Álvaro Baraibarrek Pamiela argitaletxearen bidez publikatu du Historia y memoria de los símbolos de Navarra liburua. Saiakera historikoa da Baraibarrena, Nafarroako ikurretan arreta berezia jartzen duena. Herrialdeko armarriak azken mende honetan izan duen garapena ezagutuko dugu liburuari esker: 1910ean diseinatutako kate eta koroazko ikurretik, 36ko Gerraren ondoren Francok jarritako ereinotz-koroatik pasaz eta gaur egungo armarri ofizialeraino iritsiz. Noski, ez gara ikur soil bati buruz ari: armarriak izandako aldaketa bakoitzak testuinguru historiko bati erantzuten dio, eta Baraibarrek horiei buruzko gogoeta egitera gonbidatzen du liburuan.