Lurraren eskola
Goibelaldiak hartu nau, nongoa den ez dakidan arren, kanpotik Euskal Herrira etorritako 50 urte inguruko gizona 20 m2ko lur sailtxoari berea atera nahian ikusi dudanean. Eguna joan eta eguna etorri, nonbait utzi zituen lurrak gogoan, erreka ertzeko saila izerdiz ontzen diharduen gizonak zer pentsatua eman dit.
Pirinioetara joan zait gogoa, behea jotako hamaika herri haietara. Urteen ondoren sorlekura itzuli eta denborak eta elurrak eraitsitako teilatu eta pareta zaharretatik euren jaioterria berreraikitzen diharduten haietara. Lanbide alternatiboak aurkitu, haurrak ekarri eta hazi, eskolak sortu… Atarietan eta jarlekuetan ez da nagusirik ageri. Ez dago nagusirik, ilusioa eta bestelako mundu bat amesten duten gazteen kemena baizik. Ez dago bizitza bukolikorako lekurik, eguneroko errealitatea aurrean, lanak markatzen du bidea. Zerk eraman ditu paraje haietara bueltan? Zerk bultzatu ditu lur gogor haietan bizibide eta ogibidea bilatzera?
Ilusioz betetako herri horietatik hurbil, hutsetik hasita eraikitako herrixkak. Paisaiarekin bat, estetika perfektuan eraikitako etxeak zein baino zein dotoreago. Eliza itxurakoren bat ere bai tarteko, paisaiaren osagarri. Bakea da nagusi hemen urteko sasoirik gehienetan. Urbanizazio pribatuetan, mantentze lanak egiten dituen langilearen tresnek ateratzen duten zaratak bakarrik hausten dute bakea. Itxitako ate, leiho eta bentantxilak, gezurretako herria salatzen dute. Ez zahar eta ez gazte, inor bizi ez den herri perfektuak, dirudunen gozagarri eta bertakoen lotsagarri. Sikiera, bertaratzeko ahalegina egin dutenei lana ematen dienean ere, bada zerbait.
Euskal Herrira nator orain, Gipuzkoara zehatzago esateko. Gure herri txiki honetako 25 herri txiki, euren iraupenaren alde lanean: Larraul, Itziar, Ereñozu, Errezil, Aizarnazabal, Angiozar... Seme- alaben nortasuna eraikitzen lagunduko dien kulturaren, hizkuntzaren eta horien berme izan nahi duen eskolaren alde lanean. Lurra eta zoruaren arteko orekan, lehenengoaren aldeko apustua, bertan bizi nahi dutenen adierazgarri.
Ekainaren 12an, Abaltzisketan elkartu gara herri txikietako eta Eskola Txikietako ikasle irakasle eta gurasoak. Etorkizunari esperantzaz begiratzeko arrazoiak, egon badaude.
Larunbatean hamarnaka milaka herritar manifestatu dira Berlinen eta Alemania osoan. Otsailaren 23ko hauteskunde orokorren atarian, gainontzeko alderdiei eta bereziki CDU alderdi kontserbadoreari exijitu diete AfD eskuin muturreko alderdiarekin harreman oro eteteko.
Munduko landa eremu periferikoetan 4 milioi kilometro koadro laborantza lur abandonatu dira azken 75 urteotan. Orain arte arrazoi ekonomikoengatik uzten baldin baziren nagusiki, gerora, klima aldaketak ere horretara bideratuko ditu geroz eta gehiago. Bioaniztasuna babesteko xede... [+]
Vox alderdi faxistak Iruñeko Arrotxapea auzoan "informazio-mahai" bat jartzeko asmoa iragarri zuen, eta "kaleetan faxistarik nahi ez duen" langile-auzo anitz baten gaitzespenarekin egin dute topo. Berriozarren ere izan dira VOXekoak, eta bertan ere... [+]
Duela hemeretzi urte berpiztu zen libertimenduen usadioa Donibane Garazin. Antton Lukuk abiatu zuen mugimendu hori, eta bi hamarkadetan, Ipar Euskal Herriko herri desberdinetara ez ezik, Hegoaldera ere hedatu da. Zortzi libertimendu muntatu dira aurten, eta datozen asteetan,... [+]
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Guardianeko enpresa batzordeak eta SOS Aiaraldea plataformak deituta, mobilizazio jendetsua egin dute Laudion, Laudioko lantegiaren itxiera salatzeko. 2.000 herritar baino gehiagok giza-katea egin dute lantegia inguratuz.
Gorrotoa sustatzen duten algoritmoak, mendekotasuna sortzeko diseinatutako aplikazioak, pertsonak beharrean publizitate-hartzaileak ikusten dituzten plataformak, merkantzia gisa tratatzen gaituzten sare sozialak… Badirudi azken aldian herritarrek sare sozial nagusietatik... [+]
Milaka pertsona kalera atera dira larunbatean, Eusko Jaurlaritzari eta Osasun Sailari "konponbide errealak" eskatzeko, Osakidetzaren arazo estrukturalak konpon ditzaten.
Milaka eta milaka lagun elkartu dira larunbat bazkalondoan Iruñean, Baztango Aroztegiaren makroproiektuari aurkakotasuna adierazteko eta maiatzean epaituko dituzten zazpi auzipetuen absoluzioa eskatzeko. Bideoz grabatu dugu amaiera ekitaldiko hitzartzea [albistearen... [+]
Urtarrilaren 15ean Zedarriak enpresa foroak bere seigarren txostena aurkeztu zuen Deustuko Unibertsitatean, Bilbon. Zedarriak taldeko zuzendari Guillermo Dorronsorok azaldu zuen hurrengo urteetan “segurtasun eta defentsa industrian” diru asko inbertituko dela... [+]
Errezilera bizitzera joan eta sagarrondoak landatu zituen Satxa Zeberiok, Bio-K proiektuaren bultzatzaileak, duela zenbait urte. “Iritsi zen sagarrekin zerbait egiteko momentua, eta sagar zukua eta sagardoa ekoizteari ekin genion orduan”, azaldu du. 2015ean sortu... [+]
Agur negu. Negu betea da eta badoa. Mimosak (Acacia dealbata) eta magnoliak (Magnolia soulangeana eta Magnolia stellata) loratu dira, ongi etorri beraz loraldi nagusiei. Baina kontuz hotzarekin. Dagoeneko egun-argia ordubete pasatxo luzatu bada ere, zehar begiratuz bada ere... [+]
Gurean hain ezaguna den hegazti hau ustelzale porrokatua da, eta honek ez dio fama onik ekarri. Batzuek arrano, buitre, futre, hatxarrano edo mirusai deitzen diote; izen ofiziala sai arrea (Gyps fulvus) da.