio guztiak saiatu dira desioa deuseztatzen. Zer da kontsumoa, desioaren plazeboa ez bada? Desioa hiltzen ari gara, baina zaude ziur hurrengoa desioaren iraultza izango dela.
Krisiaren plazeboak izango zarete zuek. Garaiotan, disko-liburu bat ateratzea ere...
Erori behar badugu izan dadila hogeigarren pisutik. Lehenbizikotik jausita 2.000 ostia hartu behar dira hiltzeko.
Musikarien egoa 20. pisua baino gorago dago, konpai!
Bost lorek autoestimua igotzen dizute, baina hogeirekin lerdotzeko arrisku gorrian zaude. Hankak lurrera iristen ez zaizkizunean sartzen duzu hanka. Gizakia hobeto prestatuta dago kritika negatiboei aurre egiteko gehiegizko loreak jasotzeko baino.
Orain ulertzen dut zergatik...
Musika eta mendia dira nire bi pasioak eta askoz lagun gehiago hil zaizkit musika munduan mendian baino. Esan dezatela alpinismoa arrisku handiko kirola dela!
Baina itxura batera hain zarete bereziak, hain guaiak, hain jatorrak, hain benetakoak, hain...
Ez sekula nahastu artista baten ageriko obra bere eguneroko izaerarekin. Nire musikari kuttunenak putaseme batzuk dira bizitzan, baina niri bost, inporta zaidana ez baita zer diren, zer egiten duten baizik.
Eskerrak zu oholtzara igo aurretik transformatzen zaren!
Artista askok diote: “Ni berdina naiz oholtzan eta tabernan”. Oso ongi, orduan tabernan ikusiko dugu elkar. Niri ezinbestekoa zait transformatzea, egoa kamerinoetan uztea. Egoa gure buruari jartzen diogun muga sorta baita.
Ongi kontatutako gezurra ere ederra dela, alegia.
Kontzertuak errito garaikideak baizik ez dira, eta gu jendeak bere kaka guztia ateratzea ahalbidetzen duten txaman modukoak.
Bai ikastetxeek antolaturiko eskolaz kanpoko jarduerek, bai aisialdiari loturiko ekintzek eta udalekuek desgaitasunen bat duten haurrak kanpoan uzten dituzte maiz, eta hain justu, jarduera horiek bereziki onuragarriak dira premia bereziak dituzten haurrentzat. Hala dio... [+]
Euskal hizkuntzalaritza esperimentaleko katedra berria estreinatu dute Baionako fakultatean.
"Gerra inperialistaren eta Europako estatuen berrarmatzearen aurka" mobilizatuko da Langileon Nazioarteko Egunean.
Aitzindariak elkartea Aitzina Biga ikuskizuna prestatzen ari da. Ehun parte-hartzailetik gora izango dira dantzan, musikan, antzerkian, kantuan eta bertsotan apirilaren 19an Maulen aurkeztuko den ikuskizunean. Uztaila bitarte, beste lau emanaldi izango dira: Miarritze, Arrasate,... [+]
Antidepresiboen kontsumoa aztertuta, Euskal Autonomia Erkidegoan COVID-19aren pandemiak sintoma depresiboen intzidentzia handitu zuela ondorioztatu du ikerketa batek. Halaber, azterlanak nabarmendu du herritarren osasun mentala arazo fisikoekin batera artatzearen garrantzia, bai... [+]
Frantziako legebiltzarrean Errepublikanoek eta Batasun Nazionalekoek egindako zuzenketen harira dator erabakia. Zuzenketak onartu dituzte, eta, beraz, Euskal Hirigune Elkargoak emisio gutxiko eremua ezartzeko gastu ekonomikorik ez egitea erabaki du.
Pasa den asteko "kaleratze ilegala" salatu dute hainbat herritarrek, ostiral arratsaldean.
Jauzi Ekosizialeko kideek antolatzen duten bigarren edizioa da. Euskal Herriko trantsizio ekosozialak "inoiz baino premia handiagoa" duela adierazi dute, "datozen aldaketa sakonen aurrean trantsizio justua nahi bada".
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
Parisko Auzitegi Korrekzionalaren arabera, 2,9 milioi euro desbideratu zituen Frantziako RN Batasun Nazionalak 2004 eta 2016 artean. Le Penez gain, alderdiko beste 24 kide ere errudun jo dituzte. Helegitea aurkeztuta ere, RNko buruzagia ezingo da aurkeztu 2027ko Frantziako... [+]
Hego Euskal Herriko lau hiriburuetan egin dituzte manifestazioak. Israelek Palestinan egin duen eta aurrera daraman genozidioarekin kolaboratzen duten enpresei laguntza publikoa emateri uzteko eskatu diete Nafarroako Gobernuari eta Eusko Jaurlaritzari.
Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.
Joan den ekainaren amaieran bukatu genuen Conversión de la industria militar en Euskal Herria para no fabricar más guerras (Armagintza industriaren moldaketa Euskal Herrian, gerra gehiago ez sortzeko) liburuaren lehenengo zatiak Gerra badatorrela! du izenburu, bertan... [+]
Iruña-Veleia auzia “behin betiko” argitzea eskatu dute martxoaren 30ean, Gasteizen egindako manifestazioan. Iruña-Veleia argitu, ez suntsitu plataformak aztarnategian egindako “txikizioak” salatu ditu eta Arabako Foru Aldundiaren ardura... [+]
Etxebizitza eskuratzeko orduan pertsona arrazializatuek eta migratzaileek jasaten duten bazterketa sistematikoa salatu dute Gasteizen, agerraldi baten bidez. Apirilaren 5ean Donostiara bertaratzera deitu dute, etxebizitza-eskubide unibertsalaren alde.