Erein eta Alberdania argitaletxeen elkarlanaren fruitu da Arnaldur Indridasonen (Reykjavik, Islandia) Hilobiko isiltasuna euskaraz edukitzea. Julen Gabiriak euskaratu duen eleberri poliziako hau trilogia bateko bigarrena da, eta bi editorialek sortu duten Batera Sailean argitaratu da. Reykjaviken kokatzen da istorioa: urbanizazio batean etxea egiten ari dira eta orubean pertsona baten saihets-hezurra aurkitu. Hezurdura osoa gero. Erlendur Sveinsson inspektoreak ikertu behar du kasua, baina arkeologoei itxaron behar hezurrak aspaldikoak direla ematen duelako. Eta Erlendurrek ezin: ikertzen hasiko da bere kabuz, gauza politik aurkitu gabe.