Estetika, argibide
Ezin ukatu. Datu teknikoek, alde batekoek zein bertzekoek eztabaidetan, zorabiatzen naute. Haien bila noanean, baliteke aurretiko joera izatea alde baterantz edo besterantz makurtzeko, zeharkako hainbat arrazoirengatik, eta gehienetan arrazoi teknikoek baino gehiago nire ustezko sen onak eramanik. Baina datu bila horretan, irekia izan nahi eta bi aldeetako datu zorabiagarriak deskorapilatzen saiatzen naiz, konparatzen, batzuen eta bertzeen hiperboleak haien neurrira ekartzen... azkenik zerbait gehiago ikasi dudalako inpresioa neureganatzeraino, baina horrexegatik hain zuzen bertze sentsazio hau nitaz jabetzeraino: gero eta hutsune handiagoak ditut kontu horien inguruko ezagutzan. Erraten den bezala: zenbat eta gehiago ikasi, hainbat eta sakonagoa nire ezjakinaren kontzientzia.
Halere, eztabaidaren platoko datu-dantzaren erdian, urrats berezi halakoak ikusten dituzu, erritmoa aldatzen dutenak; oin, beso, lepo, sabel, aldaka eta gerrien itzulinguru halakoak, dantzaren ikusgarritasuna biribiltzen dutenak. Dantzaren hari soilen atzetik dantzari antagonistei sen estetiko desberdinak antzematen dizkiezu. Eta estetika horiek dira mugitzen zaituztenak, datu-urrats soilak baino gehiago, dantzari bat lehenestera eta bertzea baztertzera.
Adibide bikain bat: hiru urte duela, 2008ko otsailean, parada izan genuen Eusko Jaurlaritzako Herrilan-sailburuari irakurtzeko AHT inguruko eztabaidan, trenaren defentsan noski. Elkarrizketa bat, eta kazetariak, batere neutrala ez izanik, sailburuari, beronek nahi baino gehiago hitz eginarazi zion. Bada, datuen dantza korapilatsuaren erdian, honakoa bota zuen: “Legebiltzarrean azaroan izan zen azken eztabaida: %85ek bozkatu zuten azpiegituren alde”. Eta “Legebiltzarrean herritar guztien ordezkariak daude”. Beraz...
Sailburuaren sabel itzulinguru bat dirudi argudioak, datuen dantza soilari estetika-ukitu bat emate aldera. Estetika eztabaidagarria, gainera, zeren lepoa emanen bainuke legebiltzarkideen %85 hura ni bezainbertze zorabiatzen dutela datu teknikoek, nik neuk baino gehiago ez dakiela AHT horren beharraz. Nahiz eta gerta izan zitekeen, ni EAEko hautesle izan banintz, %85 horren zati bat neuk hautatua izana, horrek ez du erran nahi ene botoa orri zuri azpiko sinadura denik, hautetsiek gero euren nahierara idazteko ebazpenak auzi guztietan. Hautesleon boto itxurako sinaduraren gainean badaude testu batzuk, bertan idatzi gabe baina non, bertzeak bertze, auzi batzuetarako herri-kontsultak eta erreferendumak eskatzen diren, demokrazia parte-hartzaileen ikur gisa.
Eta hain zuzen, horren galde egin zion kazetariak. Hona erantzuna, antologiakoa, datu tekniko guztiek baino anitz gehiago bultza ninduena AHT arbuiatzera: “Gure sistema instituzionala onartzen badugu, noski. Bestela, beste era bateko eztabaida batean sartzen ari gara. Kasu horretan, galdeketa erabiltzen ariko litzateke, ez horrenbeste trenaren inguruan erabakitzeko, baizik eta erakundeei eraso egiteko”. Horixe datuen dantzaren erdian sabel, aldaka eta ipurmasailen itzulinguruak, demokraziari buruzko estetika edertzailetzat! Demokrazia parte-hartzailearen ikur diren herri-kontsultak demokraziaren suntsitzaile bihurtu zituen sailburuak, bere sabeleko AHT plana bertan behera uztearen alde agertzen bazen herria gehiengoz.
Zorabiatzen naute, bai, datu teknikoek askotan. Haien atzetik sarri dagoen estetikak itzultzen nau ene senera, ordea.
Aberri Eguna elkarrekin ospatzeko xedez sortu zen Euskal Herria Batera plataforma. Aurten, ikusgarri bat eskainiko dute apirilaren 11n, Manex Fuchs antzerkilariaren, Lorea Agirre idazlearen eta Martxel Rodriguez dantzariaren eskutik.
Apirilaren 4an, ostiralarekin, Ipar Euskal Herriak Lurralde Kolektibitate baterantz bilakaera instituzional bat behar duela egiaztatuz, Batera plataformak herritarren mobilizazio dinamika baten abiatzea aurkeztu du. Hitzordua emana da maiatzaren 10ean, larunbatez, Ezpeletan,... [+]
Fabrika itxi eta 106 beharginak kaleratzeko asmoa dauka enpresako zuzendaritzak, eta zabalik dago lan-erregulazioari buruzko kontsulta-aldia.
Abenduan ezagutarazi ziren Espainia, Maroko eta Portugalen jokatuko den Munduko Futbol Txapelketako egoitzak. Donostia eta Bilbo zerrendan ageri ziren. Bada, Donostiako sei auzo elkartek, gutun bidez, FIFAri eskatu diote atzera botatzeko hiriaren egoitza izendapena; FIFA bera... [+]
108 pertsona erreskatatu dituzte asteburuan Mediterraneoan. Italiako Gobernuak ez die utzi gertuko portu batean lehorreratzen, eta Salernora bideratu dute Aita Mari ontzia. Litekeena da Europako Batasunak migrazio politikaren araudia gogortu aurreko azken misioa izatea. Aita... [+]
1999an sortu zuten Udalbiltzaren sortzaileetako bat izan zen, eta erakundeko lehen presidente izendatu zuten urte berean. Ondarroako alkate izan zen hiru agintalditan, eta hango udalak eman du albistearen berri.
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Hogeigarren edizioa ekainaren 14an egingo da eta futbol partida, bazkari eta kontzertuz josia egongo da. 20 urtez presoekin elkartasunez lelopean ospatuko dute eguna, eta ekintza "bereziak" iragarri dituzte.
Asian Hong Kong izan da galerarik handienak jasan dituena: %13,2 galdu du, 1997tik pairatu duen kolperik handiena. Europan, berriz, %6 eta %10 arteko galerekin abiatu dute astelehena burtsa nagusiek. Trumpek hartutako neurriak salatzeko mobilizazioak egin dituzte Europako eta... [+]
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
Euskal Herriko Etxebizitza Sindikatu Sozialistak deitua, milaka lagun batu dira gaur eguerdian Donostian, “etxebizitzaren negozioaren aurka” eta “etxebizitzarako eskubide unibertsalaren alde”.
Euskal Herriko Pentsiodunen Mugimenduak deitutako eta ELA, LAB, ESK, CGT, CNT, STEILAS, ETXALDE eta HIRU sindikatuek babestutako manifestazioak Bilbon, Gasteizen, Donostian eta Iruñean izan dira. Bertan, Euskadiko eta Nafarroako gobernuei eskatu diete zerga eta aurrekontu... [+]
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".