Hezi ala domestikatu?
Non ikasi dituzu ulertzen dituzula uste dituzun gauzak? Itxura guztien arabera, dakizkigun gauza gehienak ez ditugu eskolan ikasi, ez lau paretako eskolan, behintzat. Zer esanik ez, benetako bizitzarako –egunero aurre egin behar diogun horretarako–, behar ditugunei erreparatzen badiegu. Bizitzako eskola ona omen, onena, dudarik gabe.
Eskolaren jiran gabiltza herritar gehienok: batzuek ikasle, besteak guraso, ofizioz hainbat, afizioz edo bokazioz beste zenbait: bietatik asko, desio.
Zer espero dezakegu eskolatik? Zer eskatu behar diogu eskolari, hortaz? Hamaika galdera piztu zaizkit buruan. Azken aldian, zorionez, parean tokatu zaizkidan hitz-aspertuek eragina izango zuten, akaso: hezitzaileen ofizioa batzuetan, eskolaren eginbeharra besteetan, eskola hobetzeko hezitzaileek egin beharrekoa, eskolak jendartearekin izan beharreko harreman ezinbestekoa... Galdera bati heldu orduko segidan bestea atzetik. Galdera guztiak bezala: egiteko errazak, erantzuteko zailak. Hausnarketa batetik bestera jauzi egiteko aukera eskaini didate, gutxienez.
Gehienok nahiko genuke eskolak ikasle kritikoak, parte-hartzaileak, iniziatibadunak eta irizpidedunak heztea. Ezagutuko duten munduan ibiltzeko eskuetan jarri ahal izango dizkiegun tresnarik baliotsuenak izango dira, dudarik gabe. Eskolak eragin dezake, baina ezin diogu dena egiteko eskatu.
Eta hezitzaileok? Zilborrari begira ere banago. Gure ikasle izandakoei galdetuko baliete zenbatetan sentitu gaituzten hezitzaile eta zenbatetan hezkuntza profesional, zer esango ote lukete?
Ederra da eskua luzatu eta bidean laguntzea, ikertzen, mundua eta nork bere burua ulertzen laguntzea, egia osoen eta jakintzaren jabe bagina bezala ez aritzea; ez baikara. Gure lanak ez lituzke inola ere ikasleak domestikatu behar, mesede eskasa egingo genieke hala egitekotan. Izan ere, ez baita gauza bera heztea eta domestikatzea. Hausnarketa sakona mereziko luke horrek, gure lanak eta jarrerak zenbat ekartzen dion batari eta zenbat besteari kontziente izan gaitezen.
Hezitzaile izateak gure jendartearekin eta inguruarekin konpromiso soziala eta etikoa izatea esan nahi omen du. Izan ere, heziketaren parte bat eskolak egin ahal izango du, baina ezingo du ordezkatu, inola ere, jendarteak egin beharrekoa. Funtsezkoa da ikasgela mundu egitea eta mundua ikasgela. Zerbaitegatik dio, jakituria handiz, afrikar esaera zahar batek: “Haur bakoitzaren heziketa tribu osoaren lana da”.
Azaroaren 5ean epaituko dituzte Barakaldoko epaitegian. “Kapitalismoaren logikatik kanpo” dagoen alternatiba bat sortzeagatik okupazio mugimendua “kriminalizatu eta zigortu” nahi dutela salatzen dute gaztetxeko kideek. Txirbilenea Kulturgunearen hustearen... [+]
Amnesty Internationalek jakinarazi du azaroaren 2an Teherango Unibertsitateko ikasle bat atxilotu zutela arropa kentzeagatik. Barruko arropatan gelditu zen neska, Irango janzkera kode islamiar zorrotzaren aurka protesta egiteko.
Han eta hemen entzun eta irakur daitekeenez, azken hamarkadetako lehiarik estuena aurreikusten da AEBetako hauteskunde presidentzialetan, Donald Trump eta Kamala Harris hautagaien artean. Azaroaren 5ean, asteartez egingo dira bozak. Emaitzak Euskal Herrian gauerdia denean hasiko... [+]
Urriaren 24tik Espainiako Estatuko hedabide guztietako lerroburuak eman dizkiote Iñigo Errejóni, eta maiztu arte erabili dute haren izena, ezker-eskuin. Gutxitan ikusten den zarata mediatikoa lortu du, eta badirudi oihartzunak luze jarraituko duela. Orain... [+]
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Jokoteknia Bideojokoen Euskal Jardunaldiaren zazpigarren edizioa azaroaren 9an (larunbata) egingo da Bilbon, Euskararen Etxean, 09:45etik 13:00etara. Jokoteknia jardunaldietan euskal bideojokogintza industriako aditu eta jokalariak batera jarri ohi... [+]
Urriaren 31tik azaroaren 2ra Gazte Koordinadora Sozialistak eta Ikasle Abertzaleak-ek Gazte Topagune Sozialista egin dute Altsasun (Nafarroa). Europan eta Euskal Herrian hedatzen ari diren “proiektu atzerakoiak” jarri dituzte jomugan eta joera horiei ez dietela... [+]
Ostiral gauerdian atzeman zituen Ertzaintzak ustez langileak ilegalki zeramatzan bi furgoneta, Ertzaintzak uste du Europako beste herrialde batera bidean zirela, han lan egiteko. Atxilotutako gidarietako batek hamar pertsona zeramatzan furgonetan eta besteak 22.
Turkiaren ekimena babestu dute nazioarteko herrialde ugarik, gehienak arabiarrak edo islamiarrak, baita Hegoafrika, Brasil, Kuba, Errusia, Norvegia eta Vietnamek ere, besteren artean.
Ugariak dira Dana denboraleak Valentzian eragin duen hondamendiaz egin diren irakurketak. Beste faktore batzuen artean, gizakiak naturari ebatsitako eremuez luze mintzo dira hedabideak, ibai eta itsaso ertzak hormigoiarekin betetzeak duen arriskua dela-eta. Hormigoiarekin... [+]
Kasu Hegoaldeko begirada horri. Lehen-lehenik desmitifikatu larre berde, etxe zuri eta teila gorrien lur ederrekiko miresmen itsua, halako maitasun inkondizionala, hizkerari eta ustezko bizitzeko manerari loturiko fetitxismoa. Utz, Ruper Ordorikari sarri entzun gisan,... [+]
Korrika eta presaka ekarri dute megafonoa. Hau onartezina da. Hau ezin da onartu. Denok batera oihu egin dezagun, ezin dugu honela jarraitu. Zurean ere sartu direla? Bai arrazoi duzu, jo ditzagun txaloak zuretzat. Hurrengo astean hemen batuko gara denok eta aurre egingo diegu,... [+]