Mariano Rajoy Espainiako presidenteak astean zehar egokitzen diren festa egunak, ahal denean, astelehenera eramateko asmoa iragarri du. Eta Espainiakoa ez da jai egunei buruzko kezka agertu duen estatu bakarra krisi garai honetan.
Johns Hopkins Unibertsitateko astrofisikari eta ekonomialari batzuek jai egunak urtetik urtera aldatzen ez diren egutegia sortu dute. Hilabete gehienak 30 egunekoak izango lirateke, martxoa, ekaina, iraila eta abendua izan ezik, horiek 31 egun izango bailituzkete. Bost edo sei urtero (2015, 2020, 2026, 2032...) abenduari astebete gehituko litzaioke.
Esan bezala, sistema horren bidez beti asteko egun berdinean ospatuko lirateke jai egunak. Finantzen alorrean abantaila handiak eskainiko lituzke horrek.