31
| I Denboraren arrastoa nabarmentzen da bisaian, azalaren zimurretan, begiradaren lasaian, baskula baten gainean, after shavearen usaian, kolesterolaren erruz mamirik gabeko mahaian, ilearen erorketak soildu ohi duen sabaian, sekula desagertzen ez den umore txar jarraian... Denok helduago izan nahi dugu gazte garaian, baina heltzen garenean gabiltza gaztetu nahian. |
II Alkoholaren ekoizpena krisian dago benetan ebaki deskafeinatu bat hartzen dugun uneetan. Ezezagun bilakatu gara ia tabernetan, terrazetan baikabiltza gai serioez hizketan: hil bukaeran burua hileroko hipotekan, alabaren biberoian, semearen pardeletan... Kalera irteten gara igande eguerdietan, nerabetan etxeratu ohi ginen ordu beretan. |
III Euriborra “frak”-arekin ibiltzen da ate joka, tamalez Iberdrolari ez zaio asko inporta; Euskaltel eta Naturgas ere daude gure kontra eta propina gisara bizilagunen kuota. Etxeko ekonomiak jasaten badu porrota, gutxiago jan behar da eta jatekotan zopa... Den lapurrik handiena bilakatu da Europa, askoz pezeta gehiago osten delako euroka. |
| IV Etxea ere tarteka garbitu behar da noski, gutxiago zikintzea ez baita izaten aski... Batzutan behar da Pronto, besteetan KH-7; Don Limpiok txukun uzten du lehen zegoena hain gaizki; Vileda lehortu asmoz etengabe ohi da busti, Tenn ere ez da tentela, bioalkohol eta guzti... Txoko ezkutuenetan ibiltzen denez espreski, zikinkeriak etxeko sekretu denak dakizki. |
V Bulegoko tertulien oinarria da baloia: “Athletic?”, “Ondo...”, “Reala?”, “Berriz jaso du jipoia...”. Gero hasten da Bill Gatesek ezarritako patroia: ordenagailua piztu, klikatu ezker botoia. Windowsak abiarazten du lanaren maratoia: zortzi orduz arrastaka pertsona ta arratoia! Monotoniari eman behar zaio arrazoia, ezagunegia baita eguneroko gidoia. |
VI Teknologikoki bizi dugu aro digitala, Googlea bihurtu zaigu denon etxeko portala, mugikorra dugu falta zitzaigun gorputz-atala, GPSa daramagu, berak gu garamatzala. E-mailak ugaldu dira, SMSak bezala, mundu txiki bat bihurtuz lehen zena mundu zabala. Baina tamalez ez al da gure gizarte globala bakardade ugariren konexio birtuala? |
Doinua: "Habanera".
Bidali zure sortak bertsoak@argia.eus helbidera. Aukeratuak orri honetan argitaratuko ditugu.
Azaroaren 25ean, Indarkeria Matxistaren Aurkako Nazioarteko Egunean, Steilas sindikatuko Idazkaritza Feministak kartel bat argitaratu du: Gure gorputza gudu zelai bat da du leloa, eta Hego Euskal Herriko ikastetxe guztiek jaso dute. Gatazka armatuetan emakumeek eta adingabeek... [+]
Albiste izan da Gasteizko Errota auzoa azken asteetan, urriaren 8az geroztik delinkuentziaren aurkako eta segurtasunaren aldeko mobilizazioak burutzen baitituzte zenbait auzokidek asteartero, bi lonja huts okupatu zituzten gazte migratzaile batzuk jo-puntuan jarrita. Inguruan... [+]
Azaroak 25 Indarkeria Matxistaren Aurkako Nazioarteko Eguna da. Mugimendu feministak Bilbo, Iruñea, Gasteiz, Donostia eta Baionan mobilizazioak egingo ditu. Mugimenduak argitaratu duen manifestuan, 2024an Euskal Herrian eraildako bost emakumeak gogoratu dituzte. Aurtengo... [+]
Abenduak hostoen kolore marroia dauka: lurrean, intxaurrondo biluziaren azpian, geratu diren hostoena. Intxaurrondoak bukatu du bere zikloa. Atseden hartzera doa: zuztarrak indartuz, elikatuz, nutritzea du helburu. Barrura begira, barrenak osatzeko garaian dago, orain arte egin... [+]
Asko hitz egiten da basoaz azken aldian. Basoak berreskuratzeaz, basoak sortzeaz eta basoaren hedadura zabaltzeaz entzungo duzu sarri. Eta ekintza ona izan daiteke zalantzarik gabe, ekosistema moduan duen balioa handia delako. Baina, basoari jartzen diogun atentzio eta indar... [+]
Datozen 100-150 egunak erdi lo negukatzen igaroko dituzte landare askok. Beren jakiak sortzeko nahitaezkoak dituzten hostoak askatu eta aurreko 200-250 egunetan metatutako erreserbei esker biziko dira.
Nafarroako beste zenbait herritan bezala, duela lauzpabost urte hasi ziren Basaburuan gaztainondoen inguruko lanketarekin. “Bertako gaztain barietateei lotutako ikerketa abiatu zuen Nafarroako Gobernuak, eta orduan hasi zen hemengo herrietan ere gaztainaren historia... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
Zestoako Iraeta auzoko Amilibia baserria eta lurra kolektibizatzeko 100.000 euro batzea falta du Amillubi proiektuak, lehen urte honetan 290.000 euro eskuratu baititu. Biolurrek abiatutako proiektu agroekologiko honek dagoeneko jarri du lurra martxan, sektorearen beharrei... [+]
Forensic Architecture erakundearen ondorioetakoa da hori, ikusita Israelgo Armadak nola antolatu duen Gazaren egungo kontrola. Suntsiketa maila hori bakarrik litzateke Gazaren kontrola segurtatzeko, zeren eta, berez, txikitze maila askoz handiagoa da lurraldearen gainerako... [+]