Iraintzaileak aholkulari
|
I Hara non dauden zelaian haritza ta lizarra, goian dutela izarra, entzunaz Jaurlaritzako haizearen didarra: (bis) “Lizardi, larre hizkuntzari badatorkio indarra; aizak, Aresti zaharra, euskara salbu duk eta moztu ezak bizarra!”. (bis) |
IV Euskal Herrian elkarte, irrati, aldizkari ta kultur-talde ugari, diru gabe utzitako hamaika agintari, (bis) mesprestxuz diozuenak eraso euskarari, sailburu, lehendakari... Nola izan nahi duzue gure aholkulari? (bis) |
|
|
II “Badiat nik albiste bat zuentzako gordea, astintzeko hor behea; muinoz-muino Orhi, Aizkorri, Urbasa ta Gorbea. (bis) Diotenez gaur arteko asko baino hobea, nahiz batzuk gogor beha, izango da Euskararen Aholku Batzordea”. (bis) |
V Badakit kide guztiak berdinak ez direla, onak geunden bestela! Jaurlaritzak markatzen du hiruko erregela: (bis) Batzuentzat batzordea, besteentzat kartzela. Txarrena da horrela gauza absurduetara ohitzen ari garela. (bis) |
|
|
III Gasteiztik diote “Euskara bizi-bizirik bego; bihotz-mihietan bero. hala izan dadin martxan gabiltza egunero”. (bis) Hala ere ho(r)ien hitza beteko denik gero, nork lezake espero? Otsoei ardi larruak kentzen hasi ezkero...(bis) |
VI Nahiz euskara eztenkatzen ari den Jaurlaritza, ta ez mintzea den gaitza, euskaldunok geure ahotsa jaso nahian gabiltza. (bis) Beraz zuk, politikari, baduzu zer non mintza, hartu ezazu hitza! Ala hizkuntzaren defentsa ez al da herrigintza? (bis) |
Doinua: “Zamorako sugintza”.
Bidali zure sortak bertsoak@argia.eus helbidera. Aukeratuak orri honetan argitaratuko ditugu.