Batasun bidean
Love’s Labour’s Losten utzi zuen idatzia William Shakespearek Nafarroak harritu egingo zuela mundua (Navarre shall be the wonder of the world), eta kostata baina badirudi ekin diola bide horri. Sabino Cuadra eta Uxue Barkos, Nafarroaren izenean Espainiako gorteetan bi diputatu abertzale izatea amestu ere ez zuten egin Arturo Kanpionek edo Manuel Irujok. Bi abertzale nafar, euskaldunak gainera, 13ko talde zabal baten barruan, euskal abertzaletasunak sekula lortu duen marka onena. Baina abertzaleentzat azkenean emaitza ona izan bada ere, kostatako garaipena izan dela ezin da ukatu. Euskal abertzaletasunak, Nafarroan zein gainerako lurraldeetan, asignatura bat gainditu beharra dauka beste edozertan hasi baino lehen: argi eduki behar du zein den benetako arerio politikoa. Elkarren artean mokoka dabiltzan bitartean, jai dute. Etxe barrukoa auzokoa baino gorrotoago duten bitartean, ez dago zereginik. Eta pekatu larri horretatik ez da inor salbatzen, ez behintzat alderdi politikoak.
Herritarrek erakutsi beharko diete. Ari dira dagoeneko bidea erakusten. Batasuna bultzatuz gero, saria, eta hortxe Amaiur horren lekuko. Eta batasunari muzin eginez gero, zigorra, eta hortxe Nafarroa horren lekuko, nahiz eta bi diputatu abertzale izan. Hautesleek herri asko eta askotan Geroa Bai jarri dute Amaiurren aurretik (Iruñean bereziki), alderdien aparatuei erakutsiz indar-metaketa eta sigla-pilaketa ez dela gauza bera. Denek ikasi beharreko lezioa: bai sigla batzuen indarrez mundua jango zutela espero zutenek, baita ia-ia eskainurik gabe gelditzeko zorian egon direnek ere.
Esango didazue EAJk ez zuela batasuna bultzatu, eta ez duela aparteko zigorrik jaso. Baina EAJn badakite gehiegi bizkaitartzen ari direla, nahiz eta galera nagusia (diputatu bat) Gipuzkoan jaso. Egibarri errua botatzeko ohitura dute Sabin Etxean, erradikalegia omen delako, baina Bizkaian Amaiurren sarea zabaltzen ari zaie, bai Durangaldean zein Lea-Artibai eta Gernikaldean, Bilbora gero eta gehiago hurbilduz. Hortxe dauka Amaiurrek koska: hiriburuetan (Donostia salbu). Batasuneranzko bidean sakontzea beste aukerarik ez daukate abertzaleek, benetako arerioari aurre egin nahi badiote. Behar bada. hala bai, harrituko du Nafarroak mundua
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
Zestoako Iraeta auzoko Amilibia baserria eta lurra kolektibizatzeko 100.000 euro batzea falta du Amillubi proiektuak, lehen urte honetan 290.000 euro eskuratu baititu. Biolurrek abiatutako proiektu agroekologiko honek dagoeneko jarri du lurra martxan, sektorearen beharrei... [+]
Forensic Architecture erakundearen ondorioetakoa da hori, ikusita Israelgo Armadak nola antolatu duen Gazaren egungo kontrola. Suntsiketa maila hori bakarrik litzateke Gazaren kontrola segurtatzeko, zeren eta, berez, txikitze maila askoz handiagoa da lurraldearen gainerako... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Azaroaren 26an eta 27an, Langune Euskal Herriko Hizkuntza Industrien Elkarteak eta FUEN Federal Union of European Nationalities erakundeak antolatuta, ‘Hizkuntzen irabazia. Benefits of language industry in the economy’ kongresua egingo da Donostiako Kursaalean. Han... [+]
Azaroaren 23an egingo dute tokiko arbola, fruitondo eta landare ekoizleen azoka. Horrez gain, egitarau oso indartsua prestatu dute 22 arratsaldetik hasita 23 iluntzera arte: bioaniztasunari buruzko mahai-ingurua, sagarrari buruzko mintzaldia, "Nor dabil basoan?"... [+]
Lup izeneko gailuak testuak ahots bihurtzen ditu adimen artifizialari esker. Hainbat hizkuntza bihurtzeko gaitasuna dauka. Teknologia gutxiko gailua da, hain zuzen aurrerapen teknologikoetatik urrun dagoen jendeari balio diezaion. Ikusmen arazoak dituztenentzat sortu eta... [+]
Udan izandako indarkeria kasuen gorakada batetik, eta hainbat gizonezkok mugimendu feministak antolaturiko ekitaldiak boikotatu dituztela bestetik, Bortziriak, Xareta, Azkain, Bertizarana, Malerreka eta Baztango mugimendu feministek, erakunde publikoen konpromiso irmoa exijitu... [+]
Espainiako Defentsa Ministerioaren 6 milioi euroko esleipen publikoak jaso ditu aurten enpresak. Margarita Robles ministroaren arabera, urriaren 7tik ez diote "armarik saldu edo erosi Israelgo Estatuari", baina indarrean zeuden kontratuei eutsi diete. Elbit Systemsek... [+]
Sobietar Batasuna desagertu zenetik errusofobia handituz joan da. NBEko Segurtasun Kontseiluaren 2002ko segurtasun kontzeptua oso argia da, eta planetaren segurtasun eta egonkortasunak AEBei erronka egiteko asmorik ez duen estatuen menpe egon behar dutela adierazten du. AEBei... [+]