Baina zergatik hori? Mundu osoko eta garai guztietako gizarteetan kolore gorriak askotan goi mailako estatusa adierazi izan du; Txinan, Japonian, Saharatik hegoalderagoko herrietan eta garai bateko Erromako inperioan ere bai. Antza denez, jatorri biologikoa izan dezake joera horrek: primateengan, gorriak arraren nagusitasuna adierazten du; tximino emeek kolore hori duten arrak lehenesten dituzte ugaltzeko garaian.