dute, zaborra lurrazpiko ikusezin, atez ate gezurrak zabaltzen jardun ondoren Diario Vasco haizagailu. Hernani, Usurbil, Oiartzun. Hirurek eurenak ageriko, agerian utzi diete sasira lehenik eta krematoriora gero nahi luketenei, atez ateko bilketa probatu duten herritarrak konforme baino konformeago daudela ardura bere eskutan uzten duen sistemarekin, zero zabor gogoan. Politikariek, oraingoan, galdu egin dutela onartu dute publikoki eta horietako baten esanak Hernaniko Kronikan irakurri ditut. “Atez atekoen aldekoek irabazi dute, guk jarraituko dugu aurka egiten”. Rekondo hernaniarraren hitzak dituzue, ez Xabier Mikel usurbildarrarenak noski. Gabriel Arestiren hura ekarri dit gogora alkate izandako hernaniarrak, matraila bakarrean hartzen zituela denak, bigarren matraila erakusteko astirik ematen ez ziotela kantatzen zuen huraxe. Eta begitartea mudatu gabe kapaz ditugu porrotetatik irakaspen sakonenak erakartzen dituztela esateko, poetak bailiran. Komertzialagoa da. Niri, nire kalenturak berak jota daudela iruditzen zait, zorri berak erasoka bizi gaituela, arerioengandik ikasteko ezgauza garela. Ni jakitun nauzue. Sendabelarraren zain bizi naiz.