Barne, Kultura eta Hezkuntza Ministerioen izenean etorri dira Frantziako ikuskariak, eta Euskararen Erakunde Publikoaren sei urteko ibilbidea ontzat jo dute. Ikuskariek Gobernuari beste sei urtez EEPren jarduna luzatzeko eskatu diote eta erakundearen egituratzea, hizkuntza politikaren hezurdura, garatutako ildoak eta elkarkidetza eredua goraipatu dituzte.