Zerk eraman ditu Ezker Batukoak bizi duten egoerara? Arabako Batzar Nagusietan Xabier Agirre buruzagi jeltzalearen hitzak entzutean ez zen –ez da– erraza aipatzen zituen guztiak sinestea. Bereziki alderdi txiki bati buruz ari zelako, bere historia osoan ere gobernu erantzukizun handirik izan ez duena, gogoan dudanagatik bederen ustelkeriak jo izan ez duena… Eta bai, salaketa doinuekin kontu handiarekin jarraitu behar da oraindik ere, salaketa orokorrek modu desegokian inor kolpatu ez dezaten, denborak gaiok bere lekuan jarriko dituelakoan eta horren arabera, gertatutakoak hobeto epaitu ahal izango direlako. Ezin ukatu, alabaina, EBren baitan gertatzen ari direnak ikusita –salaketak, isiluneak, dimisioak, kanporatzeak…– Xabier Agirreren hitzek are eta indar handiago hartzen dutela egunetik egunera.
Zuhurtasuna eta finezia behar da salaketa zehatzak egiteko, baina gizartean klase politikoaz oro har barreiatua dagoen ikusmoldea areagotu besterik ez dute egiten halako gertaerek. Pentsatzen da urte luzeetan erakundeetan ibili den zenbait jende kolokatu egiten dela han-hemenka; diru publikoak gertukoak mesedetzen dituela askotan; sarri-sarri bankuek, enpresa handi zenbaitek eta boteretsu askok politikari asko beren atzaparretan harrapatuta dituztela; politikari askok xahutzen dutela diru publikoa, neglijentzia asko dagoela hainbat proiektutan… Are okerrago, inpresio orokorra da izeberga ikusten ari garela, horrek esan nahi duen guztiarekin…
Alfredo Perez Rubalcabaren hautagai diskurtsoa irakurrita ez da harritzekoa politikari eta agintari munduan izebergaren irudia zentzu txarrean irudikatzea. Azeria oiloarena egiten. Zapateroren gobernuan azken bi agintaldietan inor izan ez balitz, PSOEn azken 20 urteetan ibilbide luzerik izan ez balu… baina bere iraganarekin, marraztu duen etorkizuna ez da posible, ez du sinesgarritasunik. PP garaitzeko behar dena behinik-behin ez. Agian PSOEk gaur egun duen hautagai onena da Rubalcaba, baina egungo PP garaitzeko ez da nahikoa alderdiko Bildotsorik azkarrena izatea, eta are gutxiago herritarrei politikariak beste pasta batekoak direla erakusteko.
Euskal herritarron drama da biolentzia politikoaren orrialdea pasatzeko ordu historiko hori azkenean iritsi denean, Bildotso eta Otso besterik ez zaizkiola geratzen Espainian bakea egiteko. Zein ote hobe gatazka bortitzaren azken hau bideratzeko? PP ala PSOE? Raxoi ala Rugalcaba (barka akats tipografikoa)? Ezker abertzalean urteetan pentsatu izan da norbaitekin negoziatzekotan PPrekin egingo zela, berak ordezkatzen baitzituen egokien Espainiako botere faktikoak. Pentsatu bai, eta gainera ezin logikarik ukatu pentsamoldeari, baina azkenean negoziazio saiorik arrakastatsuena Zapateroren PSOErekin izan zuen, eta ez duela asko gainera. Bateraguneko epaiketan ikusi dugun bezala, saio horrek badu zerikusi sakonik egun ezker abertzaleak bizi duen egoerarekin.
Euskal gizartean, oro har, bizi den baikortasun giroaren artean badira ikuspegi ezkorrekoak ere. Horietako batzuk dira azken hauteskundeetako estatalismo galtzailearena –galtzaile, besterik ez bada Bilduk irabazi duelako–. Emilio Guevara, Carlos Gorriaran, Joseba Arregi, Gorka Maneiro entzutea edo irakurtzea besterik ez dago haien ikuspegi ezkorraz jabetzeko. Baina badira baita ere ikuspegi ezkorrak abertzaleen artean, eta horietakoa da Txema Monterorena. Joan den asteburuan iritzi artikulu batean azaltzen zuen moduan, ezkor da hemengo gatazkaren bideratzeaz, bere ustez Espainian oso garai gogorrak datozelako ikuspegi ekonomikotik, eta halakoetan botereak beti bilatu behar duelako barne kohesiorako osagairik: PPk nazionalismo periferikoak erabiliko lituzke horretarako eta bereziki euskal auzia.
Hausnarketak badu zentzurik, eta azkenean ikusi beharko da ea PPren baitan zein ikuspegi nagusitzen den: gatazka ez bideratzeko aurreko tesiarekin bat egin dezakeen eskuina gogorrenarena edo PPren baitan egon badagoen eskuina moderatuago horrek? Raxoi buru, oraingoz eskuin moderatuago hori gailentzen ari dela dirudi, baita euskal gizartean ere. Apurka bada ere, Rubalcaba hasi da bere bitxilorea desegiten eta hor ez dugu konponbide aztarnarik ikusi. Laster izango da Raxoiren txanda eta hor ere oso posible da ezer ez ikustea, agerian behintzat. Euskal herritarrentzako ez litzateke jarrerarik txarrena gurekin ezikusiarena egingo balute: “Ale, konpondu zuen artean eta etorri gero, moldatuko gara”. Baina sufrimendu asko dugu oraindik esku artean eta hori batekin edo bestearekin konpondu beharko dugula.
Gobernuak aberriratu ondoren, ia urtebetez bizi behar izan dute aterpetxeetan eta ostatu pribatuetan, eta etengabe lekualdatu dituzte. Gaur egun erabiltzen duten aterpetxea urriaren 31n utzi beharko zutela esan zieten azkenekoz, nahiz eta badirudien beste luzapen bat ezarriko... [+]
Hainbat emakume-langile esplotatu eta horiei sexualki eraso egin dieten jabeen taberna pinturaz margotu zuten ezezagunek domeka gauean Getxoko Areeta auzoan. Pinturaz gainera, aldarri bat ere margotu zuten ondoko horman: "Erasoen aurrean klase batasuna".
Gaur gauean, urriak 17, 88 urte faxistek Jose Ariztimuño, Aitzol, hil zutena. Fusilamendu pelotoiaren aurrean ez zuela isilik gelditu nahi irakurri berri dut. Soldaduei tiro egitea kosta egin omen zitzaien, behin eta berriz agindu behar izan omen zieten su egiteko. Hala... [+]
Espainiako Lan ministro Yolanda Diazen proiektuaren aurka agertu da Banaketa Enpresa Handien Elkartea (Anged): "Joko-arauen aldaketa" ez du onartzen.
"Erraldoiei buruzko ipuina nahi dugu, haur txiki nahiz koskortuagoentzat". ARGIAk enkargua egin zien etxekoak ditugun Gorka Bereziartua kazetariari eta Adur Larrea ilustratzaileari. Emaitza: Abentura erraldoia. Salba dezagun kalejira. "Gauza berriak probatzeko... [+]
TikTok enpresaren barne-dokumentuen filtrazio batek adierazi duenez, enpresa jakitun zen 15 urteko hainbat neska zuzenekoetan biluzten zirela gizonezko helduek bidalitako txanpon birtualen truke. Sare sozialeko hainbat dokumentutarako sarbidea ahalbidetu zuen akats bati esker... [+]
Kritiken artean deportatu ditu Italiak hamasei errefuxiatu Albanian eraiki duen "harrera-zentro" batera. Proiektua 2023. urtean erabaki zen Meloniren Italiaren eta Albaniako Ramaren arteko akordio bat izan zela eta, eta "migrazio-kudeaketak bizkortzea" du... [+]
Goiburu hori soilik irakurri eta ezinezkoa nor den edo nor zen asmatzea, baina bazen nor!
Ángel González Olvera, Mexikon ezagutu genuen duela 11 urte bertsolariok hango inprobisatzaileekin jardunaldi batzuetara gonbidatu gintuztenean. Mendi gain batean bizi zen,... [+]
Mexiko Hiria, 1968ko urriaren 2a. Hilabete batzuk lehenago, ekainaren 22an abiatutako ikasle mugimenduak mitin bat antolatu zuen Hiru Kulturen Plazan, hiriko Nonoalco-Tlatelolco unitatean. Mexikoko ejertzitoak eta Batallón Olimpia talde paramilitarrak bildutako ikasleei... [+]
Erdi Aroan Jaungoikoa jaun eta jabe zen bezala, garai modernotan merkatuaren eta bere lege zurrunen menpe bizi gara. Goi mailako soldata erraldoiak merkatuak zehazten omen ditu; izan ere, Iberdrola edo BBVAko CEO-en sariak beraien arloko merkatuek finkatzen omen dituzte, nahiz... [+]
Tomas Mororen Utopia liburuko utopiarrek leitzea maite omen zuten. Hizkien bueltako hezkuntza onaren ondorioz, haurtzaroan hasi eta helduaroan ere aritzen ei ziren, inork manatu beharrik gabe, leitzen eta ikasten eta gehiago leitzen. Pentsa, aisialdia horretara emanak bizi zuten... [+]
Sandra Cisnerosek idatzitako The House on Mango Street mugaldeko liburuan pertsonaia baten txakurrak bi izen ditu: bat, espainolez; bat, ingelesez. Beharbada kontu harrigarria gerta liteke lehen begiratuan, baita liburu baterako ere, baina lasaiago pentsatuz gero ohartuko gara... [+]
Iraileko igandeetan ohitura da gure inguruetan Erniora igotzea, Zelatunen dantzan aritzea eta txorizo muturra, edo, jatea. Eguraldi txarrenaz ere ez da jenderik falta izaten. Aurten lagunak goizago abiatu eta ni berandututa, bakarrik nindoan estratan gora, beherantz zetozen... [+]
Berrogei urte eginen du urriaren 24an Georges Ibrahim Abdallah libanoarra atxilotu eta preso sartu zuela Frantziako Estatuak, eta horrenbestez Europako preso politiko zaharrena da. Palestinaren askatasunaren aldeko militantea, Libanoko Frakzio Armatu Iraultzailearen sortzailea... [+]