Maiatzaren 1a igandea tokatzen da, eta zer?
Sindikatuko lan baldintzak primerakoak izango dira, ezta?
Eskaini ditzakegun onenak izan arren, txarrak dira. Ez duzu nahiko gure lan-baldintzak sindikatuak langileei eskaini beharreko zerbitzuen aurretik jartzea, ezta?
Hara, XXI. mendeko lider sindikal handi bat!
Lasterketa luze honetan ezinbestekoa da urratsak besteek zein nik neuk nekatu gabe ematea. Horregatik, okerrena ez da erantzun borobilena aurkitu arteko isiltasuna, erantzunik eza baizik.
Egun bateko grebari “erantzun borobilena” deitzea ere...
Egun bateko grebak indar erakustaldiak dira, alternatiba aldarrikatzeko egunak, bidean urrats berriak ematekoak, baina ez dute tutik balio biharamunean “eta orain zer?” galderari erantzuteko gai ez bazara.
“Eta orain zer?“. Zuek beti kontra, ezta?
Eredu berriak eraikitzeko sistema zaharrak krisian hondoratu behar dira, aldaketa beharra nabarmentzeko. Gu ez gaude guztiaren kontra, egiten ari direnaren aurka baizik.
Ai zuek, mundu justu baten aldeko idealistak...
Horren alde borrokatzeko prest daudenei aukerak eta tresnak ematea da gure lana, borrokatzeko prest ez daudenentzat ere gure alternatiba baliagarria izango dela jakinik. Sistemaren prozesu eraldatzaile bat nahi dugu, ez gizarte haustura bat.
Intereconomíakoentzat dena da Zapateroren errua. Zuentzat dena sistemarena.
Boterea gizartearen baliabideetatik kanpo dago, esku gutxitan, inork ezagutzen ez dituen guneetan, eta gizartearen bitartekoak boterearen bitarteko bihurtu dira. Instituzioetako agintariak txotxongilo hutsak dira.
Medio askorentzat, txotxongiloak lan-istripuetan hildakoak dira, ordea.
Lan-istripuak ez dira gizarte albiste bat, sistema ekonomiko baten ondorioa baizik. Noiz azalduko dute istripuak nola gertatu diren? Noiz esango dute gehienak ekidin zitezkeela? Alarma soziala piztu beharrean tragedietara ohitu nahi gaituztela dirudi.
Utzidazu ezohiko albiste bat pentsatzen... Erabateko batasun sindikala, adibidez?
Erabateko batasun sindikala aldaketak bultzatzen dituen sindikalgintzaren kontrakoa litzateke. Zergatik eskatzen zaigu gehiengo sindikalari bi sindikaturekin bat egitea, eta ez CCOO eta UGTri gehiengo sindikalarekin elkartzea?
Denborak dena sendatzen omen du, baina...
Ez dut sinesten mendetan luzatzen diren arduretan, baina eraldaketa eta borroka nortasun ikur bihurtzen direnez, hemen ez bada, beste nonbaiten kapitalari adarra jotzen ibiliko naiz.
Azken aldian, asteburuetan, Internet ez dabil ondo. Hasieran, zaila zen webguneei ezarritako blokeoen zergatia ulertzea; orain, badakigu Espainiako La Ligak agindu zituela, futbola modu ilegalean emititzea saihesteko. La Ligaren blokeoak euskal domeinuei eragiten dien... [+]
Bilbon eginiko aurkezpenean iragarri dute ekitaldia, euskarari "arnas berri bat emateko eta behar duen indarraldia gorpuzten hasteko" lehen urratsa izango dela nabarmenduta. Euskaltzale guztiei, baina, oro har, "justizia sozialean eta gizarte kohesioan aurre... [+]
Aljeriatik datoz Mohamed eta Said [izenak asmatuak dira], herri beretik. “Txiki-txikitatik ezagutzen dugu elkar, eskolatik”. Ibilbide ezberdinak egin arren, egun, elkarrekin bizi dira Donostian, kale egoeran. Manteoko etxoletan bizi ziren, joan den astean Poliziak... [+]
Olatz Salvador
Noiz: martxoaren 15ean.
Non: Deustuko jaietan.
------------------------------------------------
Martxoak beti du deustuarrontzat kolore berezia; urtero ospatzen ditugu jaiak, San Jose egunaren bueltan. Bi asteburu bete festa, eta urtetik urtera Deustuko... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
Pazienteek Donostiara joan behar dute arreta jasotzeko. Osasun Bidasoa plataforma herritarrak salatu du itxierak “are gehiago hondatuko” duela eskualdeko osasun publikoa.
EH Bilduk galdera sorta bat erregistratu zuen Eusko Legebiltzarrean Donostiako Metroaren igarobideko lanen gainkostua argitzeko. Informazio hori atzo jakinarazi zuen Susana Garcia Chueca Mugikortasun sailburu sozialistak.
Kirola eta oroimena uztartuko dituzte, bigarrenez, mendi-martxa baten bitartez. Ez da lehiakorra izanen, helburua beste bat delako. La Fuga izeneko mendi martxak 1938ko sarraskia gogorarazi nahi du. Ezkabako gotorlekuan hasi eta Urepelen amaituko da. Maiatzaren 17an eginen dute.
Seaska Sarean inklusio egoeran dauden 165 ikasleei laguntza bermatzeko hasi dute kanpaina, antolaketa propioa eratuta. Frantziako Hezkuntza Ministerioaren jarrera salatu dute kanpaina aurkezteko prentsaurrekoan, behar bereziak dituzten haurren inklusiorako baliabide... [+]
Martxoaren 19an amaitu zen proiektua aurkezteko epea, baina Errioxako PSOEk adierazi du Forestalia enpresak "interesa baztertu" duela. Enpresak bi parke eoliko eraiki nahi zituen Aragoiko lurretan, baina oraindik ez ditu lortu baimenak eta hori dute egitasmoa... [+]
Muga-zergak apirilaren 2tik aurrera ezarriko dira eta altzairuari eta aluminioari ezarritakoei batuko zaizkie. "Gurekin negozioa egiten duten eta gure aberastasuna eskuratzen duten herrialdeei ezarriko dizkiegu", AEBetako presidenteak adierazi duenez.
%90eko jarraipen "ia erabatekoa" izan du grebak, sindikatuen arabera. Gasteizko parkeak, lorategiak eta eraztun berdea mantentzen dituzte Enviser azpikontratako 90 langileek.
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
