"Sekula ez dugu izan, ez izango, ezein enpresatako akziorik"
Espainiako gidaritza eman diote donostiar
kazetari honi.
“Mundu berde bat eta bakean” lortzeko egiten omen duzue lan. Teletubiak baino ez zaizkizue falta.
Mundu hori bihar lortuko dugula esatea, egia da, inozoa litzateke oso, eta ez sobera praktikoa. Ez gara erromantikoak, anbizio handikoak baizik.
Ea anbizio handi horiek.
Epe motz eta ertainean: Garoña ixtea, energia garbietan oinarritutako sistema elektrikoa lortzea, kostaldea hormigoi eta adreiluetatik babestea, negutegi efektua sortzen duten gasak murriztea, transgenikoak baztertzea...
Eta gure erosotasuna, zer?
Deserosoagoa iruditzen zait ekintza ezaren ondorioak borrokatzea. Ordaina dagoeneko ari gara ezagutzen: 2010eko uda azken bostehun urteetako beroena izan zen.
Ados, salba ditzagun baleak hortaz.
Haratago goaz: egia da krisi garaian jendea kontserbadoreagoa dela (ekonomikoki, noski, ez ingurumen gaietan). Eta laguntzak ematen dira, baina okerreko sektoreei.
Argitu bidea, otoi.
Berriztagarrien sektorea, adibidez. Miloi bat lanpostu sortzeko gai da 2020rako.
Baina hemen lanik ez da falta: AHTa, erraustegiak, Superportua...
Superportuak ez du zentzurik, ez ekonomiari ez ingurumenari begira. Eta arazorik gabe birziklatu daitekeen etxeko zaborra erretzeak ere ez du inolako logikarik.
Alarmista hutsak zarete, arrazoi zuen Raxoiren lehengusuak.
Klima aldaketa ukatzen duena edo ezjakina da edo ez du zuhurtziarik. Gaur esan daiteke, ezer egiten ez badugu, hemendik urte batzuetara zer aldaketa gertatuko den.
Aldaketak aldaketa, politikarien ondoan egotea onena.
Boteretsuengan eragiten saiatzen gara ingurumenaren eta hiritarren alde egin dezaten. Horretarako alderdi guztiekin hitz egin nahi dugu. Baina ez du esan nahi alderdikoiak garenik.
Harreman hobea duzue multinazionalekin?
Denetarik dago. Kasurik egiten ez digutenean beste bide batzuk hartzen ditugu: Mattel, Volkswagen... Eta enpresa batzuekin elkarrizketak ditugu, ingurumenarenganako errespetu handiagoa izan dezaten laguntzeko.
Eta, saldu dituzue dagoeneko Shell petrolio konpainiari erositako akzioak?
Sekula ez dugu izan, ez izango, ezein enpresatako akziorik. Bazkideen ekarpenekin soilik finantzatzen da Greenpeace. Eta ingurumenaren aldeko kanpainak egiteko erabiltzen ditugu esklusiboki ekarpen horiek.
Elkarretaratzea egin zuen Aiaraldeko Mendiak Bizirik plataformak atzo Laudioko Lamuza plazan, Mugagabe Trail Lasterketaren testuinguruan.
EH Bilduk sustatuta, Hondarribiako udalak euskara sustatzeko diru-laguntzetan aldaketak egin eta laguntza-lerro berri bat sortu du. Horri esker, erabat doakoak izango dira euskalduntze ikastaroak, besteak beste.
Martxoak 3ko sarraskiaren 49. urteurrena beteko da astelehenean. Grebetan eta asanblada irekietan oinarritutako hilabetetako borroka gero eta eraginkorragoa zenez, odoletan itotzea erabaki zuten garaiko botereek, Trantsizioaren hastapenetan. Martxoak 3 elkartea orduan... [+]
1976ko martxoaren 3an, Gasteizen, Poliziak ehunka tiro egin zituen asanbladan bildutako jendetzaren aurka, zabalduz eta erradikalizatuz zihoan greba mugimendua odoletan ito nahian. Bost langile hil zituzten, baina “egun hartan hildakoak gehiago ez izatea ia miraria... [+]
Udaberri aurreratua ate joka dabilkigu batean eta bestean, tximeletak eta loreak indarrean dabiltza. Ez dakit onerako edo txarrerako, gure etxean otsailean tximeleta artaldean ikustea baino otsoa ikustea hobea zela esaten baitzen.
Leihatila honetan behin baino gehiagotan azaldu ditugu Ama Naturaren engainuak bere izakiak babestearren. Batzuetan, erle edo liztor itxura zuten euliak ekarri ditugu, beste batzuetan inongo arriskurik ez duten arrisku-kolorazioko intsektuak ere bai (kolorazio aposematikoa... [+]
Nori ez zaio gustatzen ahuakatea? Ia denok atsegin dugu fruitu berri hori, di-da amaren batean etxekotu zitzaigun. Zenbat urte da ba dendaero ikusten hasi garela? Gure mahaietara iritsi aurretik, historia luzea du.
Gipuzkoako hamaika txokotatik gerturatutako hamarka lagun elkartu ziren otsailaren 23an Amillubiko lehen auzo(p)lanera. Biolur elkarteak bultzatutako proiektu kolektiboa da Amillubi, agroekologian sakontzeko eta Gipuzkoako etorkizuneko elikadura erronkei heltzeko asmoz Zestoako... [+]
Memoria eta Bizikidetzako, Kanpo Ekintzako eta Euskarako Departamentuko Memoriaren Nafarroako Institutuak "Maistrak eta maisu errepresaliatuak Nafarroan (1936-1976)" hezkuntza-webgunea aurkeztu du.
Espainiako Estatuko zentral nuklearrak itxi ez daitezen aktoreen presioak gora jarraitzen du. Otsailaren 12an Espainiako Kongresuak itxi beharreko zentral nuklearrak ez ixteko eskatu zion Espainiako Gobernuari, eta orain berdin egin dute Endesak eta Iberdrolak.
Gukak “Bilbo erdalduntzen duen makina” ikusaraziko du kanpainaren bidez. 24 orduz martxan dagoen makina salatuko dute, eta berori “elikatu eta olioztatzen dutenek” ardurak hartzea eskatuko dute. Euskararen aldeko mekanismoak aktibatzea aldarrikatuko dute.