"Lehen elizak liburutegiak erretzen zituen, gaur botereak gaztetxeak eraisten ditu"
Desertorea, banku-atrakatzailea, diru-faltsutzailea… Baina gizon ona.
XXI. mendean anarkista?! Mesedez...
Zer nahiago duzu, bakea predikatu eta gerra praktikatzea? Hori elizak egiten du. Nigatik sermoi gutxiago eta ekintza gehiago. Anarkista izatea arduratsua izatea da, errespeturik merezi ez duen orori errespetua galtzea.
Ene jainko potoloa!
Anarkia putetxe handi bat dela uste duzu, ala? Anarkia sormena da, lana, maitasuna. Maitasunak egiten gaitu langile, sortzaile, eta orduan hasten gara borrokatzen. Nola ez zara borrokatuko zinez maite duzunaren alde?
Hori da munduko unibertsitateetan kontatzen duzuna?
Ulertezina da. 80 urtez, ezta igeltsero gisa ere, ez zidaten unibertsitatean sartzen uzten eta orain mundu osotik deitzen didate. Ekintzaile zintzo baten bizitzak burokrata baten txosten teorikoak baino gehiago balio duela sinisten hasi beharko dugu.
“Ekintzaile zintzo”-arena metafora da, noski.
Kausa ona bada ohorea da gaizkilea izatea. Ez dakizu zer plazer den bankuak lapurtzea, inprenta klandestinoak martxan jartzea, estatuak izorratzea... Normala iruditzen zaizu inoiz kolpe zorririk jo ez dutenak izatea aberatsenak?
Kapitalismoa, my friend.
Jende batek kalean lo egiten duen bitartean Cristiano Ronaldok bizkartzain ejertzito bat dauka. Unibertsitateak langabetu fabrikak diren bitartean, telebistan ipurdia erakutsiz desafinatzen dutenak milionarioak dira... Jarraitzea nahi duzu?
Segi, segi, lagunak egiten.
Ni ez nago aberastasunaren aurka, aberastasunaren erabilera ankerraren kontra baizik. Munduan ez dago nahiko diru denak duin bizi ahal izateko? Gauzak garbi: dirua ez da papera besterik, eta bankuak gangsterrak dira.
Denborak arrazoia emango dizu, gainera!
Zer egin zuten orain urte bi Estatu Batuek dolarrak behar zituztenean? 60 tona billete ekoitzi eta zirkulazioan jarri! Hori guk aspalditik egiten genuen. Hori bai, ez dut uste Obama kartzelan sartu nahi dutenik...
Zu presidente izan bazina ez zintuzten sartuko.
Bizitza kontraesan handia da. Gutxien merezi duenak dauka boterea. Ez da besteak baino hobea, baina bizitza guztia darama helburu horren atzetik. Boteretsua izatearekin egiten du amets, nik lanera joan eta mundua aldatzearekin.
Rokero zaharrak ez dira inoiz hiltzen, baina anarkista zaharrak ere...
20 urte banitu, okupen mugimenduan, gaztetxeetan, tailer libertarioetan... ibiliko nintzateke. Ikusi besterik ez dago. Lehen elizak liburutegiak erretzen zituen, gaur botereak gaztetxeak eraisten ditu.
HezkuntzArtea Irakasleen Elkargunea sortu du EAEko irakasle talde batek. Hezkuntza politiken “noraeza” salatu nahi dute, politika horiek etengabeko metodologia berrietan, “burokrazia ikaragarrian” eta IKTen “erabilera zentzugabean”... [+]
Iaz jarri zuten martxan lehenengoz Alde Zaharrean Jantoki Herrikoia. Auzokoak elkartu eta mahaiaren bueltan konpainian bazkaltzea da gakoetako bat. "Auzotarrak elkarren artean ezagutu eta komunitatea sortzea da gure nahia", azaldu du AZ Ekimeneko kide Asier... [+]
"Nola sustatu haurren parte-hartzea ekintza komunitarioen bitartez" ikastaroa emango du otsailean Iruñean Naiara Martin Gomezek (Elgoibar, 1982). Pedagogian graduatua da eta Atxutxiamaika Saileko arduraduna. Izen-ematea irekita dago UEUren webgunean. Ikastaroaz... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
2024ko balantzea egin du Irungo Harrera Sareak. Aurreko urtearekin alderatuta saretik migrante gehiago pasa dira, eta Gautxori taldearen harrerak laukoiztu egin dira. 6.000 pertsona inguru artatu dituzte guztira.
Berlingo mobilizazio komunista tradizionala, Palestinarekiko elkartasunak markatua, bortizki zapaldu zuen Poliziak: kargak, ospitaleratutako zaurituak, atxiloketak, manifestarien inguraketa metro-geltoki batean eta abar.
EH Bai koalizioak babesturiko Ahetzen zerrenda gailendu da bozen bigarren itzulian, joan den igandean, botoen %44 erdietsirik.
Irailetik Venezuelatik alde eginda egon ondotik, eta azken asteotan Hego Ameriketan kanpaina kutsuko bira egin ostean, hauteskundeetara aurkeztu zen Edmundo Gonzálezek hitzemana zuen Caracas hiriburuan agertuko zela Nicolas Madurok kargua hartuko zuen egunean. Bere... [+]
Lapurdiko Makean egin du Euskal Selekzioa Orain elkarteak lehenengo biltzar nagusia. Iazko udan Frantziako selekzioarekin jokatzeari uko egin ziotela iragarri zuten Ipar Euskal Herriko hamabost pilotarik osatzen dute gaur gaurkoz ekimena, zeinak helburu duen, besteak beste,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
Euskadiko Selekzioa lortzea, ezbairik gabe, lorpen historikoa izan da. Baina horretan geratzen bada, euskaldun askorentzat –ni barne, nafarra bainaiz– egunik ilunena eta tristeena izango da. Lehenengo egunetako poza eta berotasuna gozatu ondoren, itzul gaitezen... [+]
Entzumen eta hizkuntza irakasleak (EHI) eta logopedak eskola publikoan zein kontzertatuetan lan egiten duten irakasle espezialistak dira. Horien funtzioen artean hizkuntzan eta komunikazioan zailtasunak dituzten ikasleei arreta zuzena ematea da, baina baita komunikazio sistema... [+]