Bertso esaldia
| I Artze-k azaldu zuen problemaren funtsa eta bere mezua dakart nik honuntza. Ikastoletan jaso badugu hezkuntza euskarari eskaini beharko laguntza, herri baten arnasa delako hizkuntza. |
II Nahiz euskaldun sentitu hainbat eta hainbat zinez ba ote garen zalantza badaukat: bihotza euskalduna ei dugu erabat, baina, erdaraz mintzo gara etxetik at... Hala ezin daiteke suspertu herri bat. |
III Adibidez, dendara sartzean galdezka gazteleraz mintzatu ohi gara gu, ezta? Txip aldaketa hori egitera presta; pentsatze hutsak sortzen digu hainbat kezka, baina, ahalegintzea horren zaila ez da. |
| IV Lau haizeetara hasi orduko zabaltzen haizea zurrunbilo bilakatu al zen? Euskararen sugarra ari da itzaltzen... orain ez du txingarra besterik azaltzen ta gaitzerdi hausporik ez badugu galtzen. |
V Zer gerta dakiokeen daki ondorenak... biziraungo duela esan dit barrenak. Horretarako batu ditzagun kemenak, euskara erabiliz euskaldun garenak. Noizbait ikasiko du gaur ez dakienak. |
VI Ez ote gara ari kontzeptuak nahasten? Ez al zaigu euskara norena den ahazten? Artze-k argitu zidan niri azkenik-azken: euskaldunok euskaraz ez bagara hasten erdaldun bat nolatan hasiko da ikasten? |
| VII Gure herria oso anitza delako euskaldunez gain daude hainbat bestelako. Euskara hartu behar lukete aintzako eta ulertzen behintzat saiatu beharko... Lortu ez duena da nahi ez duelako. |
VIII Errurik ez du, baina, euskotarra denak erdaraz mintzatzean euskaldun gehienak. Gure baitan dauzkagu irtenbide denak... Ez ditu entzun behar hain sermoi ozenak bere hizkuntza zein den garbi dakienak. |
IX Gure errua onartzen ez dugu jakiten, baina, neurea behintzat ez dut ekiditen. Buruari jardunda asko eragiten: euskara gabe ezin banaiz plazara irten bihartik hasiko naiz beti hitzegiten! |
| X Gure herria oso anitza delako euskaldunez gain daude hainbat bestelako. Euskara har dezagun guztiok aintzako! Denok geure moduan lagundu beharko euskara hiltzerik inork nahi ez duelako. |
XI Artze bere garaian ez zegoen pozik, ez zuelako gura hain herri eskasik. Kontuak kontu denok ahaztu dugu kasik herriak ez duela sortu euskal hitzik, euskarak herri egin gaituela baizik. |
Doinua: “Lagundurikan danoi”.
Bidali zure sortak bertsoak@argia.eus helbidera. Aukeratuak orri honetan argitaratuko ditugu.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
Hobekuntza horiekin izokinak eta beste espezie migratzaile batzuek erruteko eremu optimoak lortzea eta bizirik irauteko aukerak handitzea espero da. Europako funtsekin finantzatutako jarduera da, Life Kanturibai proiektuaren baitakoa.
Epaiketa prozesua abiatu du ostegun honetan gazte antolakundeak. 2023an egindako bi ekimenen ondorioz 290.500 euroko zigor ekonomikoa jarri dio Eusko Jaurlaritzak. Ekonomikoki "ito eta desagerrarazteko" mekanismoa dela salatu du Ernaik.
Adinekoen egoitzako egoiliarra da asteazken gauean hildako emakumea. Larriki kolpaturikoa ospitalera eraman zuten, baina bertan hil zen emakumea. Bertako egoiliarra den 68 urteko gizon bat atxilotu dute, indarkeria matxista leporaturik.
Hego Euskal Herriko gazteen osasun mentalaren egoera “kezkagarria” da, Gurea Geroa atari digitalak egindako txosten batek agerian utzi duenez. Inkestaren arabera, gazteen erdiek ondoez emozionala pairatzen dute, eta hamarretik seik pentsamendu suizidak izan dituzte... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Asteazkenean banatu dituzte Rikardo Arregi sariak, Andoainen. Kazetaritza Saria Berria-n argitaratutako Feminizketak elkarrizketa sortak jaso du, eta Komunikazio Saria Euskal Wikilarien Kultura Elkartearen Ikusgela proiektuak. Ohorezko mugarria Ana Galarraga Aiestarani eman dio... [+]
Threes! edo 2048 klasikoen bertsioa prestatu dute Julen Irazokik eta Ibai Aizpuruak, Mikel Dale musikagilearekin batera. Android-en doan deskarga dezakegu euskarazko bideojokoa.
Urtarrilean salmenta espekulatibo bat salatzeko ekintza egin zuen Arberoa Lurra eta Etxebizitza kolektiboak, eta horrekin lotuta egon daitezke atxiloketak. Goizeko seiak aldera atxilotu dituzte, "atea kasik hautsiz eta esku-burdinak segidan ezarriz", Ostia sareak... [+]
Israelgo lehen ministro Benjamin Netanyahuk "immunitatea", hau da, babes politikoa duela adierazi du Frantziako Kanpoko Aferen ministroak. Israelgo Haaretz eta Maariv komunikabideek jakitera eman dute Libanorekin adosturiko su-etenaren baldintzen artean zuela... [+]
Enpresa jo dute egoeraren erantzuletzat, baita erakunde publikoak ere. Langile batzuek bost hilabete baino gehiago daramatzate kobratu gabe, eta ostiral honetan egingo dute manifestazio bat, ontziolatik abiatuta: ez dezatela itxi aldarrikatzeko.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]