Elkar argitaletxearen eskutik ikusi du argia Txori kantariak poeta hegalariak liburuak. Hamahiru poetaren idatziak bildu dituzte argitalpenaren orrietan: Pello Añorga, Lutxo Egia, Juan Kruz Igerabide, Joan Mari Irigoien, Felipe Juaristi, Antton Kazabon, Miren Agur Meabe, Karlos Linazasoro, Joxan Ormazabal, Jon Suarez eta Kirmen Uribe dira poetak. Hamalaugarrena falta da ordea, Elena Odriozola ilustratzailea, alegia: “Poesia hauek guztiak ilustratu beharrean, nik ere poesia bat egitea erabaki dut. Marrazkiekin, hitzekin, objektuekin...” dio Odriozolak liburuaren bukaeran.